ອາຫານທີ່ຍິ່ງກິນກໍໍຍິ່ງຫິວ

- 012803 2018 -  ອາຫານທີ່ຍິ່ງກິນກໍໍຍິ່ງຫິວ
- Untitled design -  ອາຫານທີ່ຍິ່ງກິນກໍໍຍິ່ງຫິວ

ທັງ 10 ອາຫານຕໍ່ໄປນີ້ ຍິ່ງກິນກໍຍິ່ງເຮັດໃຫ້ທ່ານຮູ້ສຶກຫິວ ເຊິ່ງເປັນຍ້ອນສ່ວນປະກອບຕ່າງໆ ເຊັ່ນ : ຄວາມຫວານ, ຄວາມເຄັມ, ແປ້ງນົວ, ນຳ້ມັນ ແລະອື່ນໆ ສິ່ງເຫລົ່ານີ້ມີສ່ວນເຮັດໃຫ້ເຮົາຮູ້ສຶກອີ່ມໄວ, ແຕ່ກໍກະຫາຍໄວເຊັ່ນກັນ ແລະ ໃນຫລາຍໆຄົນທີ່ບໍລິໂພກຈົນລຶ້ງເຄີຍ ກໍເຮັດໃຫ້ຕິດນິໄສຈົນກາຍເປັນກິນເທົ່າໃດກໍບໍ່ອີ່ມ ສຸດທ້າຍແລ້ວສິ່ງທີ່ຈະຕາມມາກໍຄືນຳ້ ໜັກໂຕທີ່ເພີ່ມຂຶ້ນ.

  1. ເຂົ້າໜົມປັງ : ຈາກການສຶກສາຂອງແອດສະປາຍ ພົບວ່ານິໄສການກິນຂອງຄົນຫລາຍກ່ວາ 9.000 ຄົນ ມີລັກສະນະນິໄສມັກກິນເຂົ້າໜົມປັງຫລາຍເຖິງ 40% ຕໍ່ມື້ ເຊິ່ງຈາກພຶດຕິກຳການກິນນີ້ເຮັດໃຫ້ຫິວງ່າຍກ່ວາຄົນປົກກະຕິ ຈຶ່ງເຮັດໃຫ້ກິນຫລາຍຂຶ້ນ ເຮັດໃຫ້ຄົນທີ່ມັກກິນເຂົ້າໜົມປັງມີນຳ້ໜັກໂຕເພີ່ມຂຶ້ນນຳ.
  2. ນຳ້ໝາກໄມ້ : ຫລາຍຄົນຄິດວ່າການດື່ມນຳ້ໝາກໄມ້ຊ່ວຍໃຫ້ຮ່າງກາຍແຂງແຮງຂຶ້ນ, ແຕ່ຮູ້ຫລືບໍ່ວ່ານຳ້ຕານທີ່ຖືກປະສົມຢູ່ໃນນຳ້ໝາກໄມ້ນັ້ນມີຫລາຍປານໃດ ເຊິ່ງຈະໄປເພີ່ມປະລິມານນຳ້ຕານໃນເລືອດໃຫ້ສູງຂຶ້ນ, ເຮັດໃຫ້ເຮົາ ກະຫາຍນຳ້ຫລາຍກ່ວາເກົ່າ ທາງທີ່ດີຖ້າຢາກດື່ມນຳ້ໝາກໄມ້ຄວນຄັ້ນເອົາເອງສົດໆຢູ່ເຮືອນ.
  3. ເຂົ້າໜົມກິນຫລິ້ນ : ເຂົ້າໜົມທີ່ກິນເທົ່າໃດກໍບໍ່ເບື່ອ ຍິ່ງກິນຍິ່ງມັນເຫລົ່ານີ້ລ້ວນແຕ່ມີປະລິມານເກືອຫລາຍກ່ວາທີ່ທ່ານຄິດ ແລະ ຍິ່ງເປັນເຂົ້າໜົມທີ່ຜ່ານການຈືນ ຍິ່ງເຮັດໃຫ້ຄໍແຫ້ງ ຈຶ່ງຕ້ອງໄປຫານຳ້ມາດື່ມ ແລະ ກິນຫຍັງຕື່ມເຂົ້າໄປເພື່ອຫລຸດຄວາມກະຫາຍ ເຊິ່ງແນ່ນອນອາດຈະແມ່ນນຳ້ໝາກໄມ້ທີ່ອຸດົມໄປດ້ວຍນຳ້ຕານ.
  4. ອາຫານຈານດ່ວນ : ທັງ ແຮັມເບີເກີ, ມັນຝຣັ່ງຈືນ ຫລື ແມ່ນແຕ່ໄກ່ຈືນ ສ່ວນປະສົມຂອງມັນບໍ່ທຳມະດາ ແລະ ຄຸນຄ່າທາງສານອາຫານກໍໜ້ອຍກ່ວາອາຫານທົ່ວໄປ ທຸກເທື່ອທີ່ທ່ານເຂົ້າໄປກິນອາຫານເຫລົ່ານີ້ຈະຕ້ອງຮູ້ສຶກກະຫາຍນຳ້ສຸດໆ ເຖິງວ່າຕອນທຳອິດທ່ານຈະຮູ້ສຶກອີ່ມແບບສຸດໆກໍຕາມ ແຕ່ຫລັງຈາກນັ້ນບໍ່ດົນກໍຈະຮູ້ສຶກຫິວຫລາຍກ່ວາເກົ່າ.
  5. ອານກໍຮໍ : ມັນບໍ່ໄດ້ທຳລາຍແຕ່ສຸຂະພາບຂອງທ່ານເທົ່ານັ້ນ, ແຕ່ທຸກເທື່ອທີ່ດື່ມມັນມັກຈະບໍ່ໄດ້ຢຸດຢູ່ນຳຈອກດຽວ ຍິ່ງດື່ມກໍຍິ່ງຢາກ ແລະ ເມື່ອທ່ານຢຸດດື່ມ ທ້ອງຂອງທ່ານຈະຮູ້ສຶກວ່າງທັນທີ ເຮັດໃຫ້ຕ້ອງຟ້າວໄປຫາອາຫານມາຕື່ມເຕັມກະເພາະອາຫານທັນທີ.
  6. ແປ້ງນົວ : ໃຜທີ່ກິນອາຫານທີ່ໃສ່ແປ້ງນົວເຂົ້າໄປຈະຮູ້ສຶກແຊບ ແລະ ຢາກອາຫານຫລາຍຂຶ້ນ, ແຕ່ແນ່ນອນວ່າຫາກທ່ານກິນອາຫານທີ່ມີແປ້ງນົວເປັນສ່ວນປະສົມເປັນປະຈຳ ຫລື ໃນປະລິມານຫລາຍກໍຈະສົ່ງຜົນຮ້າຍຕໍ່ຮ່າງກາຍຂອງທ່ານໃນອະນາຄົດໄດ້.
  7. ຊູຊິ : ທ່ານໃດມັກກິນອາຫານຍີ່ປຸ່ນຄົງບໍ່ມີໃຜປະຕິເສດຊູຊິ ເພາະທັງແຊບ ແລະ ກິນງ່າຍ, ແຕ່ກໍເຕັມໄປດ້ວຍຄາໂບໄຮເດຣດທີ່ມະຫາສານ ທັງເຂົ້າ ແລະ ສ່ວນປະກອບອື່ນໆອີກຫລາຍ ເພາະເມື່ອປຽບທຽບແລ້ວ ປະລິມານເຂົ້າທີ່ຫໍ່ກັບໄສ້ທ່ີມີໜ້ອຍນັ້ນ ເມື່ອເຮົາກິນເຂົ້າໄປກໍກາຍເປັນຄາໂບໄຮເດຣດ ເມື່ອກິນແລ້ວຄໍກໍຈະແຫ້ງ ຈຶ່ງຕ້ອງຫາຫຍັງມາລ້າງຄໍ.
  8. ສານໃຫ້ຄວາມຫວານທຽມ ຫລື ນຳ້ຕານກ້ອນ : ເມື່ອກິນນຳ້ຕານຫລາຍກໍຕ້ອງເຮັດໃຫ້ຫິວຫລາຍເປັນທຳມະດາ ແລະ ຍິ່ງຫິວຫລາຍທ່ານກໍຕ້ອງກິນໃຫ້ຫລາຍຂຶ້ນ ແລະ ເມື່ອກິນຫລາຍຂຶ້ນ ນຳ້ໜັກຂອງທ່ານກໍຈະຕາມມາ.

