ນັກພັດທະນາພົບ Facebook ຫຼັກເກັບຂໍ້ມູນການໂທ ແລະ ສົ່ງຂໍ້ຄວາມເທິງ Android ມານານນັບປີ
ຂໍ້ຜິດພາກຫລ້າສຸດກ່ຽວກັບເລື່ອງສະຖານະຄວາມປອດໄພ ແລະ ຄວາມເປັນສ່ວນຕົວຂອງຂໍ້ມູນເທິງ Facebook ເມື່ອມີການຄົ້ນພົບວ່າ ບໍລິສັດໃຫຍ່ລາຍນີ້ໄດ້ມີການຮວບຮວມຂໍ້ມູນກ່ຽວກັບການໂທ ແລະ ສົ່ງຂໍ້ຄວາມທີ່ເຮັດເທິງໂທລະສັບລະບົບ Android ຊຶ່ງເຊື່ອມຕໍ່ຢູ່ກັບ Facebook ໂດຍຢ່າງໜ້ອຍໆກໍເຮັດມາຕັ້ງແຕ່ຊ່ວງເດືອນພຶດສະພາ ປີ 2016 ມາຈົນເຖິງເດືອນກໍລະກົດ 2017.
ໂດຍຜູ້ທີ່ໃຊ້ຂໍ້ມູນດັ່ງກ່າວນີ້ຄືຜູ້ໃຊ້ Twitter ທີ່ມີຊື່ວ່າ Dylan McKay ເຂົາເປັນນັກພັດທະນາຊອຟແວຣ໌ທີ່ໄດ້ທໍາການດາວໂຫຼດ Facebook archive ເພື່ອເບິ່ງຂໍ້ມູນທັງໝົດຂອງເຂົາ ທີ່ສື່ສັງຄົມອອນລາຍເກັບຮວບຮວມເອົາໄວ້ ນອກເໜືອໄປຈາກບັນທຶກໂພສຂອງເຂົາ, ຂອງໝູ່ເພື່ອນ ແລະ ຂໍ້ມູນການໂຄສະນາທັງໝົດ McKay ກໍໄດ້ພົບຂໍ້ມູນການໂທ ແລະ ສົ່ງຂໍ້ຄວາມທັງໝົດຈາກໂທລະສັບລະບົບ Android ຂອງເຂົາທີ່ເຊື່ອມຕໍ່ຢູ່ ຊຶ່ງຂໍ້ມູນດັ່ງກ່າວທີ່ຖືກຮວບຮວມນັ້ນ ມີທັງບັນທຶກວັນທີ ແລະ ເວລາໂທ ຫຼື ສົ່ງຂໍ້ຄວາມ ລວມເຖິງໄລຍະເວລາໂທ ທັງຂາເຂົ້າ-ຂາອອກ.
ແນວໃດກໍຕາມ ຕົວແທນຈາກ Facebook ໄດ້ກ່າວກັບ Ars Technica ວ່າ “ສ່ວນສໍາຄັນທີ່ສຸດຂອງແອັບພິເຄຊັນ ແລະ ບໍລິການເຊື່ອມຕໍ່ເຖິງກັນທີ່ງ່າຍດາຍດັ່ງນັ້ນ ໃນຄັ້ງທໍາອິດທີ່ເຮົາລົງຊື່ເຂົ້າໃຊ້ແອັບ ໂຊຊ່ຽວຕ່າງໆ ເທິງໂທລະສັບເຮົາ ເຮົາກໍຈະຕ້ອງຖືກຖາມເຖິງການອັບໂຫຼດຂໍ້ມູນຜູ້ຕິດຕໍ່ໃນໂທລະສັບຂອງເຮົາ”
ບັນຫາທີ່ວ່ານີ້ອາດເກີດຂຶ້ນເທິງ Android ເວີຊັ່ນກ່ອນໜ້ານີ້ ຊຶ່ງເຮັດໃຫ້ແອັບເຂົ້າເຖິງສ່ວນຕ່າງໆຂອງໂທລະສັບໄດ້ “ທັງໝົດ” ຫຼື ບໍ່ ແປວ່າຖ້າຫາກ Facebook ຂໍເຂົ້າເຖິງໄມໂຄຣໂຟນ, ກ້ອງຖ່າຍຮູບ ແລະ ຂໍ້ມູນການໂທ ຜູ້ໃຊ້ກໍຈະບໍ່ສາມາດຖອນອະນຸຍາດ ຫຼື ປະຕິເສດໄດ້ ດັ່ງນັ້ນ ຖ້າເຮົາບໍ່ຕ້ອງການໃຫ້ Facebook ສອດແນມໃນໂທລະສັບ ເຮົາກໍຈະບໍ່ສາມາດໃຊ້ມັນເທິງໂທລະສັບຂອງເຮົາໄດ້ເລີຍ.
Android 6.0 Marshmallow ໄດ້ອອກມາແກ້ໄຂບັນຫານີ້ແລ້ວ ດ້ວຍການໃຫ້ຜູ້ໃຊ້ເລືອກທີ່ຈະອະນຸຍາດ ຫຼື ປະຕິເສດສິດທິເຂົ້າເຖິງແບບສະເພາະເຈາະຈົງໄດ້ (ແຕ່ເບິ່ງຄືວ່າຄວາມເສຍຫາຍໄດ້ເກີດຂຶ້ນແລ້ວ) ໃນຂະນະທີ່ Apple ບໍ່ເຄີຍອະນຸຍາດໃຫ້ເຂົ້າ Facebook ສາມາດເຂົ້າເຖິງຂໍ້ມູນການໂທໄດ້ ດັ່ງນັ້ນ ຜູ້ໃຊ້ iOS ກໍບໍ່ຕ້ອງເປັນກັງວົນ.
