ແຂວງຊຽງຂວາງ ສັ່ງ​ປິດກິດຈະການ​ບັນ​ເທິງ ​ແລະ ການ​ພະນັນ​ທຸກ​​ປະ​ເພດຢູ່​ສວນ​ພູ​ຄຳ.

- Phoukham garden - ແຂວງຊຽງຂວາງ ສັ່ງ​ປິດກິດຈະການ​ບັນ​ເທິງ ​ແລະ ການ​ພະນັນ​ທຸກ​​ປະ​ເພດຢູ່​ສວນ​ພູ​ຄຳ.
- Untitled design - ແຂວງຊຽງຂວາງ ສັ່ງ​ປິດກິດຈະການ​ບັນ​ເທິງ ​ແລະ ການ​ພະນັນ​ທຸກ​​ປະ​ເພດຢູ່​ສວນ​ພູ​ຄຳ.

​ເມື່ອ​ບໍ່ດົນ​ມານີ້, ຫ້ອງວ່າການປົກຄອງແຂວງຊຽງຂວາງໄດ້ອອກແຈ້ງການໃຫ້ວິສາຫະກິດສວນພູຄຳຢຸດເຊົາການບໍລິການຕູ້ເກມໄຟຟ້າ, ການພະນັນທຸກປະເພດ, ລວມທັງສັ່ງຢຸດເຊົາການບໍລິການຂອງຮ້ານບັນເທີງນານາພັບໃນສວນພູຄຳຢ່າງຖາວອນ, ຊ້າສຸດບໍ່ໃຫ້ກາຍວັນທີ 30 ມີນາ 2018. ພ້ອມ​ນີ້, ຍັງໄດ້ອອກແຈ້ງການໃຫ້ວິສາຫະກິດສວນພູຄຳຢຸດເຊົາບັນດາກິດຈະກຳຕະຫລາດກາງຄືນຢູ່ສວນສາທາລະນະອ່າງນ້ຳຫງໍາ, ຊ້າສຸດບໍ່ໃຫ້ກາຍວັນທີ 30 ມີນາ 2018 ເຊັ່ນດຽວກັນ, ເພື່ອຊອກຫາຈຸດທີ່ຕັ້ງຕະຫລາດກາງຄືນໃໝ່ທີ່ເໝາະສົມກ່ວາເກົ່າ.
ທ່ານ ບຸນຕົ້ນ ຈັນທະພອນ ຮັກສາການເຈົ້າແຂວງຊຽງຂວາງ ໃຫ້ສຳພາດຕໍ່ສື່ມວນຊົນໃນໂອກາດເຂົ້າຮ່ວມກອງປະຊຸມລັດຖະບານເປີດກ້ວາງຄັ້ງທີ 1 ປະ

