ການ​ທາ​ບທາມ​ຄຳ​ຄິດ​ເຫັນ​ຕໍ່​ຮ່າງ​ກົດໝາຍ​ວ່າ​ດ້ວຍ​ສຳນັກງານ​ຜູ້ຕາງໜ້າແຫ່ງ ສປປ ລາວ ຢູ່​ຕ່າງປະ​ເທດ

- advert banner 728 90 728x90 - ການ​ທາ​ບທາມ​ຄຳ​ຄິດ​ເຫັນ​ຕໍ່​ຮ່າງ​ກົດໝາຍ​ວ່າ​ດ້ວຍ​ສຳນັກງານ​ຜູ້ຕາງໜ້າແຫ່ງ ສປປ ລາວ ຢູ່​ຕ່າງປະ​ເທດ

- wote 1 - ການ​ທາ​ບທາມ​ຄຳ​ຄິດ​ເຫັນ​ຕໍ່​ຮ່າງ​ກົດໝາຍ​ວ່າ​ດ້ວຍ​ສຳນັກງານ​ຜູ້ຕາງໜ້າແຫ່ງ ສປປ ລາວ ຢູ່​ຕ່າງປະ​ເທດ​ໃນ​ວັນ​ທີ 20-21 ມີນາ 2018 ທີ່​ຫ້ອງ​ວ່າການ​ປົກຄອງ​ແຂວງ​ຄຳ​ມ່ວນ, ກະຊວງ​ການ​ຕ່າງປະ​ເທດ ​ໄດ້​ຈັດກອງ​ປະຊຸມ​ເພື່ອ​ທາ​ບທາມ​ຄຳ​ຄິດ​ເຫັນ​ນຳ​ເຈົ້າໜ້າ​ທີ່​ຂັ້ນ​ແຂວງ 5 ​ແຂວງ​ພາກ​ກາງ ຄື​ແຂວງ​ວຽງ​ຈັນ, ​ໄຊ​ສົມບູນ, ບໍລິ​ຄຳ​ໄຊ, ຄຳ​ມ່ວນ, ສະຫວັນ​ນະ​ເຂດ ​ແລະ ນະຄອນຫລວງ​ວຽງ​ຈັນ ຕໍ່​ຮ່າງ​ກົດໝາຍ​ວ່າ​ດ້ວຍ​ສຳນັກງານ​ຜູ້ຕາງໜ້າ​ແຫ່ງ ສປປ ລາວ ຢູ່​ຕ່າງປະ​ເທດ ພາຍ​ໃຕ້​ການ​ເປັນ​ປະທານ​ຮ່ວມ​ຂອງ​ທ່ານ​ນາງ ຄຳ​ເພົາ ​ເອີນ​ທະ​ວັນ ຮອງ​ລັດຖະມົນຕີ​ກະຊວງ​ການ​ຕ່າງປະ​ເທດ​ສະພາ​ແຫ່ງ​ຊາດ, ບັນດາ​ທ່ານ​ຮອງ​ປະທານ​ສະພາ​ປະຊາຊົນ​ຂັ້ນ​ແຂວງ, ສະມາຊິກ​ສະພາ​ແຫ່ງ​ຊາດ​ປະຈຳ​ເຂດ​ເລືອກ​ຕັ້ງ, ຫົວໜ້າ ​ແລະ ຮອງ​ຫົວໜ້າ​ຫ້ອງ​ວ່າການ​ປົກຄອງ​ແຂວງ, ຫົວໜ້າ ​ແລະ ຮອງ​ຫົວໜ້າ​ພະ​ແນ​ກ, ຜູ້ຕາງໜ້າ​ຈາກ​ຂະ​ແໜງ​ການ​ທີ່​ກ່ຽວຂ້ອງ​ຂອງ 5 ​ແຂວງ​ພາກ​ກາງ ​ແລະ ນະຄອນຫລວງ​ວຽງ​ຈັນ​ເຂົ້າຮ່ວມ.

- lattana 1 - ການ​ທາ​ບທາມ​ຄຳ​ຄິດ​ເຫັນ​ຕໍ່​ຮ່າງ​ກົດໝາຍ​ວ່າ​ດ້ວຍ​ສຳນັກງານ​ຜູ້ຕາງໜ້າແຫ່ງ ສປປ ລາວ ຢູ່​ຕ່າງປະ​ເທດ

