ບໍລິສັດສາຍພູຫລວງມອບເຄື່ອງຊ່ວຍເຫລືອໂຮງຮຽນຕ່າງໆ ຢູ່ເມືອງບົວລະພາ

ເມື່ອບໍ່ດົນມານີ້, ຫົວໜ້າ ບໍລິສັດສາຍພູຫລວງ ທີ່ເດີນ ທາງມາຈາກ ຈັງຫວັດນະ ຄອນພະນົມ (ປະເທດໄທ) ໄດ້ ນຳເອົາອຸປະກອນກິລາ ແລະ ເຄື່ອງອຸປະໂພກ, ບໍລິໂພກຈຳ ນວນໜຶ່ງມອບໃຫ້ໂຮງຮຽນ ບ້ານລາຍ, ບ້ານກາງ, ບ້ານ ທາງແບ່ງ ແລະ ໂຮງຮຽນ ບ້ານນ້ຳຈະຫລາ ເມືອງບົວ ລະພາ ແຂວງຄຳມ່ວນ ເຊິ່ງ ປະກອບມີ ບານເຕະ, ບານສົ່ງ, ກະຕໍ້, ປຶ້ມຂຽນ, ປຶ້ມແບບຮຽນ, ເຂົ້າໝົມ, ນົມ ແລະ ອື່ນໆ ລວມ ມູນຄ່າຫລາຍກວ່າ 12 ລ້ານ ກີບ, ເພື່ອເຮັດໃຫ້ບັນດາຄູ ອາຈານ, ນ້ອງນ້ອຍນັກຮຽນ ແລະ ພໍ່ແມ່ປະຊາຊົນ ທີ່ຢູ່ຫ່າງ ໄກ ສອກຫລີກ ໄດ້ມີເງື່ອນໄຂ ສຶກສາຮ່ຳຮຽນ ແລະ ພັດທະ ນາຊີວິດການເປັນຢູ່ຂອງ ຕົນດີຂຶ້ນ.

ເຂົ້າຮ່ວມ ພິທີມອບຮັບ ເຄື່ອງ ຊ່ວຍເຫລືອດັ່ງກ່າວ, ມີຫົວໜ້າຫ້ອງວ່າການປົກ ຄອງເມືອງ, ຫົວໜ້າຫ້ອງ ການສຶກສາ-ກິລາເມືອງ ແລະ ຫົວໜ້າຫ້ອງການ ກະສິກຳ-ປ່າໄມ້ເມືອງ, ມີ ອຳນາດການປົກຄອງບ້ານ ແລະ ຄູ-ອາຈານ ພ້ອມດ້ວຍ ນັກຮຽນ ແລະ ປະຊາຊົນ ເຂົ້າຮ່ວມນຳ.

+ ມອບເຄື່ອງຊ່ວຍເຫລືອບ້ານຈຸດສຸມນ້ຳສຽມ

+ ມອບເຄື່ອງຊ່ວຍເຫລືອໃຫ້ແກ່ປະຊາຊົນເມືອງບົວລະພາຜູ້ໄດ້ຮັບຜົນກະທົບຈາກໄພທຳມະຊາດ