ແຂວງຫົວພັນມີລາຍຮັບຈາກການທ່ອງທ່ຽວ 31,4 ຕື້ກວ່າກີບ
ຫົວໜ້າພະແນກຖະ ແຫລງຂ່າວ, ວັດທະນະທຳ ແລະ ທ່ອງທ່ຽວ(ຖວທ) ແຂວງຫົວພັນ ໄດ້ລາຍງານໃນ ກອງປະຊຸມສະຫລຸບວຽກ ງານຖະແຫລງຂ່າວ, ວັດທະ ນະທຳ ແລະ ທ່ອງທ່ຽວທົ່ວ ແຂວງຂອງຕົນໃນທ້າຍອາ ທິດຜ່ານມານີ້ວ່າ: ປີ 2017 ແຂວງຫົວພັນສາມາດດຶງດູດ ນັກທ່ອງທ່ຽວ ໄດ້ ຫລາຍກວ່າ 45.000 ຄົນ. ໃນນັ້ນ, ມີນັກ ທ່ອງທ່ຽວພາຍໃນ 15.786 ຄົນ ແລະ ຕ່າງປະເທດ 29.269 ຄົນ, ທຽບໃສ່ແຜນ ການປີປະຕິບັດໄດ້ 94,66%, ສ້າງລາຍຮັບໃຫ້ແກ່ຜູ້ປະກອບການ ແລະ ສັງຄົມໄດ້ 31,4 ຕື້ກວ່າກີບ.
+ ຄຳເກີດເສດຖະກິດດີປະຊາຊົນມີລາຍຮັບເກືອບ 2.000 ໂດລາຕໍ່ຄົນ
+ ທ້າຍປີນີ້ ຄາດວ່າມີນັກທ່ອງທ່ຽວເຂົ້າທ່ຽວແຂວງໄຊຍະບູລີເພີ່ມຂຶ້ນ
ຜູ້ລາຍງານໃຫ້ຮູ້ອີກວ່າ: ໃນປີ 2017 ຜ່ານມາ ພະແນກ ຖະແຫລງຂ່າວ, ວັດທະນະທຳ ແລະ ທ່ອງທ່ຽວແຂວງຫົວ ພັນໄດ້ເອົາໃຈໃສ່ຊຸກຍູ້ສົ່ງເສີມ ການອະນຸລັກວັດທະນະທຳ, ວິຖີການດຳລົງຊີວິດ, ຮີດຄອງ ປະເພນີອັນດີງາມຂອງທ້ອງ ຖິ່ນ, ພ້ອມທັງສົມທົບກັບຂັ້ນ ເທິງ ແລະ ທ້ອງຖິ່ນພັດທະນາ ແຫລ່ງທ່ອງທ່ຽວທຳມະຊາດ, ປະຫວັດສາດ ແລະ ວັດທະນະ ທຳ; ຕິດຕາມຊຸກຍູ້ຫົວໜ່ວຍ ທຸລະກິດ ບໍລິການດ້ານການ ທ່ອງທ່ຽວ ແລະ ບັນເທິງໃຫ້ມີ ຄຸນນະພາບ, ເພື່ອຮອງຮັບນັກ ທ່ອງທ່ຽວ; ປັບປຸງຖານຂໍ້ມູນ ແລະ ສະໜອງຂໍ້ມູນການ ທ່ອງທ່ຽວເພື່ອການ ໂຄສະນາ ຜ່ານເວັບໄຊ ແລະ ສືປະເພດ ຕ່າງໆ. ແນໃສ່ດຶງດູດນັກທ່ອງ ທ່ຽວເຂົ້າມາທ່ອງທ່ຽວ ແຂວງ ຂອງຕົນໃຫ້ ຫລາຍຂຶ້ນ.
ສຳລັບແຜນການປີ 2018 ແມ່ນຈະສືບຕໍ່ຊຸກຍູ້, ປັບ ປຸງພື້ນຖານໂຄງລ່າງ, ການບໍ ລິການຂອງບັນດາຫົວໜ່ວຍ ທຸລະກິດ, ຜູ້ປະກອບການໃຫ້ ມີ ຄຸນນະພາບດີຂຶ້ນກວ່າເກົ່າ, ສະໜອງຂໍ້ມູນຂ່າວສານ, ໂຄ ສະນາການທ່ອງທ່ຽວຂອງ ແຂວງໃຫ້ກວ້າງ, ສຳຫລວດ ແລະ ພັດທະນາແຫລ່ງທ່ອງ ທ່ຽວເພີ່ມຕື່ມ, ເພື່ອກະຕຸກຊຸກ ຍູ້ ປີທ່ອງທ່ຽວລາວໃຫ້ປະສົບ ຜົນສຳເລັດ, ເພີ່ມທະວີເຝິກ ອົບຮົມໃຫ້ຜູ້ປະກອບການໂຮງ ແຮມ, ເຮືອນພັກ, ຮ້ານອາຫານ ໃຫ້ມີຄຸນນະພາບ ແລະ ເປັນທີ່ ພໍໃຈຂອງຜູ້ມາໃຊ້ບໍລິການ./.
