ລາວ-​ໄທຮ່ວມ​ມື​ພັດທະນາດ້ານໂພຊະນາບຳບັດ

- Laos Thai - ລາວ-​ໄທຮ່ວມ​ມື​ພັດທະນາດ້ານໂພຊະນາບຳບັດ
- Untitled design - ລາວ-​ໄທຮ່ວມ​ມື​ພັດທະນາດ້ານໂພຊະນາບຳບັດ

ໃນວັນທີ 23 ມີນາ 2018 ທີ່ນະຄອນຫລວງວຽງຈັນ, ໂຮງໝໍມະໂຫສົດ ຮ່ວມກັບສະມາ ຄົມຜູ້ໃຫ້ອາຫານທາງຫລອດເລືອດດຳ ແລະ ທາງເດີນອາຫານແຫ່ງປະເທດໄທ ໄດ້ຈັດກອງປະຊຸມສຳມະນາວິຊາການໃນຫົວຂໍ້ “ພັດທະນາດ້ານໂພຊະນາບຳບັດ” ເພື່ອແນ່ໃສ່ເຮັດໃຫ້ການບໍລິການ ແລະ ການປິ່ນ ປົວທາງໂພຊະນາການແກ່ຄົນເຈັບ ໃນຂອບເຂດທົ່ວປະເທດໃຫ້ດີຂຶ້ນ, ໂດຍການເຂົ້າຮ່ວມຂອງ ທ່ານ ດຣ ດວງດາວ ສຸກອາລຸນ ຮອງອຳນວຍການ ໂຮງໝໍມະໂຫສົດ, ອາຈານ ອຸປະຖໍາ ສຸພະສິນ ປະທານສະມາຄົມຫລອດເລືອດດຳ ແລະ ໂພຊະນາການແຫ່ງລາດຊະອານາຈັກໄທ, ມີບັນດາແພດໝໍ, ພະຍາ ບານ, ນັກໂພຊະນາການ ແລະ ບຸກຄະລາກອນທາງດ້ານການແພດ ເຂົ້າຮ່ວມເປັນຈໍານວນຫລາຍ, ເພື່ອແນໃສ່ຍົກສູງຄຸນນະພາບທາງດ້ານການບໍລິການ ແລະ ການປິ່ນປົວທາງໂພຊະນາການແກ່ຄົນເຈັບ ໃນຂອບເຂດທົ່ວປະເທດໃຫ້ນັບມື້ດີຂຶ້ນ, ປະກອບສ່ວນຢ່າງຕັ້ງໜ້າເຂົ້າໃນການດູແລເບິ່ງແຍງຄົນເຈັບ, ຫລຸດຜ່ອນຄ່າໃຊ້ຈ່າຍ ແລະ ຈຳນວນມື້ນອນໂຮງໝໍຂອງຄົນເຈັບ, ຍົກສູງຄຸນສົມບັດ ແລະ ຈັນຍາບັນການແພດ ເພື່ອບັນລຸນະໂຍບາຍ 5 ດີ 1 ພໍໃຈ ຂອງກະຊວງສາທາ ລະນະສຸກໃຫ້ປະກົດຜົນເປັນຈິງ.

ທ່ານ ດຣ ດວງດາວ ສຸກອາລຸນ ​ກ່າວ​ວ່າ: ການ​ພັດທະນາ​ຄວາມ​ຮູ້​ຄວາມ​ສາມາດ ຢ່າງ​ຕໍ່​ເນື່ອງ ​ແລະ ທັນ​ຍຸກ​ທັນ​ສະ​ໄໝ ​ເປັນ​ສິ່ງ​ທີ່​ຈະ​ຕ້ອງ​ໄດ້​ປະຕິບັດ​ຢ່າງ​ສະໝໍ່າສະ​ເໝີ ​ເພື່ອ​ຍົກ​ລະດັບ​ຕົນ​ເອງ ​ໃຫ້​ກ້າວ​ເຂົ້າ​ສູ່​ລະດັບ​ພາກ​ພື້ນ ​ແລະ ​ສາກົນ​ ​ໄດ້​​ເທື່ອ​ລະ​ກ້າວ ແລະ ຈະ​ຊ່ວຍ​ປ້ອງ​ກັນ​ພາວະ​ແຊກ​ຊ້ອນ ​ທີ່​ອາດ​ເກີດ​ຂຶ້ນ​ໄດ້​​ເປັນ​ຢ່າງ​ດີ.

- Wave100S AD to Website 2020 0 - ລາວ-​ໄທຮ່ວມ​ມື​ພັດທະນາດ້ານໂພຊະນາບຳບັດ
- WhatsApp Image 2020 05 27 at 5 - ລາວ-​ໄທຮ່ວມ​ມື​ພັດທະນາດ້ານໂພຊະນາບຳບັດ
- WhatsApp Image 2020 05 27 at 5 - ລາວ-​ໄທຮ່ວມ​ມື​ພັດທະນາດ້ານໂພຊະນາບຳບັດ
error: Alert: ເນື້ອຫາຂ່າວມີລິຂະສິດ !!