ລາວຖືວຽກງານສົ່ງເສີມທຸລະກິດຂະໜາດນ້ອຍ ແລະ ກາງ ເປັນວາລະແຫ່ງຊາດ.

- sme - ລາວຖືວຽກງານສົ່ງເສີມທຸລະກິດຂະໜາດນ້ອຍ ແລະ ກາງ ເປັນວາລະແຫ່ງຊາດ.
- Untitled design - ລາວຖືວຽກງານສົ່ງເສີມທຸລະກິດຂະໜາດນ້ອຍ ແລະ ກາງ ເປັນວາລະແຫ່ງຊາດ.

ກະຊວງອຸດສະຫະກໍາ ແລະ ການຄ້າ ໃຫ້ຮູ້ວ່າ: ພາຍຫລັງລັດຖະບານໄດ້ອອກດໍາລັດວ່າດ້ວຍການຮັບຮອງ ແລະ ປະກາດໃຊ້ແຜນພັດທະນາເສດຖະກິດຂະໜາດນ້ອຍ ແລະ ກາງ (SME) 2016-2020, ພ້ອມທັງຖືວຽກງານດັ່ງກ່າວເປັນວາລະລະດັບຊາດ, ຂະແໜງການກ່ຽວຂ້ອງໄດ້ກໍານົດໃນ 7 ຂົງເຂດນະໂຍບາຍ, 43 ໂຄງການ, 6 ມາດຕະການຈັດຕັ້ງປະຕິບັດ ແລະ ກໍານົດ 2 ກົນໄກປະສານງານ, ໂດຍໄດ້ຈັດພີມແຜນດັ່ງກ່າວແຈກຢາຍໃຫ້ພາກສ່ວນກ່ຽວຂ້ອງນໍາໄປຈັດຕັ້ງປະຕິບັດໃນຂອບເຂດທົ່ວປະເທດ, ຊຶ່ງມາຮອດປັດຈຸບັນມີບາງທ້ອງຖິ່ນແມ່ນໄດ້ສໍາເລັດການສ້າງແຜນຂອງຕົນແລ້ວ ແລະ ຜ່ານການຈັດຕັ້ງປະຕິບັດເຫັນວ່າຈຸນລະວິສາຫະກິດ, ວິສາຫະກິດຂະໜາດນ້ອຍ ແລະ ກາງ ໄດ້ຮັບການປັບປຸງທາງດ້ານຄຸນນະພາບຂອງການຜະລິດ, ໂດຍມີການນໍາໃຊ້ເຕັກໂນໂລຊີ ແລະ ນະວັດຕະກໍາໃໝ່ເຂົ້າໃນຂະບວນການຜະລິດ, ການບໍລິການ,​ ບໍລິຫານຈັດການ, ພ້ອມທັງຍົກລະດັບຄວາມສາມາດດ້ານຕ່າງໆ ເພື່ອໃຫ້ເຂົ້າສີນເຊື່ອທະນາຄານ ແລະ ສະຖາບັນການເງິນ, ເຂົ້າເຖິງບໍລິການໃຫ້ຄໍາປຶກສາ, ຕະຫລາດຈໍາໜ່າຍທັງຢູ່ພາຍໃນ ແລະ ຕ່າງປະເທດນັບມື້ຫລາຍຂຶ້ນ. ແຕ່ແນວໃດກໍຕາມ, ເມື່ອທຽບກັບຄວາມຮຽກຮ້ອງຕົວຈິງຂອງການພັດທະນາຂອງປະເທດ ເຮົາແລ້ວເຫັນວ່າການປະຕິບັດແຜນພັດທະນາວິສາຫະກິດຂະໜາດນ້ອຍ ແລະ ກາງຍັງມີຄວາມຊັກຊ້າ, ການລະດົມທຶນມາຊ່ວຍເຫລືອສ່ວນໃຫຍ່ອິງໃສ່ແຕ່ອົງການສາກົນ, ວຽກທີ່ສາມາດປະຕິບັດໄດ້ສ່ວນຫລາຍແມ່ນບັນດາມາດຕະການ ຫລື ໂຄງການທີ່ກໍານົດໃນນະໂຍບາຍຂອງຜູ້ໃຫ້ທຶນ ແລະ ຢູ່ສູນກາງເປັນສ່ວນໃຫ່ຍ. ສະນັ້ນໃນຕໍ່ໜ້ານີ້, ຈະຕ້ອງໄດ້ຂຶ້ນແຜນງົບປະມານຂອງລັດສະເພາະເພື່ອພັດທະນາວຽກງານດັ່ງກ່າວໃຫ້ມີລັກສະນະກວ້າງຂວາງ ແລະ ມີປະສິດທິຜົນກວ່າເກົ່າ, ອັນສໍາຄັນຮີບດ່ວນແມ່ນການສ້າງຕັ້ງຄະນະກໍາມະການສົ່ງເສີມວິສາຫະກິດຂະໜາດນ້ອຍ ແລະ ກາງ, ສືບຕໍ່ປັບປຸງດໍາລັດວ່າດ້ວຍກອງທຶນສົ່ງເສີມ ແລະ ພັດທະນາວິສາຫະກິດຂະໜາດນ້ອຍ ແລະ ກາງ, ພ້ອມທັງສຶກສາຄົ້ນຄວ້າຄວາມເປັນໄປໄດ້ການສ້າງຕັ້ງສະຖາບັນການເງິນສະເພາະວິສາຫະກິດດັ່ງກ່າວ. ພິເສດໃນປີ 2018 ນີ້, ສປປ ລາວ ຈະໄດ້ເປັນເຈົ້າພາບກອງປະຊຸມລະດັບສາກົນຄື: ກອງປະຊຸມຄະນະກໍາມະການປະສານງານຈຸນລະວິສາຫະກິດ, ວິສາຫະກິດຂະໜາດນ້ອຍ ແລະ ກາງຂຶ້ນທີ່ແຂວງຫລວງພະບາງ ໃນຕົ້ນເດືອນເມສາ ແລະ ກອງປະຊຸມຄະນະກໍາມະການບໍລິຫານອົງການຜະລິດຕະພາບແຫ່ງອາຊີທີ່ນະຄອນຫລວງວຽງຈັນໃນຕົ້ນເດືອນພຶດສະພານີ້.

- Wave100S AD to Website 2020 0 - ລາວຖືວຽກງານສົ່ງເສີມທຸລະກິດຂະໜາດນ້ອຍ ແລະ ກາງ ເປັນວາລະແຫ່ງຊາດ.
- WhatsApp Image 2020 05 27 at 5 - ລາວຖືວຽກງານສົ່ງເສີມທຸລະກິດຂະໜາດນ້ອຍ ແລະ ກາງ ເປັນວາລະແຫ່ງຊາດ.
- WhatsApp Image 2020 05 27 at 5 - ລາວຖືວຽກງານສົ່ງເສີມທຸລະກິດຂະໜາດນ້ອຍ ແລະ ກາງ ເປັນວາລະແຫ່ງຊາດ.
error: Alert: ເນື້ອຫາຂ່າວມີລິຂະສິດ !!