ທ່ານອນແຕ່ລະທ່າມີຜົນຕໍ່ການນອນຫລັບຂອງທ່ານ
ທ່ານອນເປັນປັດໄຈສຳຄັນທີ່ເຮັດໃຫ້ນອນຫລັບສະບາຍ, ຕື່ນນອນຢ່າງສົດຊື່ນ ແລະ ບໍ່ປວດເມື່ອຍຕົນໂຕ.
– ນອນຫງາຍ : ຄວນໃຊ້ໝອນໝູນຫົວແບບຕໍ່າ ເພື່ອໃຫ້ກ້ານຄໍຢູ່ໃນແຖວດຽວກັນກັບເລົາຄີງ ປ້ອງກັນການປວດຄໍຈາກການນອນຄໍພັບ ຫລື ນອນເງີຍຄໍຫລາຍເກີນໄປ, ແຕ່ທ່ານີ້ບໍ່ເໝາະສົມກັບຄົນປ່ວຍພະຍາດປອດ ແລະ ພະຍາດຫົວໃຈ ເພາະກ້າມຊີ້ນກະບັງລົມຈະກົດທັບປອດ ເຮັດໃຫ້ຫາຍໃຈບໍ່ສະດວກ, ຫົວໃຈເຮັດວຽກລຳບາກຂຶ້ນ, ການນອນຫງາຍຍັງອາດເຮັດໃຫ້ຜູ້ປ່ວຍທີ່ມີອາການປວດຫລັງຢູ່ນັ້ນມີອາການຮຸນແຮງຂຶ້ນຕື່ມ.
– ນອນແຄງ : ການນອນແຄງເບື້ອງຂວາຊ່ວຍໃຫ້ຫົວໃຈເຮັດວຽກສະດວກ ແລະ ອາຫານທີ່ຄ້າງຢູ່ໃນກະເພາະຈະຖືກບີບລົງລຳໄສ້ນ້ອຍໄດ້ດີ ຊ່ວຍຫລຸດອາການປວດຫລັງໄດ້ທາງໜຶ່ງ, ແຕ່ການນອນແຄງເບື້ອງຊ້າຍອາດເຮັດໃຫ້ແໜ້ນກາງເອິກ ເພາະອາຫານຍ່ອຍບໍ່ໝົດ ແລະ ຄ້າງຢູ່ໃນກະເພາະອາຫານ. ແມ່ຍິງຖືພາຄວນນອນແຄງເພື່ອບໍ່ໃຫ້ມົດລູກໄປກົດທັບກະດູກສັນຫລັງ ແລະ ເສັ້ນເລືອດແດງໃນກາງເລົາຄີງ.
– ນອນຂວຳ້ໜ້າ : ອາດເຮັດໃຫ້ຫາຍໃຈຕິດຂັດ ແລະ ປວດກ້ານຄໍ ເພາະຄໍແອນມາທາງຫລັງ ຫລືບິດໄປເບື້ອງໃດເບື້ອງໜຶ່ງເປັນເວລາດົນ ຖ້າຕ້ອງນອນຂວຳ້ໜ້າຄວນໃຊ້ໝອນຮອງກ້ອງໜ້າເອິກເພື່ອບໍ່ໃຫ້ປວດເມື່ອຍກ້ານຄໍ.
