ລາວ-ຍີ່ປຸ່ນຮ່ວມມືວຽກງານຄົ້ນຄວ້າເສດຖະກິດ

- Laos Japan 1 - ລາວ-ຍີ່ປຸ່ນຮ່ວມມືວຽກງານຄົ້ນຄວ້າເສດຖະກິດ
- Untitled design - ລາວ-ຍີ່ປຸ່ນຮ່ວມມືວຽກງານຄົ້ນຄວ້າເສດຖະກິດ

ພິທີລົງນາມບົດບັນທຶກຄວາມເຂົ້າໃຈໂຄງການຮ່ວມມືວຽກງານຄົ້ນຄວ້າກ່ຽວກັບການສ້າງຄວາມມີສະຖຽນລະພາບດ້ານງົບປະມານລະຫວ່າງທ່ານ ບົວສອນ ບຸບຜາວັນ ຫົວໜ້າສະຖາບັນຄົ້ນຄວ້າເສດຖະກິດແຫ່ງຊາດລາວ ແລະ ທ່ານ ໂຢຊິຮະຣຸ ໂຍເນຢາມະ ຫົວໜ້າອົງການໄຈກາປະຈຳລາວ, ໄດ້ມີຂຶ້ນໃນວັນທີ 27 ມີນານີ້, ທີ່ນະຄອນຫລວງວຽງຈັນ, ເພື່ອຮ່ວມມືຄົ້ນຄວ້າລົງເລິກໃນບັນ ຫາສໍາຄັນຂອງເສດຖະກິດຄື: ການວິເຄາະສະພາບການເງິນ-ງົບປະມານ, ການຄຸ້ມຄອງການສົ່ງອອກສິນຄ້າຊັບພະຍາກອນທຳມະຊາດ, ການບໍລິຫານຄັງສຳ ຮອງເງິນຕາຕ່າງປະເທດ ແລະ ການພັດທະນາລະບົບການເງິນ, ໂດຍແມ່ນຝ່າຍຍີປຸ່ນຈະສືບຕໍ່ຊ່ວຍເຫລືອລາວໃຫ້ສາມາດຫລຸດພົ້ນອອກຈາກສະຖານະພາບດ້ອຍພັດທະນາຕາມເປົ້າໝາຍໃນປີ 2020, ຊຶ່ງຈະໄດ້ລົງເລິກຊ່ວຍເຫລືອ ດ້ານການພັດທະນາພື້ນຖານໂຄງລ່າງ, ການຜະລິດກະສິກຳ, ການປົກປັກຮັກສາປ່າໄມ້, ປັບປຸງການບໍລິການສາທາລະນະສຸກ ແລະ ປັບປຸງສະພາບແວດລ້ອມຂອງການສຶກສາ, ພ້ອມທັງຊ່ວຍເຫລືອຄົ້ນຄວ້າດ້ານຕ່າງໆ ແລະ ຊ່ວຍສ້າງບຸກຄະລາກອນໃນລະດັບຕ່າງໆໃຫ້ແກ່ລາວ.
ທ່ານຫົວໜ້າສະຖາບັນຄົ້ນຄວ້າເສດຖະກິດແຫ່ງຊາດລາວ ກ່າວວ່າ: ສປປ ລາວ, ໄດ້ວາງເປົ້າໝາຍພັດທະນາປະເທດໂດຍຮັບຮອງເອົາວິໄສທັດຮອດປີ 2030, ຍຸດທະສາດແຕ່ປີ 2016-2025 ແລະ ແຜນພັດທະນາເສດຖະກິດ-ສັງຄົມ 5 ປີຄັ້ງທີ 8 ໃຫ້ສໍາເລັດຕາມເປົ້າໝາຍ. ແຕ່ແນວໃດກໍຕາມ, ໃນຕົວຈິງຂອງການພັດທະນາກໍເຫັນວ່າຍັງມີບັນຫາ ແລະ ສິ່ງທ້າທາຍຫລາຍດ້ານ ເປັນ ຕົ້ນ: ບັນຫາການຂາດສະພາບຄ່ອງທາງດ້ານງົບປະມານ, ຍ້ອນຖານລາຍຮັບ ຫລຸດລົງ, ການຈັດເກັບລາຍຮັບບໍ່ໄດ້ຕາມແຜນ, ການໃຊ້ຈ່າຍບໍ່ມີປະສິດທິຜົນ, ສະພາບໜີ້ສິນຄຸມເຄືອ, ຄັງສຳຮອງເງິນຕາຕ່າງປະເທດມີຈຳກັດ ແລະ ບັນຫາອື່ນໆ, ເຊິ່ງທັງໝົດນີ້ຕ້ອງໄດ້ມີການຄົ້ນຄວ້າຄືນຢ່າງລະອຽດ ເພື່ອຫາວິທີແກ້ໄຂ ຮັບປະກັນໃຫ້ການພັດທະນາເສດຖະກິດ-ສັງຄົມແຫ່ງຊາດບັນລຸຕາມແຜນການວາງໄວ້.

- Wave100S AD to Website 2020 0 - ລາວ-ຍີ່ປຸ່ນຮ່ວມມືວຽກງານຄົ້ນຄວ້າເສດຖະກິດ
- WhatsApp Image 2020 05 27 at 5 - ລາວ-ຍີ່ປຸ່ນຮ່ວມມືວຽກງານຄົ້ນຄວ້າເສດຖະກິດ
- WhatsApp Image 2020 05 27 at 5 - ລາວ-ຍີ່ປຸ່ນຮ່ວມມືວຽກງານຄົ້ນຄວ້າເສດຖະກິດ
error: Alert: ເນື້ອຫາຂ່າວມີລິຂະສິດ !!