ພາກສ່ວນກ່ຽວຂ້ອງຕ້ອງເຂັ້ມງວດປົວແປງຜົນກະທົບຂອງອຸປະຕິເຫດ
ໂດຍ: ທ່ຽງທຳ
ສະບາຍດີ, ເພື່ອນຜູ້ອ່ານ ທີ່ຮັກແພງ, ຫລາຍຄົນກໍຈະ ເຫັນດີນຳ ທ່ຽງທຳ, ໃນຄວາມ ເຂັ້ມງວດ ໃຫ້ຜູ້ກະທຳຜິດປົວ ແປງຜົນເປ່ເພ, ເສຍຫາຍຈາກ ກໍລະນີ ອຸປະຕິເຫດກໍ່ຂຶ້ນຢູ່ຕາມ ຖະໜົນຫົນທາງຕ່າງໆ ເພື່ອບໍ່ ລະອາຍບ້ານລະອາຍເມືອງ ເພິ່ນ ຄືດັ່ງຜ່ານມານີ້ໄປທາງໃດກໍ ພົບເຫັນພາບຂອບທາງແຕກ ຫັກເພພັງ, ຄູແບ່ງຊ່ອງຈະລາ ຈອນທະລຸພຸພັງ, ປ້າຍເຕືອນ ລະບຽບຈະລາຈອນ ຫລື ເສົາ ໄຟຟ້າ ຫັກລົງມາຢ່າງໜ້າສັງ ເວດນັ້ນ, ປະປ່ອຍໄວ້ ເບິ່ງຄືບໍ່ ມີໃຜເປັນເຈົ້າຂອງ ແລະ ປົວ ແປງແຕ່ຢ່າງໃດ ໂດຍສະເພາະ ຢູ່ໃນນະຄອນຫລວງວຽງຈັນ ເຮົາຄືມໍ່ໆນີ້ ກໍແມ່ນອຸປະຕິເຫດ ລົດກະບະ ແລ່ນຂຶ້ນຂອບທາງ ສວນເຈົ້າອານຸວົງ ບໍ່ພຽງແຕ່ ຕຳ ເອົາເດັກນັກຮຽນ ຜູ້ອະນາໄມ ທາງແທນແມ່ຈົນເສຍຊີວິດ ແລ້ວ ແລະ ຍັງປະປ່ອຍໄວ້ໃຫ້ ເຫັນເຖິງພາບເພພັງ ແລະ ຕົ້ນ ດອກຈຳປາທີ່ງົດງາມຫັກພັງລົງ ມາຢ່າງສະລະພະຝັງ ແຕ່ກໍບໍ່ ເຫັນມີໃຜອອກມາຮັບຜິດຊອບ ແລະ ປົວແປງແຕ່ຢ່າງໃດ.
ດັ່ງນັ້ນໃນສະພາບດັ່ງກ່າວ, ມີເພື່ອນຜູ້ອ່ານຫລາຍຄົນສ່ອງ ແສງມາວ່າ: ຂໍໃຫ້ຂະແໜງ ໂຍທາທິການ ແລະ ຂົນສົ່ງ ຫລື ອົງການ ອພບ ຈະຕ້ອງມີມາດ ຕະການເຂັ້ມງວດຕິດຕາມກວດ ກາແນະນຳໃຫ້ຜູ້ກະທຳຜິດ ຈິ່ງຮີບຮ້ອນໄດ້ເຂົ້າມາຮ່ຳບາດ ແຜທີ່ຕົນສ້າງຂຶ້ນໃຫ້ສຳເລັດ ໂດຍໄວ, ບໍ່ແມ່ນວ່າພຽງຈ່າຍ ຄ່າເສຍຫາຍແລ້ວກໍເມີນເສີນ ໄປ, ເຊິ່ງປະປ່ອຍໃຫ້ພາບພົດ ອັນບໍ່ງົດງາມດັ່ງກ່າວຖິ້ມປະໄວ້ ຢ່າງຂາດຄວາມຮັບຜິດຊອບ.
ເອົາລະເວົ້າມາກໍຫລາຍ ຫວັງດີວ່ານັບແຕ່ນີ້ໄປຈະບໍ່ ໄດ້ເຫັນພາບຂີ່ເຫີຂີ່ຮ້າຍດັ່ງ ກ່າວອີກ./.
+ ໄຟເຍືອງທາງບໍ່ມີ ອາດເປັນສາເຫດເຮັດໃຫ້ເກີດອຸປະຕິເຫດ ແລະ ເສຍຊີວິດ
+ ຂັບຂີ່ປະໝາດພາໃຫ້ເກີດອຸປະຕິເຫດ ແລະ ເສຍຊີວິດ
