ເຟເດີເຣີ ຕົກອັນດັບມື 1 ພ້ອມຕົກຮອບໄມອາມີ ໂອເພັນ

- advert banner 728 90 728x90 - ເຟເດີເຣີ ຕົກອັນດັບມື 1 ພ້ອມຕົກຮອບໄມອາມີ ໂອເພັນ

​​ໂຣ​ເຈີ ​ເຟ​ເດີ​ເຣີ ​ແຊ້ມ​ແກຣນສະ​ແລມ 20 ສະ​ໄໝ ຊາວ​ສະ​ວິດ ທັງ​ເປັນ​ແຊ້ມ​ເກົ່າ​ລາຍການ​ນີ້ ພາດ​ທ່າ​ຕົກ​ຮອບ 2 ​ເສຍ​ໃຫ້ ທາ​ນາ​ຊີ້ ກ໊ອກກີ​ນາ​ກິ​ສ ນັກ​ເຕັນ​ນິດ ອາຍຸ 21 ປີ ມື​ອັນ​ດັບ 175 ຂອງ​ໂລກ​ຈາກ​ອົດ​ສະຕຣາລີ 1-2 ​ເຊັດ: 6-3, 3-6, 6-7 (4-7).

- lattana 1 - ເຟເດີເຣີ ຕົກອັນດັບມື 1 ພ້ອມຕົກຮອບໄມອາມີ ໂອເພັນ

ຫລັງ​ເກ​ມ ​ເຟ​ເດີ​ເຣີ ​ໃຫ້​ສຳພາດ​ວ່າ: ຍອມຮັບ​ຄູ່​ແຂ່ງ​ຫລິ້ນ​ໄດ້​ດີ ​ແລະ ຕົນ​ເອງ​ຮູ້ສຶກ​ບໍ່​ດີ​ເລີຍ ກັບ​ຜົນ​ການ​ແຂ່ງຂັນ​ທີ່​ອອກ​ມາ.

​ເຟ​ເດີ​ເຣີ ອາຍຸ 36 ປີ ຍັງ​ເນັ້ນຕື່ມ​ວ່າ: ຕົນ​ເອງ​ຈະ​ບໍ່​ລົງ​ແຂ່ງ​ລະດູ​ການ​ຂອດ​ດິນ ​ເພາະ​ຕ້ອງການ​ຮັກສາ​ຮ່າງກາຍ, ຄາດ​ວ່າ ​ເຟ​ເດີ​ເຣີ ຈະ​ກັບ​ມາ​ໃນ​ລະດູ​ການ​ຂອດ​ຫຍ້າ​ໃນ​ເດືອນ​ມິຖຸນາ ​ເພື່ອ​ລຸ້ນ​ແຊ້ມ​ແກຣນສະ​ແລມທີ 3 ຂອງ​ປີ ວິມ​ເບີດັນ ທີ່​ລອນ​ດອນ ປະ​ເທດ​ອັງກິດ ​ໃນຕົ້ນ​ເດືອນ​ກໍລະກົດ 2018.

ກາ​ນຕັດສິນ​ໃຈ​ພັກ​ຮັກສາ​ຮ່າງກາຍ​ໃນ​ໄລຍະ​ເດືອນ​ເມສາ-ພຶດສະພາ ອາດ​ເຮັດ​ໃຫ້ ​ເຟ​ເດີ​ເຣີ ​ເສຍ​ບັນລັງ​ມື 1 ຂອງ​ໂລກ ​ເນື່ອງ​ຈາກ​ຄູ່​ແຂ່ງ ຣາຟາ​ເອລ ນາ​ດາວ ມື 2 ຂອງ​ໂລກ ອາດ​ພ້ອມ​ກັບ​ມາ​ໃນ​ລະດູ​ການ​ຂອດ​ດິນ ​ເຊິ່ງ​ເປັນ​ຂອດ​ຖະໜັດ​ຂອງ ນາ​ດາວ. ປັດຈຸບັນ ນາ​ດາວ ມີ​ຄະ​ແນນ​ຕາມ​ຫລັງ ​ເຟ​ເດີ​ເຣີ ພຽງ 290 ຄະ​ແນນ.

- 1 1 - ເຟເດີເຣີ ຕົກອັນດັບມື 1 ພ້ອມຕົກຮອບໄມອາມີ ໂອເພັນ
- Tiger Head 728x90 - ເຟເດີເຣີ ຕົກອັນດັບມື 1 ພ້ອມຕົກຮອບໄມອາມີ ໂອເພັນ
error: Content is protected !!