ແຂ່ງຂັນຮ້ອງເພງພາສາຈີນ ຕ້ອນຮັບວັນສ້າງຕັ້ງສາຍພົວພັນທາງການທູດລາວ-ຈີນ
ຂ່າວສານລາຍງານວ່າ: ທ້າຍອາທິດຜ່ານມາ, ກົງສູນ ສປ ຈີນ ປະຈໍາພາກເໜືອ (ປະ ຈໍາແຂວງ ຫລວງພະບາງ) ຮ່ວມກັບໂຮງຮຽນຊິ່ນຮົ່ວ ຈັດ ງານແຂ່ງຂັນຮ້ອງເພງພາສາຈີນ ເພື່ອສ້າງບັນຍາກາດ ແລະ ຕ້ອນ ຮັບວັນສ້າງຕັ້ງສາຍພົວພັນທາງ ການທູດລະຫວ່າງ ລາວ-ຈີນ ຄົບຮອບ 58 ປີ (25/4/ 1961-25/4/2018) ເຊິ່ງເປັນ ການ ແລກປ່ຽນ ວັດທະນະທໍາ ແລະ ການເພີ່ມຄວາມສາມັກ ຄີຮັກ ແພງເຊິ່ງກັນ ແລະ ກັນ ລະ ຫວ່າງ ປະຊາຊົນ ສອງຊາດ ໂດຍສະເພາະແມ່ນແຂວງ ຫລວງພະບາງ ໃຫ້ແໜ້ນແຟ້ນ ຍິ່ງໆຂຶ້ນ.
+ ລາວ-ຈີນ ຮ່ວມມືພັດທະນາລະບົບເຕັກນິກວັດແທກໃຫ້ໄດ້ມາດຕະຖານສາກົນ
+ ລາວ-ຈີນ ຫາລືຕ້ານການລັກລອບປູກຝິ່ນຕາມຊາຍແດນ
ການຈັດງານ ຄັ້ງນີ້ ມີຜູ້ເຂົ້າ ຮ່ວມແຂ່ງຂັນຈາກໂຮງຮຽນ ຊິ່ນຮົ່ວຫລວງພະບາງ ໂດຍໄດ້ ແບ່ງອອກເປັນ 3 ປະເພດຄື: ປະເພດເຍົາວະຊົນ, ປະເພດ ຊາວໜຸ່ມ ແລະ ປະເພດທົ່ວ ໄປ. ຜ່ານການແຂ່ງຂັນ ຜູ້ຊະນະ ເລີດໄດ້ລາງວັນທີ 1 ປະເພດເຍົາ ວະຊົນໄດ້ແກ່ ນາງ ທິດສະຫວັນ, ປະເພດຊາວໜຸ່ມ ແມ່ນ ນາງ ຈີ່ຊົ່ງເນັ່ງ ແລະ ປະເພດທົ່ວໄປ ແມ່ນ ນາງ ຈາງມິນ. ສຳລັບ ຜູ້ທີ່ໄດ້ລາງວັນ ທີ 1 ແມ່ນໄດ້ ຮັບໃບຍ້ອງຍໍ ພ້ອມເງິນສົດ 800.000 ກີບ, ລາງວັນ ທີ 2 ໄດ້ຮັບໃຍ້ອງຍໍ ພ້ອມເງິນສົດ 600.000 ກີບ ແລະ ລາງວັນທີ3 ໄດ້ຮັບໃບຍ້ອງຍໍພ້ອມເງິນສົດ 400.000ກີບ. ນອກນີ້ຍັງ ມີລາງວັນຊົມເຊີຍລາງວັນລະ 100.000 ກີບ.
ເຂົ້າຮ່ວມໃນງານຄັ້ງນີ້ ມີ ທ່ານ ຄໍາຫລ້າ ທະສິນິພອນ ປະທານແນວລາວສ້າງຊາດ ແຂວງຫລວງພະບາງ, ທ່ານ ລີປາວກວ່າງ ຫົວໜ້າກົງສູນ ໃຫຍ່ ສປ ຈີນ ປະຈໍາພາກເໜືອ, ມີຜູ້ຕາງໜ້າພະແນກການອ້ອມຂ້າງແຂວງ, ປະທານສະມາ ຄົມຈີນຫລວງພະບາງ, ສະພາ ການຄ້າຈີນສາຂາຫລວງພະ ບາງ, ອໍານວຍການໂຮງຮຽນ, ປະທານສະມາຄົມພໍ່ແມ່ນັກ ຮຽນ, ຕະຫລອດຮອດປະຊາຊົນ ແລະ ຄູ-ອາຈານ ເຂົ້າຮ່ວມເປັນ ຈຳນວນຫລາຍ./.