ຈຳປີ 2018 ຢູ່ຖ້ຳຊ້າງລອດເມືອງວຽງໄຊແຂວງຫົວພັນໃນວັນທີ 22-23 ມີນານີ້ວ່າ: ໄລຍະຜ່ານມາມີປະຊາຊົນສະເໜີມາຍັງພາກສ່ວນກ່ຽວຂ້ອງຂອງແຂວງ ກ່ຽວກັບບັນຫາຫລີ້ນການພະນັນປະເພດຕ່າງໆຢູ່ສວນພູຄໍາ ແລະ ຜ່ານມາ, ອົງການປົກຄອງແຂວງກໍໄດ້ໃຫ້ຄຳແນະນຳກ່ຽວກັບການແກ້ໄຂເລື່ອງນີ້ມາແລ້ວ, ແຕ່ຍ້ອນມີຄົນເຂົ້າມາສວນແຫ່ງນີ້ເປັນຈຳນວນຫລາຍໃນແຕ່ລະວັນເຮັດໃຫ້ການຄຸ້ມຄອງພົບຄວາມຫຍຸ້ງຍາກ ໂດຍສະເພາະບັນຫາຫລີ້ນການພະນັນປະເພດຕ່າງໆ. ດັ່ງນັ້ນ ຄະນະປະຈໍາພັກແຂວງໄດ້ປະຊຸມຮ່ວມກັນ ແລະ ຕົກລົງເຫັນດີໃຫ້ແກ້ໄຂບັນຫາຫລີ້ນການພະນັນ, ລວມທັງການບໍລິການຂອງຮ້ານບັນເທີງຢູ່ສວນພູຄຳ ເພື່ອບໍ່ໃຫ້ສ້າງຄວາມສັບສົນໃນສັງຄົມ ໂດຍສະເພາະເພື່ອຕ້ອນຮັບງານມະຫາກຳກິລາແຫ່ງຊາດ ຄັ້ງທີ 11 ທີ່ແຂວງ ຊຽງຂວາງຈະເປັນເຈົ້າພາບຈັດຂຶ້ນຢ່າງເປັນທາງການໃນທ້າຍປີນີ້, ຈິ່ງຈໍາເປັນທີ່ສຸດຕ້ອງແກ້ໄຂເລື່ອງບັນຫານີ້ຢູ່ສວນດັ່ງກ່າວ, ເພື່ອເປັນການດຶງດູດນັກທ່ອງທ່ຽວທັງພາຍໃນ ແລະຕ່າງປະເທດ ກໍຄື ການຮັກສາພາບລັກຂອງແຂວງ ຊຽງຂວາງວິລະຊົນໄວ້ໃຫ້ດີ ແຕ່ເຖີງວ່າອົງການປົກຄອງແຂວງໄດ້ສັ່ງໃຫ້ຢຸດເຊົາການຫລີ້ນການພະນັນທຸກປະເພດ, ລວມທັງໃຫ້ປິດການບໍລິການຮ້ານບັນເທີງນານາພັບຢ່າງຖາວອນ ແຕ່ເລື່ອງການຊື້-ການຂາຍຕ່າງໆຢູ່ສວນແຫ່ງນີ້ສາມາດດຳເນີນຕໍ່ໄປໄດ້ ເພາະອົງການປົກຄອງແຂວງສະໜັບສະໜູນໃຫ້ສວນແຫ່ງນີ້ເປັນສູນກາງການຄ້າຂາຍ ເພື່ອເຮັດໃຫ້ປະຊາຊົນຊາວຊຽງຂວາງ ມີບ່ອນຄ້າຂາຍ ເພື່ອສ້າງເສດຖະກິດຄອບຄົວໃຫ້ດີຂຶ້ນ, ແຕ່ເດັດຂາດບໍ່ສະໜັບສະໜູນເລື່ອງການຫລີ້ນການພະນັນທຸກປະເພດ. ສຳລັບກິດຈະການຕະຫລາດກາງຄືນຂອງວິສາຫະກິດສວນພູຄຳຢູ່ສວນສາທາລະນະອ່າງນ້ຳຫງໍາ, ຫລັງຈາກອົງການປົກຄອງແຂວງໄດ້ທົດລອງໃຫ້ວິສາຫະກິດສວນພູຄຳເປີດຕະຫລາດກາງຄືນຢູ່ສະຖານທີ່ແຫ່ງນີ້ມາໄດ້ຫລາຍເດືອນ, ຜ່ານການປະເມີນຕົວຈິງເຫັນວ່າ ບໍ່ເໝາະສົມ ເພາະສວນສາທາລະນະອ່າງນ້ຳຫງໍາເປັນບ່ອນໃຫ້ຄົນໄດ້ອອກກຳລັງກາຍ ແລະ ພັກຜ່ອນ, ທັງເປັນບ່ອນໂຮມຂອງການຈາລະຈອນພາຍໃນເທດສະບານແຂວງ, ເວລາຈັດກິດຈະກຳຕ່າງໆ ຢູ່ສະຖານທີ່ເແຫ່ງນີ້ອາດເຮັດໃຫ້ການຈາລະຈອນສັບສົນ ແລະ ຫຍຸ້ງຍາກ, ນອກນີ້ ຍັງຢູ່ໃກ້ກັບກອງທັບອາກາດ 702 ເຮັດໃຫ້ມີຄວາມສ່ຽງດ້ານຄວາມປອດໄພ. ດັ່ງນັ້ນ ຈິ່ງໄດ້ສັ່ງໃຫ້ຢຸດເຊົາທຸກກິດຈະກຳຕະຫລາດກາງຄືນຢູ່ສວນສາທາລະນະແຫ່ງນີ້ຊ້າສຸດບໍ່ໃຫ້ກາຍວັນທີ 30 ມີນາ 2018 ນີ້.

- Wave100S AD to Website 2020 0 - ແຂວງຊຽງຂວາງ ສັ່ງ​ປິດກິດຈະການ​ບັນ​ເທິງ ​ແລະ ການ​ພະນັນ​ທຸກ​​ປະ​ເພດຢູ່​ສວນ​ພູ​ຄຳ.
- WhatsApp Image 2020 05 27 at 5 - ແຂວງຊຽງຂວາງ ສັ່ງ​ປິດກິດຈະການ​ບັນ​ເທິງ ​ແລະ ການ​ພະນັນ​ທຸກ​​ປະ​ເພດຢູ່​ສວນ​ພູ​ຄຳ.
- WhatsApp Image 2020 05 27 at 5 - ແຂວງຊຽງຂວາງ ສັ່ງ​ປິດກິດຈະການ​ບັນ​ເທິງ ​ແລະ ການ​ພະນັນ​ທຸກ​​ປະ​ເພດຢູ່​ສວນ​ພູ​ຄຳ.
error: Alert: ເນື້ອຫາຂ່າວມີລິຂະສິດ !!