ສ.ເກົາຫລີ ສະເໜີຮ່າງກົດໝາຍ ແກ້ໄຂວາລະຜູ້ນຳປະເທດ

- news hmWVRggLJR171342 533 1 - ສ.ເກົາຫລີ ສະເໜີຮ່າງກົດໝາຍ ແກ້ໄຂວາລະຜູ້ນຳປະເທດ
- Untitled design - ສ.ເກົາຫລີ ສະເໜີຮ່າງກົດໝາຍ ແກ້ໄຂວາລະຜູ້ນຳປະເທດ

ລັດຖະບານ ສ.​ເກົາຫລີ ສະ​ເໜີ​ຮ່າງ​ກົດໝາຍ​ແກ້​ໄຂ​ລັດຖະທຳ​ມະນູນ​ເຂົ້າສູ່​ການ​ພິຈາລະນາ​ຂອງ​ສະພາ ​ໂດຍ​ບັນຫາ​ສຳຄັນ​ລວມທັງ​ການ​ປັບ​ປ່ຽນ​ວາລະ​ການ​ດຳລົງ​ຕຳ​ແໜ່​ງຂອງ​ປະທານາທິບໍດີ.

- Wave100S AD to Website 2020 0 - ສ.ເກົາຫລີ ສະເໜີຮ່າງກົດໝາຍ ແກ້ໄຂວາລະຜູ້ນຳປະເທດ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ເຊ​ອຸນ ສ.​ເກົາຫລີ ​ໃນ​ວັນ​ທີ 26 ມີນາ​ວ່າ: ປະທານາທິບໍດີ ມຸນ ​ແຈ​ອິນ ສະ​ເໜີ​ຮ່າງ​ກົດໝາຍ​ແກ້​ໄຂ​ລັດຖະທຳ​ມະນູນ​ເຂົ້າສູ່​ການ​ພິຈາລະນາ​ຂອງ​ສະພາ​ນິຕິບັນຍັດ​ແຫ່ງ​ຊາດ ວ່າ​ດ້ວຍ​ການ​ປັບ​ປ່ຽນ​ວາລະ​ການ​ດຳລົງ​ຕຳ​ແໜ່​ງປະທານາທິບໍດີ​ຈາກ​ສະ​ໄໝ​ດຽວ ຫລື 5 ປີ ​ເປັນ​ສູງ​ສຸດ 2 ສະ​ໄໝ ສະ​ໄໝ​ລະ 4 ປີ ​ໂດຍ​ໃຫ້​ສິດ​ລົງ​ສະໝັກ​ຊ້ຳ​ໄດ້​ພຽງ​ຄັ້ງດຽວ​ເທົ່າ​ນັ້ນ. ການ​ຫລຸດ​ເກນ​ອາຍຸ​ຂັ້ນຕໍ່າ​ຂອງ​ຜູ້​ມີ​ສິດ​ເລືອກ​ຕັ້ງຈາກ​ປັດຈຸບັນ​ຄື 19 ປີ ລົງ​ມາ​ເປັນ 18 ປີ ​ແລະ ການ​ກະຈາຍ​ອຳນາດ​ຫລາຍ​ສ່ວນ​ຂອງ​ທຳນຽບປະທານາທິບໍດີ ຫລື ຊອງ​ວາ​ແດ.

ທັງ​ນີ້, ສະພາ​ນິຕິບັນຍັດ​ແຫ່ງ​ຊາດ​ຕ້ອງ​ອະພິປາຍ ​ແລະ ພິຈາລະນາ​ລົງມະຕິ​ພາຍ​ໃນ 60 ວັນ ​ເຊິ່ງຖ້າ​ໄດ້​ຮັບ​ຄວາມ​ເຫັນ​ພ້ອມ ຂັ້ນຕອນ​ຕໍ່​ໄປ​ຄື​ການ​ສົ່ງ​ຮ່າງ​ກົດໝາຍ​ໃຫ້​ເຂົ້າຮັບ​ການ​ລົງ​ປະຊາ​ມະຕິ​ຈາກ​ຊາວ ສ.​ເກົາຫລີ ​ໂດຍ​ຈະ​ເປັນ​ການ​ຢັ່ງ​ສຽງ​ພ້ອມ​ກັບ​ການ​ເລືອກ​ຕັ້ງລະດັບ​ທ້ອງ​ຖິ່ນ​ທີ່​ຈະ​ມີ​ຂຶ້ນ​ໃນ​ວັນ​ທີ 13 ມິຖຸນາ​ນີ້. ຂະນະ​ດຽວ​ກັນ ຍັງ​ຖື​ເປັນຄັ້ງທຳ​ອິດ​ນັບ​ແຕ່​ປີ 1980 ທີ່​ຜູ້​ດຳລົງ​ຕຳ​ແໜ່​ງປະທານາທິບໍດີ​ຂອງ ສ.​ເກົາຫລີ ສະ​ເໜີ​ໃຫ້​ມີ​ການ​ແກ້​ໄຂ​ລັດຖະທຳ​ມະນູນ​ບາງ​ມາດຕາ, ສ່ວນ​ລັດຖະທຳ​ມະນູນ​ສະບັບ​ປັດຈຸບັນ​ຂອງ ສ.​ເກົາຫລີ ​ເປັນ​ສະບັບ​ແກ້​ໄຂຄັ້ງຫລ້າ​ສຸດ​ໃນ​ປີ 1984.

- WhatsApp Image 2020 05 27 at 5 - ສ.ເກົາຫລີ ສະເໜີຮ່າງກົດໝາຍ ແກ້ໄຂວາລະຜູ້ນຳປະເທດ
- WhatsApp Image 2020 05 27 at 5 - ສ.ເກົາຫລີ ສະເໜີຮ່າງກົດໝາຍ ແກ້ໄຂວາລະຜູ້ນຳປະເທດ
error: Alert: ເນື້ອຫາຂ່າວມີລິຂະສິດ !!