ຣັດເຊຍຈະຕອບໂຕ້ “ທຸກປະເທດ” ທີ່ເນລະເທດນັກການທູດ

ລັດຖະບານ​ມົດ​ສະ​ກູ​ປະກາດ​ຈະ​ມີ​ມາດ​ຕະການ​ຕອບ​ໂຕ້ “​ເປັນ​ແຕ່ລະ​ປະ​ເທດ” ຫລັງ​ປະມານ 20 ປະ​ເທດ​ຮ່ວມ​ກັນ​ເນລະ​ເທດ​ເຈົ້າໜ້າ​ທີ່​ການ​ທູດ​ຂອງຣັດ​ເຊຍ​ລວມກັນ​ຫລາຍ​ກວ່າ 100 ຄົນ ​ໂດຍ​ເປັນ​ເຈົ້າໜ້າ​ທີ່​ໃນ​ອາ​ເມ​ລິ​ກາ​ສູງ​ເຖິງ 60 ຄົນ.

On March 4, #Russia attempted to murder a British citizen & his daughter w/ military-grade nerve agent on British soil. We stand in unbreakable solidarity w/ #UK. Today, we will expel 60 Russians from its bilat mission & mission to UN, & require Russia to close Seattle consulate. pic.twitter.com/S2wLjnZdDH

— Matthew Miller (@StateDeptSpox) March 26, 2018

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ວໍ​ຊິງ​ຕັນ ປະ​ເທດ​ສະຫະລັດ​ອາ​ເມ​ລິ​ກາ ​ໃນ​ວັນ​ທີ 26 ມີນາ​ວ່າ: ທ່ານ ອານາ​ໂຕ​ລີ ອັນ​ໂຕນ​ອຟ ​ເອກ​ອັກຄະລາຊະທູດຣັດ​ເຊຍ​ປະຈຳ​ນະຄອນຫລວງ​ວໍ​ຊິງ​ຕັນ ກ່າວ​ໃນ​ວັນ​ທີ 26 ມີນາ​ວ່າ: ລັດຖະບານ​ວໍ​ຊິງ​ຕັນ “ບໍ່​ມີ​ຄວາມ​ເຂົ້າ​ໃຈ​ຢ່າງ​ແທ້​ຈິງ” ຕໍ່​ເລື່ອງ​ທັງ​ໝົດ ນອກຈາກ​ຄວາມ​ຕ້ອງການ “ສະ​ແດງ​ຄວາມ​ແຂງ​ແກ່ນ” ​ແລະ ລັດຖະບານ​ມົດ​ສະ​ກູ​ຈະ​ບໍ່​ມີ​ທາງ​ເມີນ​ເສີຍ​ຕໍ່​ສະຖານະ​ການ​ທີ່​ເກີດ​ຂຶ້ນກັບ​ພາລະກິດ​ການ​ທູດ​ໃນ​ອາ​ເມ​ລິ​ກາ.

"Today 14 member states have decided to expel Russian diplomats" – @eucopresident Donald Tusk on co-ordinated action against Russia following Salisbury poisoning https://t.co/rN4CccSimk pic.twitter.com/qggaERAJFB

— BBC Breaking News (@BBCBreaking) March 26, 2018

ຄຳ​ກ່າວ​ຂອງ​ທ່ານ ອັນ​ໂຕນ​ອຟ ມີ​ຂຶ້ນຫລັງ​ເຂົ້າພົບ​ເຈົ້າໜ້າ​ທີ່​ລະດັບ​ສູງ​ຂອງ​ກະຊວງ​ການ​ຕ່າງປະ​ເທດ​ອາ​ເມ​ລິ​ກາ ຢູ່​ນະຄອນຫລວງ​ວໍ​ຊິງ​ຕັນ ​ເພື່ອ​ຮັບ​ຊາບ​ຄຳ​ສັ່ງ​ຂັບ​​ໄລ​່​ເຈົ້າໜ້າ​ທີ່​ການ​ທູດ 48 ຄົນ ຈາກ​ສະຖານກົງສູນ​ໃຫຍ່ ຢູ່​ເມືອງ​ຊີ​ແອ​ຕ​ເທິ​ລ ທີ່​ຕ້ອງ​ປິດ​ເຮັດ​ວຽກ​ພາຍ​ໃນ 7 ວັນ ຄື​ພາຍ​ໃນ​ວັນ​ທີ 2 ​ເມສາ, ​ແຕ່​ຫລັງ​ຈາກ​ນັ້ນພຽງ​ບໍ່​ເທົ່າ​ໃດ​ຊົ່ວ​ໂມງ ລັດຖະບານ​ວໍ​ຊິງ​ຕັນ​ພັດ​ແຈ້ງ​ການ​ເນລະ​ເທດ​ເຈົ້າໜ້າ​ທີ່​ການ​ທູດ​ຂອງຣັດ​ເຊຍ​ເພີ່ມ​ອີກ 12 ຄົນ ຈາກ​ສຳນັກງານ​ຄະນະ​ຜູ້​ແທນ​ຖາວອນ​ປະຈຳ​ສະຫະ​ປະຊາ​ຊາດ (UN) ​ໃນ​ນະຄອນ​ນິວຢອກ ​ເຊິ່ງທ່ານ ວາສຊິ​ລີ ​ເນ​ເບ​ນ​ເຊຍ ​ເອກ​ອັກຄະລາຊະທູດຣັດ​ເຊຍ​ປະຈຳ UN ກ່າວ​ເຖິງ​ເລື່ອງ​ນີ້​ວ່າ: ຍິ່ງ​ສະທ້ອນ “ຄວາມ​ບໍ່​ເຂົ້າ​ໃຈ” ຂອງ​ອາ​ເມ​ລິ​ກາ ​ແລະ ​ເປັນ​ການ​ທຳລາຍ​ຄວາມ​ໜ້າ​ເຊື່ອ​ຖື​ຂອງລັດຖະບານ​ວໍ​ຊິງ​ຕັນ​​ເພີ່ມ​ຂຶ້ນອີກ ​ເນື່ອງ​ຈາກ​ເຈົ້າໜ້າ​ທີ່​ການ​ທູດ​ປະຈຳ UN ທຸກ​ຄົນ​ລ້ວນ​ຢູ່​ພາຍ​ໃຕ້​ອະນຸ​ສັນຍາ​ວ່າ​ດ້ວຍ​ເອກ​ສິດທິ ​ແລະ ຄວາມ​ຄຸ້ມ​ກັນ​ແຫ່ງ​ສະຫະ​ປະຊາ​ຊາດ ຫລື ອະນຸ​ສັນຍາ​ນິວຢອກ ສະບັບ​ປີ 1946.

.@RussiaUN Amb Vassily Nebenzia on #US decision to expel 12 #Russia #UN diplomats: pic.twitter.com/R0JBS0VFkV

— Michelle Nichols (@michellenichols) March 26, 2018