ນະຄອນຫລວງຫ້າມປະພຶດລາມົກອານາຈານໃນໂອກາດສະຫລອງປີໃໝ່ລາວ

- Laos Festivals Events1 - ນະຄອນຫລວງຫ້າມປະພຶດລາມົກອານາຈານໃນໂອກາດສະຫລອງປີໃໝ່ລາວ
- Untitled design - ນະຄອນຫລວງຫ້າມປະພຶດລາມົກອານາຈານໃນໂອກາດສະຫລອງປີໃໝ່ລາວ

ໃນໂອກາດສົ່ງທ້າຍປີເກົ່າ ພສ 2560 ແລະ ຕ້ອນຮັບປີໃໝ່ ພສ 2561 ທີ່ຈະເຖິງນີ້, ນະຄອນຫລວງວຽງຈັນຫ້າມບໍ່ໃຫ້ມີການປະພຶດລາມົກອານາຈານໂດຍເດັດຂາດ, ເພາະຕ້ອງການໃຫ້ການສະເຫລີມຫລອງປີໃໝ່ນີ້ມີບັນຍາກາດແຫ່ງຄວາມສຸກ, ຄວາມສາມັກຄີຮັກແພງ, ມີຄວາມເບີກບານມ່ວນຊື່ນ, ສັງຄົມມີຄວາມເປັນລະບຽບຮຽບຮ້ອຍ ແລະ ປອດໄພ. ອັນສໍາຄັນແມ່ນໃຫ້ຮັກສາໄດ້ມູນເຊື້ອວັດທະນາທໍາ ແລະ ປະເພນີອັນດີງາມຂອງຊາດ ເພື່ອເອກອ້າງໃຫ້ແຂກຕ່າງດ້າວ ກໍຄືນັກທ່ອງທ່ຽວໄດ້ເຫັນຮີດຄອງປະເພນີອັນດີງາມຂອງຊາດ ຕິດພັນກັບການສົ່ງເສີມປີທ່ອງທ່ຽວລາວມີບັນຍາກາດຟົດຟື້ນ.

ນອກນີ້, ຍັງໄດ້ຫ້າມບໍ່ໃຫ້ມີການປະພຶດທີ່ບໍ່ດີອື່ນໆຄື: ດື່ມສິ່ງມືນເມົາຫ້າມຂັບລົດ, ຫ້າມໃຊ້ຂອງແຂງ, ສິ່ງເປີະເປື້ອນ ເຊັ່ນ: ນໍ້າສີ, ນໍ້າເປື້ອນ, ນໍ້າຄັນ, ນໍ້າກ້ອນ ແກວ່ງໃສ່ກັນ, ຫ້າມນຸ່ງເຄື່ອງໂປ້ເປືອຍເຂົ້າວັດ ແລະ ສະຖານທີ່ຊຸມຊົນ, ຫ້າມຕັ້ງໂຕະ, ຈອດລົດ, ວາງສິ່ງຂອງຕ່າງໆຕັນທາງຍ່າງ ຫລື ກີດຂວາງການສັນຈອນ, ຫ້າມເປີດສຽງດົນຕີເກີນຂອບເຂດ ແລະ ເກີນເວລາເດັດຂາດ, ໂດຍມອບໃຫ້ອໍານາດການປົກຄອງແຕ່ລະເມືອງ, ກອງບັນຊາການ ປກສ-ປກຊ ແລະ ພະແນກການຕ່າງໆອ້ອມຂ້າງນະຄອນຫລວງນໍາເອົາຂໍ້ຫ້າມດັ່ງກ່າວລົງເຜີຍແຜ່ໃຫ້ພະນັກງານ, ທະຫານ,​ ຕໍາຫລວດ, ກໍາມະກອນ, ນັກຮຽນ-ນັກສຶກສາ ຕະຫລອດຮອດປະຊາຊົນ ໄດ້ຮັບຮູ້ ແລະ ພ້ອມກັນປະຕິບັດຢ່າງເຂັ້ມງວດ ແລະ ເຕືອນໃຫ້ທຸກພາກສ່ວນມີສະຕິຮອບດ້ານເພື່ອຮັບປະກັນບໍ່ໃຫ້ເກີດສິ່ງອັບປະມຸງຄຸນຕາມມາ ເຊັ່ນ: ອັກຄີໄພ, ສຽງແຕກ, ອາລະວາດຕີກັນ, ອຸປະຕິເຫດ ແລະ ອື່ນໆຢ່າງເດັດຂາດ.

- Wave100S AD to Website 2020 0 - ນະຄອນຫລວງຫ້າມປະພຶດລາມົກອານາຈານໃນໂອກາດສະຫລອງປີໃໝ່ລາວ
- WhatsApp Image 2020 05 27 at 5 - ນະຄອນຫລວງຫ້າມປະພຶດລາມົກອານາຈານໃນໂອກາດສະຫລອງປີໃໝ່ລາວ
- WhatsApp Image 2020 05 27 at 5 - ນະຄອນຫລວງຫ້າມປະພຶດລາມົກອານາຈານໃນໂອກາດສະຫລອງປີໃໝ່ລາວ
error: Alert: ເນື້ອຫາຂ່າວມີລິຂະສິດ !!