ສຽງແຄນລາວພວມດັງກ້ອງໂລກ

ໂດຍ: ທິດກ່ຳ

ນັບແຕ່ສຽງແຄນລາວໄດ້ຖືກຮັບຮອງເປັນມໍລະດົກໂລກທາງດ້ານວັດທະນະທຳຂອງ ອົງການອຸຍແນສໂກ ໃນທ້າຍປີ 2017 ມາຮອດປັດຈຸບັນ ກາຍ ເປັນບັນຍາກາດເຮັດໃຫ້ຊາດ ລາວ, ຄົນລາວຕ່າງກໍພາກພູມ ໃຈ ແລະ ເອກອ້າງທະນົງໃຈ ທີ່ເຫັນວ່າ ຊາດລາວ, ຄົນລາວ ເຮົາ ກໍເປັນຊາດໜຶ່ງທີ່ມີວັດທະ ນະທຳ, ອະລິຍະທຳຂອງຕົນ ເອງ ເຊິ່ງບາງຢ່າງກໍກາຍເປັນ ມໍລະດົກໂລກໄປແລ້ວ, ມາໃນ ວັນທີ 14 ມີນາ ທີ່ຜ່ານມາ ທ່ານ ຮອງນາຍົກລັດຖະມົນຕີ ສອນ ໄຊ ສີພັນດອນ ພ້ອມດ້ວຍ ທ່ານ ລັດຖະມົນຕີ ກະຊວງຖະແຫລງ ຂ່າວ ວັດທະນະທຳ ແລະ ທ່ອງ ທ່ຽວ ບໍ່ແສງຄຳ ວົງດາລາ ກໍໄດ້ ໄປຮັບໃບຢັ້ງຢືນສຽງແຄນ ລາວເປັນມໍລະດົກໂລກ ຢ່າງເປັນ ທາງການ ຢູ່ທີ່ສຳນັກງານໃຫຍ່ ອົງການສະຫະປະຊາຊາດ ດ້ານ ການສຶກສາ, ວິທະຍາສາດ ແລະ ວັດທະນະທຳ ຢູ່ທີ່ປະເທດຝຣັ່ງ ໂດຍແມ່ນ ທ່ານ ນາງ ໂອເຄຼ ອາລູເຊ ເອກອະທິບໍດີ ອົງການ ຢູແນສໂກ ເປັນຜູ້ມອບ.

+ ລາວກຽມສະຫລອງສຽງແຄນລາວໄດ້ຮັບຮອງເປັນມໍລະດົກໂລກໃນປີນີ້

+ ສຽງແຄນແດນລ້ານຊ້າງ

ຄືດັ່ງພວກເຮົາໄດ້ຮັບຮູ້ນຳກັນແລ້ວວ່າ: ກວ່າຈະມາເຖິງ ຈຸດນີ້ ມັນກໍບໍ່ແມ່ນຂອງງ່າຍ, ອັນສຳຄັນມັນກໍຕ້ອງໄດ້ຜ່ານ ຫລາຍຂັ້ນ, ຫລາຍຂອດ, ຜ່ານ ການຄົ້ນຄວ້າໄຕ່ຕອງເຖິງຮາກເຫງົ້າຕົ້ນກຳເນີດແຫ່ງຕຳນານຂອງແຄນ ແລະ ສຽງແຄນນັ້ນ ມັນເປັນເອກະລັກທີ່ເກີດຂຶ້ນມາຈາກຕົ້ນຕະກູນຂອງຊາດລາວ, ຄົນລາວໂດຍແທ້, ນອກນັ້ນ, ມັນ ກໍຂຶ້ນກັບພື້ນຖານທາງດ້ານ ວັດທະນະທຳຂອງເຊື້ອເຜົ່າພົງພັນເປັນປັດໄຈຫລັກທີ່ຈະເຮັດ ໃຫ້ໂລກຕ້ອງໄດ້ພິຈາລະນາ, ໄຕ່ ຕອງ ແລະ ວິໄສທັດເຖິງຄວາມ ເປັນມາໃນປະຫວັດສາດ, ເພາະ ສະນັ້ນ, ຈຶ່ງເວົ້າໄດ້ວ່າກ້ອນ ທຳ ນອງສຽງແຄນຈະຖືກຮັບຮ້ອງຈາກອົງການຢູແນສໂກ (UNE SCO) ວ່າເປັນພື້ນຖານວັດ ທະນະທຳຂອງຄົນລາວແທ້ນັ້ນມັນກໍເປັນເລື່ອງສັດຈະທຳ.