     9.​ ຊີຣຽວສຳລັບເດັກ : ຊີຣຽວເຫລົ່ານີ້ມີແປ້ງສາລີເປັນສ່ວນປະກອບສຳຄັນ ທັງເປັນແປ້ງແປຮູບ ແລະ ຫລາຍຍີ່ຫໍ້ເປັນຊີຣຽວເຄືອບນຳ້ຕານ ໃນທຸກໆເຊົ້າທີ່ທ່ານກິນມັນກໍຈະເຂົ້າໄປເພີ່ມປະລິມານນຳ້ຕານໃນເລືອດ. ດັ່ງນັ້ນຫາກຈະກິນຊີຣຽວຄວນເລືອກແບບທີ່ມີໄຟເບີຫລາຍໆ ແລະ ຄວນມີນຳ້ຕານໜ້ອຍກ່ວາ 5 ກຣາມ. ນອກຈາກນີ້ ກິນບໍ່ດົນກໍຫິວອີກແລ້ວ.

- Wave100S AD to Website 2020 0 -  ອາຫານທີ່ຍິ່ງກິນກໍໍຍິ່ງຫິວ
  1. ພິດຊ່າ : ຄົນມັກກິນພິດຊ່າຈະຕຸ້ຍງ່າຍ ເພາະມີທັງແປ້ງ ແລະ ຊີສ ເຖິງວ່າຕອນທຳອິດຈະຮູ້ສຶກອີ່ມຫລາຍກໍຕາມ ແຕ່ອີກບໍ່ດົນທ້ອງຂອງທ່ານກໍຍັງຕ້ອງອາການອາຫານຢູ່ ແລະ ຈະເຮັດໃຫ້ທ່ານຢາກອາຫານຫລາຍກ່ວາເກົ່າໃນຊົ່ວໂມງຕໍ່ມາ.
- WhatsApp Image 2020 05 27 at 5 -  ອາຫານທີ່ຍິ່ງກິນກໍໍຍິ່ງຫິວ
- WhatsApp Image 2020 05 27 at 5 -  ອາຫານທີ່ຍິ່ງກິນກໍໍຍິ່ງຫິວ
error: Alert: ເນື້ອຫາຂ່າວມີລິຂະສິດ !!