UNSC ຕໍ່ເວລາພາລະກິດ ຮັກສາສັນຕິພາບໃນກົງໂກ

- news rlUTtKcehC121022 533 - UNSC ຕໍ່ເວລາພາລະກິດ ຮັກສາສັນຕິພາບໃນກົງໂກ
- Untitled design - UNSC ຕໍ່ເວລາພາລະກິດ ຮັກສາສັນຕິພາບໃນກົງໂກ

ສະພາ​ຄວາມ​ໝັ້ນຄົງ​ແຫ່ງ​ສະຫະ​ປະຊາ​ຊາດ​ມີ​ມະຕິ​ຂະຫຍາຍ​ໄລຍະ​ເວລາ​ພາລະກິດ​ຮັກສາ​ສັນຕິພາບ​ໃນ​ກົງ​ໂກ ​ເຊິ່ງ​ເປັນ​ກອງ​ກຳລັງ​ທະຫານ​ຮັກສາ​ສັນຕິພາບ​ຂະໜາດ​ໃຫຍ່​ທີ່​ສຸດ​ຂອງ UN ​ໃຫ້​ຄວບ​ຄຸມ​ໄລຍະ​ເວລາ​ຂອງ​ການ​ເລືອກ​ຕັ້ງທົ່ວ​ໄປ​ທີ່​ຈະ​ມີ​ຂຶ້ນທ້າຍ​ປີ​ນີ້.

- news WUGdlQNZxj121033 533 300x200 - UNSC ຕໍ່ເວລາພາລະກິດ ຮັກສາສັນຕິພາບໃນກົງໂກ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນ​ນິວຢອກ ປະ​ເທດ​ສະຫະລັດ​ອາ​ເມ​ລິ​ກາ ​ໃນ​ວັນ​ທີ 27 ມີນາ​ວ່າ: ສະມາຊິກ​ສະພາ​ຄວາມ​ໝັ້ນຄົງ​ແຫ່ງ​ສະຫະ​ປະຊາ​ຊາດ​ທັງ 15 ປະ​ເທດ​ມີ​ມະຕິ​ເປັນ​ເອກະ​ພາບ ​ໃນ​ກອງ​ປະຊຸມ​ວັນ​ທີ 27 ມີນາ ອະນຸມັດ​ຮ່າງ​ມະຕິ​ທີ່​ສະ​ເໜີ​ໂດຍ​ຝຣັ່ງ ​ໃນ​ການ​ຕໍ່​ໄລຍະ​ເວລາ​ຂອງ​ພາລະກິດ​ຮັກສາ​ສະຖຽນ​ລະ​ພາບ​ໃນ​ສາທາລະນະ​ລັດ​ ປະຊາທິປະ​ໄຕ​ກົງ​ໂກ ຫລື ​ໂມ​ນຸສ​ໂກ ​ເຊິ່ງ​ເປັນ​ພາລະກິດ​ກອງ​ກຳລັງ​ຮັກສາ​ສັນຕິພາບ​ຂະໜາດ​ໃຫຍ່​ທີ່​ສຸດ​ຂອງ​ສະຫະ​ປະຊາ​ຊາດ (UN) ດ້ວຍ​ຈຳນວນ​ເຈົ້າໜ້າ​ທີ່​ຝ່າຍ​ຄວາມ​ໝັ້ນຄົງ​ທັງ​ທະຫານ ​ແລະ ຕຳຫລວດ​ຈາກ​ນານາປະ​ເທດ​ລວມກັນ 16.215 ຄົນ ​ໃຫ້​ປະຕິບັດ​ການ​ຈົນ​ເຖິງ​ເດືອນ​ມີນາ 2019.

ທັງ​ນີ້, ການ​ຂະຫຍາຍ​ໄລຍະ​ເວລາ​ປະຕິບັດ​ການ​ຂອງ​ໂມ​ນຸສ​ໂກໝາຍ​ຄວາມ​ວ່າ​ຈະ​ຄວບ​ຄຸມ​ໄລຍະ​ເວລາ​ຫາ​ສຽງ ​ແລະ ການຖ່າຍ​ໂອນ​ອຳນາດ​ທາງ​ການ​ເມືອງ ຈາກ​ການ​ທີ່​ກົງ​​ໂກ​ມີ​ກຳນົດ​ຈັດການ​ເລືອກ​ຕັ້ງທົ່ວ​ໄປ​ໃນ​ວັນ​ທີ 23 ທັນວາ​ນີ້ ຕາມ​ກົດໝາຍ​ຈະ​ເປັນ​ການ​ເລືອກ​ຕັ້ງ​ເພ່ືອ​ຄັດ​ເລືອກ​ບຸກຄົນ​ມາ​ຮັບ​ຕຳ​ແໜ່​ງຕໍ່​ຈາກ​ປະທານາທິບໍດີ ​ໂຈ​ເຊ​ຟ ຄາ​ບິ​ລາ ອາຍຸ 46 ປີ ​ເຊິ່ງປົກຄອງ​ປະ​ເທດ​ມາ​ແຕ່​ປີ 2001. ​ເຖິງ​ຢ່າງ​ໃດ​ກໍ​ຕາມ ການ​ທີ່​ທ່ານ ຄາ​ບິ​ລາ ຍັງ​ບໍ່​ສະ​ແດງ​ທ່າ​ທີ​ຢ່າງ​ຈະ​ແຈ້ງ ວ່າ​ຈະ “ຍອມ​ຫລີກ​ທາງ” ​ໃນ​ການ​ເລືອກ​ຕັ້ງຄັ້ງນີ້ ຫລື ບໍ່ ກໍ່​ໃຫ້​ເກີດ​ຄວາມ​ກັງວົນ​ວ່າ​ຈະ​ເກີດ​ສະຖານະ​ການ​ຮຸນ​ແຮງ​ທາງ​ການ​ເມືອງ.

- WhatsApp Image 2020 05 27 at 5 - UNSC ຕໍ່ເວລາພາລະກິດ ຮັກສາສັນຕິພາບໃນກົງໂກ
- WhatsApp Image 2020 05 27 at 5 - UNSC ຕໍ່ເວລາພາລະກິດ ຮັກສາສັນຕິພາບໃນກົງໂກ
error: Alert: ເນື້ອຫາຂ່າວມີລິຂະສິດ !!