ມາເລເຊຍສະເໜີກົດໝາຍ ຕໍ່ຕ້ານຂ່າວປອມ ເຂົ້າສູ່ສະພາ

- advert banner 728 90 728x90 - ມາເລເຊຍສະເໜີກົດໝາຍ ຕໍ່ຕ້ານຂ່າວປອມ ເຂົ້າສູ່ສະພາ

ລັດຖະບານ​ມາ​ເລ​ເຊຍ​ສະ​ເໜີ​ຮ່າງ​ກົດໝາຍ​ເອົາ​ຜິດ​ຜູ້​ເຜີຍ​ແຜ່​ຂ່າວສານ​ປອມ​ເຂົ້າສູ່​ການ​ພິຈາລະນາ​ຂອງ​ລັດຖະສະພາ ​ໂດຍ​ບົດ​ລົງ​ໂທດ​ສູງ​ສຸດ​ຄື​ຈຳ​ຄຸກ 10 ປີ ປັບ​ໄໝ​ 500.000 ຣິງກິດ.

- lattana 1 - ມາເລເຊຍສະເໜີກົດໝາຍ ຕໍ່ຕ້ານຂ່າວປອມ ເຂົ້າສູ່ສະພາ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ກົວ​ລາ​ລຳ​ເປີ ປະ​ເທດ​ມາ​ເລ​ເຊຍ ​ໃນ​ວັນ​ທີ 26 ມີນາ​ວ່າ: ລັດຖະບານ​ຂອງ​ນາຍົກລັດຖະມົນຕີ ນາ​ຈິບ ຣາຊັກ ສະ​ເໜີ​ຮ່າງ​ກົດໝາຍ “ຕໍ່ຕ້ານ​ຂ່າວ​ປອມ 2018” ​ເຂົ້າສູ່​ການ​ພິຈາລະນາ​ຂອງ​ກອງ​ປະຊຸມ​ລັດຖະສະພາ ​ໃນ​ວັນ​ທີ 26 ມີນາ ມີ​ວາລະ​ສຳຄັນ​ວ່າ: ຜູ້​ທີ່​​ເຜີຍ​ແຜ່​ສິ່ງ​ທີ່​ເອີ້ນ​ວ່າ “ຂ່າວ​ປອມ” ອາດ​ຕ້ອງ​ຮັບ​ໂທດ​ຈຳ​ຄຸກ​ເປັນ​ເວລາ​ສູງ​ເຖິງ 10 ປີ ຫລື ປັບ​ໄໝ​ເງິນ​ສູງສຸດ 500.000 ຣິງກິດ.

ຮ່າງ​ກົດໝາຍ​ໃຫ້​ຄຳ​ຈຳກັດ​ຄວາມ​ຂອງ “ຂ່າວ​ປອມ” ວ່າ​ໝາຍ​ເຖິງ​ຂໍ້​ມູນ​ໃດ​ກໍ​ຕາມ​ ບໍ່​ວ່າ​ຈະ​ເປັນ​ຕົວ​ອັກສອນ, ຮູບ​ພາບ, ພາບ​ເຄື່ອນ​ໄຫວ ຫລື ຄລິບ​ສຽງ ​ເຊິ່ງ​ໄດ້​ຮັບ​ການ​ພິສູດ​ແລ້ວ​ວ່າ​ບໍ່​ມີ​ມູນ​ຄວາມ​ຈິງ ​ເຖິງ​ວ່າ​ມີ​ການ​ຄາດ​ເຄື່ອນ​ພຽງ​ເລັກ​ໜ້ອຍ​ຖື​ເປັນ​ຂ່າວ​ປອມ ​ໂດຍ​ຖ້າ​ຜ່ານ​ຄວາມ​ເຫັນ​ພ້ອມ​ຈາກ​ທັງ​ສອງ​ສະພາ ກົດໝາຍ​ດັ່ງກ່າວ​ຈະ​ມີ​ຜົນ​ບັງຄັບ​ໃຊ້​ກັບ​ຜູ້​ກະທຳ​ຄວາມ​ຜິດ​ທີ່​ເປັນ​ຊາວ​ຕ່າງປະ​ເທດ ​ເຖິງ​ວ່າ​ບໍ່​ໄດ້​ອາ​ໄສ​ຢູ່​ມາ​ເລ​ເຊຍ​ກໍ​ຕາມ. ທັງ​ນີ້ ຜູ້ນຳ​ມາ​ເລ​ເຊຍ​ກ່າວ​ວ່າ: ຮ່າງ​ກົດໝາຍ​ຕໍ່ຕ້ານ​ຂ່າວ​ປອມ​ສະບັບ​ນີ້​ຈະ​ນຳ​ໄປ​ສູ່ການ​ຫລຸດ​ຈຳນວນ​ຂ່າວສານ​ປອມ ​ແລະ ຂໍ້​ມູນ​ຫລອກ​ລວງ​ທີ່​ເຜີຍ​ແຜ່​ໃນ​ສັງຄົມ. ຂະນະ​ທີ່​ກົດໝາຍ​ຍັງ​ຄຸ້ມ​ຄອງ​ສິດ ​ແລະ ມອບ​ເສລີພາບ​ຢ່າງ​ເຕັມ​ສ່ວນ​ໃຫ້​ພົນລະ​ເມືອງ ​ໃນ​ການສະ​ແດງ​ອອກ​ທາງ​ຄວາມ​ຄິດ​ເຫັນ ​ແລະ ​ເຜີຍ​ແຜ່​ຂໍ້​ມູນ​ຂ່າວສານ​ຕາມ​ຂອບ​ຂອງ​ລັດຖະທຳ​ມະນູນ.