ຕາມທິດກ່ຳຄິດ, ເມື່ອເວົ້າ ເຖິງ ຮາກເຫງົ້າຂອງສິລະປະ ວັດທະນະທຳເຊື້ອຊາດລາວ, ຄົນລາວເຮົາແລ້ວ, ມັນກໍບໍ່ ສະ ເພາະແຕ່ແຄນກັບສຽງ ແຄນ, ມັນຍັງມີຫລາຍອັນພັນແນວ ທີ່ບົ່ມຊ້ອນຢູ່ກັບວິຖີຊີວິດ ແລະ ຮີດຄອງປະເພນີຂອງຊາດ ລາວຄົນລາວເຮົາ; ເປັນຕົ້ນຖ້າ ຈະຍົກເອົາຊິ້ນໃຫຍ່ໆ ມາເຍິງ ໃຫ້ເຫັນກໍມີ: ບົດຮ້ອງບົດລຳ, ບົດ ກາບກອນຂອງແຕ່ລະທ້ອງ ຖິ່ນ, ຄົນລາວກິນປາແດກກັບ ເຂົ້າໜຽວດ່ຽວແຄນ, ການນຸ່ງຖື ຂອງຜູ້ຍິງລາວນຸ່ງສິ້ນ, ການ ແກະສະລັກຕ່ຳຫູກທໍໄໝດ້ວຍ ສີມືອັນປານິດ, ການເຮັດ ບຸນສິນ ກິນທານຕາມຮີດສິບສອງຄອງສິບສີ່, ການບາສີສູ່ຂວັນ, ການ ມ່ວນຊື່ນລຳວົງສາມັກຄີ ແລະ ອື່ນໆ.

ນອກຈາກໃນດ້ານວັດທະນະທຳ-ສັງຄົມແລ້ວ, ທາງດ້ານ ທຳມະຊາດກໍມີພູຜາປ່າໄມ້, ຫ້ວຍນ້ຳລຳເຊທີ່ສະລັບສັບ ຊ້ອນ, ມີຊັບໃນດິນ, ສິນໃນນ້ຳ ອັນອຸດົມສົມບູນເອື້ອອຳນວຍ ໃຫ້ປະເທດລາວກາຍເປັນປະ ເທດໜຶ່ງທີ່ອຸດົມຮັ່ງມີທາງ ດ້ານຊັບສິນທີ່ບົ່ມຊ້ອນຫລາກ ຫລາຍເວົ້າຄວາມຈິງ, ຖ້າຫາກ ເຮົາຮູ້ປົກປັກຮັກສາ ແລະ ຮູ້ນຳ ໃຊ້ຢ່າງຍືນຍົງມັນກໍມີຫລາຍ ຢ່າງຈະກາຍເປັນມໍລະດົກ ຂອງໂລກ.

ໃນຍຸກປະຫວັດສາດ ຜ່ານ ມາ, ຊັບສິນອັນມີຄ່ານັບທັງ ຄົນ, ທັງວັດຖຸ ແລະ ດິນດອນ ຕອນຫຍ້າໄດ້ເສຍຫາຍ ແລະ ຖືກທຳລາຍດ້ວຍຫລາຍຮູບ ການ, ວິທີການໃນຍຸກລ້ານ ຊ້າງປະເທດເຮົາເຄີຍມີສາຍາ ນາມວ່າ ເປັນດິນແດນແຫ່ງ ອາ ລິຍະທຳ ແຕ່ຍ້ອນບັນພະບູລຸດ ໃນຍຸກປະຫວັດສາດບາງໄລ ຍະກໍບໍ່ເປັນຕາສາເທດຍ້ອນ ສາເຫດຫລາຍອັນໂຕທີ່ສຳ ຄັນແມ່ນຕົກເປັນຂ້າທາດ ເມືອງຂຶ້ນຈຶ່ງເຮັດໃຫ້ປະເທດ ຊາດຕົກທຸກໄດ້ຍາກ ແລະ ດ້ອຍ ພັດທະນາ.

ພໍຕົກມາສະໄໝນີ້, ພາຍ ຫລັງທີ່ປະເທດຊາດເຮົາກ້າວ ສູ່ຍຸກໃໝ່ພາຍໃຕ້ການນຳພາ ຂອງພັກ ແລະ ລັດຖະບານ ພຽງ 40 ກວ່າປີກໍເກີດມີຫລາຍອັນ ຫລາຍຢ່າງ, ເວົ້າເຖິງມໍລະດົກ ຂອງ ໂລກເຮົາໄດ້ 3 ຢ່າງໄປ ແລ້ວຄື: ຫລວງພະບາງໝົດ ເມືອງ, ວັດພູຈຳປາສັກ ແລະ ສຽງແຄນແດນຈຳປາ. ຕໍ່ໜ້າໄປ ກໍອາດຈະມີຫລາຍອັນຕື່ມແຕ່ ທີ່ ສຳຄັນທີ່ສຸດຕາມທິດກ່ຳວ່າ ອີກສາມສີ່ປີ ຂ້າງໜ້າກໍຈະໄດ້ ໄຊໂຍສະຫລອງປະເທດລາວ ໄດ້ຫລຸດພົ້ນອອກຈາກຄວາມ ທຸກຍາກ ແລະ ດ້ອຍພັດທະນາ ຢ່າງແນ່ນອນ./.