ກະຊວງ​ການ​ຕ່າງປະ​ເທດ​ໄດ້​ຈັດຕັ້ງກອງ​ປະຊຸມ​ໃນ​ມື້ນີ້ ​ເປັນ​ກອງ​ປະຊຸມ​ທາ​ບທາມ​ຄຳ​ຄິດ​ເຫັນ​ຕໍ່​ຮ່າງ​ກົດໝາຍ​ວ່າ​ດ້ວຍ​ສຳນັກງານ​ຜູ້ຕາງໜ້າ​ແຫ່ງ ສປປ ລາວ ຢູ່​ຕ່າງປະ​ເທດ ຄັ້ງທີ 2 ພາຍຫລັງ​​ໄດ້​ຈັດ​ຂຶ້ນຢູ່​ພາກ​ໃຕ້, ກອງ​ປະຊຸມ​ໃນ​ຄັ້ງນີ້​ມີ​ຈຸດປະສົງ​ເພື່ອ​ທາ​ບທາມ​ຄຳ​ຄິດ​ເຫັນ​ນຳ​ຜູ້​ເຂົ້າຮ່ວມ​ຂອງ​ບັນດາ​ແຂວງ​ພາກ​ກາງ. ຈາກ​ນັ້ນຈະ​ສືບ​ຕໍ່​ຈັດ​ກອງ​ປະຊຸມ​ທາ​ບທາມ​ຄຳ​ຄິດ​ເຫັນ​ນຳ​ອົງການ​ປົກຄອງ​ຂັ້ນ​ແຂວງ​ຢູ່​ພາກ​ເໜືອ. ພາຍຫລັງ​ສຳ​ເລັດ​ການ​ທາ​ບທາມ​ຄຳ​ຄິດ​ເຫັນ​ທັງ​ສາມ​ພາກ​ແລ້ວ ກໍ​ຈະ​ສັງ​ລວມຄຳ​ຄິດ​ເຫັນ ​ແລະ ຂໍ້​ສະ​ເໜີ ​ເພື່ອ​ນຳ​ໄປ​ປັບປຸງ​ຮ່າງ​ກົດໝາຍ​ໃຫ້​ມີ​ເນື້ອ​ໃນ​ລະອຽດ, ຈະ​ແຈ້ງ ​ແລະ ຄົບ​ຖ້ວນ​ສົມບູນ. ກົດໝາຍ​ສະບັບ​ນີ້, ກຳນົດ​ຫລັກການ, ລະບຽບ​ການ ​ແລະ ມາດ​ຕະການ​ກ່ຽວ​ກັບ​ການຈັດຕັ້ງ ​ແລະ ການ​ເຄື່ອນ​ໄຫວ​ຂອງ​ສຳນັກງານ​ຜູ້ຕາງໜ້າ​ແຫ່ງ ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ ຢູ່​ຕ່າງປະ​ເທດ ລວມມີ​ສະຖານ​ເອກ​ອັກຄະ​ລັດຖະທູດ, ສຳນັກງານ​ຜູ້ຕາງໜ້າ​ຖາວອນ​ປະຈຳ​ອົງການ​ຈັດຕັ້ງສາກົນ, ສະຖານ​ກົງສູນ​ໃຫຍ່ ​ແລະ ສະຖານກົງສູນ ຂອງ ສປປ ລາວ ຢູ່​ຕ່າງປະ​ເທດ ​ເພື່ອ​ຮັບປະກັນ​ການ​ປະຕິບັດ​ພາລະ​ບົດບາດ, ສິດ ​ແລະ ໜ້າ​ທີ່​ຂອງ​ສຳນັກງານ​ຜູ້ຕາງໜ້າ​ໃຫ້​ມີ​ປະສິດທິພາບ ​ແລະ ປະສິດທິ​ຜົນ​ສູງກວ່າ​ເກົ່າ.

ກະຊວງ​ການ​ຕ່າງປະ​ເທດ​ມີ​ແຜນ​ຈະ​ນຳ​ເອົາ​ຮ່າງ​ກົດໝາຍ​ສະບັບ​ນີ້ ​ເຂົ້າພິຈາລະນາ​ຢູ່​ກອງ​ປະຊຸມ​ລັດຖະບານ​ໃນ​ເດືອນ​ມິຖຸນາ 2018. ຈາກ​ນັ້ນກໍ​ຈະ​ນຳ​ເຂົ້າກອງ​ປະຊຸມ​ສະພາ​ແຫ່ງ​ຊາດ ​ເພື່ອ​ພິຈາລະນາ​ໃນ​ເດືອນ​ຕຸລາ 2018 ນີ້, ກົດໝາຍ​ສະບັບ​ນີ້ ​ເມື່ອ​ຖືກ​ຮັບຮອງ​ໂດຍ​ສະ​ພາ​ແຫ່ງ​ຊາດ​ ຈະ​ເປັນ​ບາດກ້າວສຳຄັນ​ໃນ​ການ​ພັດທະນາ​ລະບົບ​ນິຕິ​ກຳ​ຂອງ​ຂະ​ແໜງ​ການ​ຕ່າງປະ​ເທດ​ໃຫ້​ຄົບ​ຖ້ວນ​ຍິ່ງ​ຂຶ້ນ ​ແນ​ໃສ່​ເພີ່ມ​ທະວີ​ການ​ຄຸ້ມ​ຄອງ​ວຽກ​ງານ​ການ​ຕ່າງປະ​ເທດ​ດ້ວຍ​ກົດໝາຍ​ເທື່ອ​ລະ​ກ້າວ.

- 1 1 - ການ​ທາ​ບທາມ​ຄຳ​ຄິດ​ເຫັນ​ຕໍ່​ຮ່າງ​ກົດໝາຍ​ວ່າ​ດ້ວຍ​ສຳນັກງານ​ຜູ້ຕາງໜ້າແຫ່ງ ສປປ ລາວ ຢູ່​ຕ່າງປະ​ເທດ
- Tiger Head 728x90 - ການ​ທາ​ບທາມ​ຄຳ​ຄິດ​ເຫັນ​ຕໍ່​ຮ່າງ​ກົດໝາຍ​ວ່າ​ດ້ວຍ​ສຳນັກງານ​ຜູ້ຕາງໜ້າແຫ່ງ ສປປ ລາວ ຢູ່​ຕ່າງປະ​ເທດ
error: Content is protected !!