ການແຂ່ງຂັນບານເຕະ ເປບຊີ ລາວພຣີເມຍລີກ ຈະກັບມາແຂ່ງຂັນໃນອາທິດນີ້

- 29542275 1727595407302125 4273705386843097518 n - ການແຂ່ງຂັນບານເຕະ ເປບຊີ ລາວພຣີເມຍລີກ ຈະກັບມາແຂ່ງຂັນໃນອາທິດນີ້
- Untitled design - ການແຂ່ງຂັນບານເຕະ ເປບຊີ ລາວພຣີເມຍລີກ ຈະກັບມາແຂ່ງຂັນໃນອາທິດນີ້

ວັນ​ທີ 27 ມີນາ​ນີ້, ຢູ່​ຫ້ອງ​ປະຊຸມ ສະຫະພັນ​ບານ​ເຕະ​ແຫ່ງ​ຊາດ​ລາວ ​ໄດ້ຈັດ​ກອງ​ປະຊຸມ​ເຕັກນິກ​ການ​ແຂ່ງຂັນ​ບານ​ເຕະ ​ເປ​ບຊີ ລາວ​ພຣີ​ເມຍ​ລີກ 2018 ປະຈຳ​ອາທິດ ພາຍ​ໃຕ້​ການ​ເປັນ​ປະທານ​ຂອງ​ທ່ານ ​ໂພ​ທອນ ຖານະ​ວະ​ດີ ຫົວໜ້າ​ພະ​ແນ​ກຈັດການ​ແຂ່ງຂັນ ສຕລ, ພາກສ່ວນ​ທີ່​ກ່ຽວຂ້ອງ ​ແລະ ສະ​ໂມ​ສອນ​ເຂົ້າຮ່ວມ.

ສຳລັບ​ການ​ແຂ່ງຂັນ​ບານ​ເຕະ ​ເປ​ບຊີ ລາວ​ພຣີ​ເມຍ​ລີກ 2018 ຈະ​ກັບ​ມາ​ແຂ່ງຂັນ​ອາທິດ 4 ວັນ​ທີ 31 ມີນາ ​ແລະ ວັນ​ທີ 1 ​ເມສາ 2018 ມີ​ພຽງ 3 ຄູ່​ເທົ່າ​ນັ້ນ ​ເຊິ່ງຄູ່​ລະຫວ່າງ ກອງທັບ ​ເອັຟຊີ ພົບ ປກສ ​ເອັຟຊີ ​ແມ່ນ​ເລື່ອນການ​ແຂ່ງຂັນ ຍ້ອນ​ສະ​ໂມ​ສອນ ປກສ ​ເອັຟຊີ ​ແມ່ນ​ໄດ້​ເກີດ​ອຸປະຕິ​ເຫດ ​ໃນ​ວັນ​ທີ 8 ມີນາ​ຜ່ານ​ມາ ​ເຊິ່ງ​ເຮັດ​ໃຫ້​ນັກ​ກິລາ​ຫລາຍ​ຄົນ​ໄດ້​ຮັບ​ບາດ​ເຈັບ ຍັງ​ຢູ່​ໄລຍະ​ການ​ປິ່ນປົວ ​ແລະ ຟື້ນຟູ​ສຸຂະພາບ. ອີກ​ຢ່າງ​ໜຶ່ງ​ແມ່ນ​ກຳລັງ​ກຽມ​ເຂົ້າ​ຮ່ວມ​ໃນ​ການ​ແຂ່ງຂັນ​ກິລາ​ອ້ອມ​ຂ້າງ​ກະຊວງ​ປ້ອງ​ກັນ​ຄວາມ​ສະຫງົບ ຄົບຮອບ 57 ປີ.

- Wave100S AD to Website 2020 0 - ການແຂ່ງຂັນບານເຕະ ເປບຊີ ລາວພຣີເມຍລີກ ຈະກັບມາແຂ່ງຂັນໃນອາທິດນີ້

ສຳລັບ​ຕາຕະລາງ​ການ​ແຂ່ງຂັນ: ວັນ​ເສົາທີ 31 ມີນາ 2018 ​ເວລາ 17:00 ​ໂມງ ສະ​ໂມ​ສອນ ຊ້າງ​ນ້ອຍ ​ເອັຟຊີ ພົບ ສະ​ໂມ​ສອນ ລາວ​ໂຕ​ໂຢຕ້າ ​ແຂ່ງຂັນ​ຢູ່​ສະໜາມກິລາ​ແຫ່ງ​ຊາດ ຫລັກ 16 (ຖ່າຍ​ທອດ​ສົດ ທີ​ວີ​ລາວ), ວັນ​ອາທິດ​ທີ 1 ​ເມສາ 2018 ​ເວລາ 15:30 ​ໂມງ ສະ​ໂມ​ສອນ ມາສ​ເຕີ ​ເຊ​ເວັ້ນ ​ເອັຟຊີ ພົບ ສະ​ໂມ​ສອນ ຫລວງ​ພະ​ບາງ ຢູ​ໄນ​ເຕັດ ​ແຂ່ງຂັນ​ຢູ່​ສະໜາມກິລາ ມຊ (ຖ່າຍ​ທອດ​ສົດ mycujoo.tv), ​ເວລາ 17:00 ​ໂມງ ສະ​ໂມ​ສອນ ສະຫວັນ ຢູ​ໄນ​ເຕັດ ພົບ ສະ​ໂມ​ສອນ ດີ​ເຄ ​ເອັຟຊີ ​ແຂ່ງຂັນ​ຢູ່​ສະໜາມກິລາ​ແຫ່ງ​ຊາດ ຫລັກ 16 (ຖ່າຍ​ທອດ​ສົດ mycujoo.tv).

- WhatsApp Image 2020 05 27 at 5 - ການແຂ່ງຂັນບານເຕະ ເປບຊີ ລາວພຣີເມຍລີກ ຈະກັບມາແຂ່ງຂັນໃນອາທິດນີ້
- WhatsApp Image 2020 05 27 at 5 - ການແຂ່ງຂັນບານເຕະ ເປບຊີ ລາວພຣີເມຍລີກ ຈະກັບມາແຂ່ງຂັນໃນອາທິດນີ້
error: Alert: ເນື້ອຫາຂ່າວມີລິຂະສິດ !!