ສອງເກົາຫລີພົບປະຫາລືກຽມ ຄວາມພ້ອມກອງປະຊຸມລະດັບຜູ້ນຳ

- f0702487 288c 442f bd9a 4c6035d0a61a - ສອງເກົາຫລີພົບປະຫາລືກຽມ ຄວາມພ້ອມກອງປະຊຸມລະດັບຜູ້ນຳ
- 174233 - ສອງເກົາຫລີພົບປະຫາລືກຽມ ຄວາມພ້ອມກອງປະຊຸມລະດັບຜູ້ນຳ

​ເຈົ້າໜ້າ​ທີ່​ລະດັບ​ສູງຂອງ ສປປ ​ເກົາຫລີ ​ແລະ ສ.​ເກົາຫລີ ພົບ​ປະ​ຫາລື​ກັນ​ໃນ​ເຂດ​ພື້ນທີ່​ຄວາມ​ໝັ້ນຄົງ​ໃນ​ເຂດ​ປອດ​ທະຫານ ​ເພື່ອ​ກຽມ​ກອງ​ປະຊຸມ​ຄັ້ງສຳຄັນ​ລະດັບ​ຜູ້ນຳ​ຂອງ​ທັງ​ສອງ​ປະ​ເທດ ​ໃນ​ວັນ​ທີ 27 ​ເມສາ​ນີ້.

- 645x344 north south korea to hold summit on april 27 1522304065238 300x160 - ສອງເກົາຫລີພົບປະຫາລືກຽມ ຄວາມພ້ອມກອງປະຊຸມລະດັບຜູ້ນຳ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ເຊ​ອຸນ ສ.​ເກົາຫລີ ​ໃນ​ວັນ​ທີ 29 ​ມີນາ​ວ່າ: ທ່ານ ​ໂຊ ມາຢອງ​ຢອນ ລັດຖະມົນຕີ​ກະຊວງ​ລວມຊາດ​ຂອງ ສ.​ເກົາຫລີ ນຳ​ຄະນະ​ເດີນທາງ​ຂ້າ​ມ​ເສັ້ນ​ແບ່ງ​ເຂດ​ທາງ​ທະຫານ (MDL) ບໍລິ​ເວນ​ພື້ນທີ່​ຄວາມ​ໝັ້ນຄົງ​ຮ່ວມ ​​ເຂດ​ບ້ານ​ປັນ​ມຸນ​ຈອມ ຂອງ ສປປ ​ເກົາຫລີ ​ໃນ​ການ​ພົບ​ປະ​ຫາລື​ກັບ​ຄະນະ​ເຈົ້າໜ້າ​ທີ່​ຂອງ​ລັດຖະບານ​ພຽງ​ຢາງ ນຳ​ໂດຍ​ທ່ານ ຣີຊອນ​ວອນ ປະທານ​ຄະນະ​ກຳມາ​ທິການ​ລວມຊາດ​ຢ່າງ​ສັນຕິ​ຂອງ ສປປ ​ເກົາຫລີ ​ໃນ​ວັນ​ທີ 29 ມີນາ ​ເພື່ອ​ກຽມ​ຄວາມ​ພ້ອມ​ສຳລັບ​ການ​ພົບ​ປະຫາ​ລື​ຄັ້ງສຳຄັນ​ລະຫວ່າງ​ປະທານາທິບໍດີ ມຸນ ​ແຈ​ອິນ ກັບ​ທ່ານ ກິມ ຈອງ​ອິນ ທີ່​ຈະ​ມີ​ຂຶ້ນ​ໃນ​ວັນ​ທີ 27 ​ເມສາ​ນີ້ ຢູ່​ເຂດ​ປອດ​ທະຫານ (DMC).

- korea 300x171 - ສອງເກົາຫລີພົບປະຫາລືກຽມ ຄວາມພ້ອມກອງປະຊຸມລະດັບຜູ້ນຳ

- Wave100S AD to Website 2020 0 - ສອງເກົາຫລີພົບປະຫາລືກຽມ ຄວາມພ້ອມກອງປະຊຸມລະດັບຜູ້ນຳ

ທັງ​ນີ້, ທ່ານ ຣີຊອນ​ວອນ ກ່າວ​ໃນ​ກອງ​ປະຊຸມ ​ສະ​ແດງ​ຄວາມ​ຍ້ອງຍໍ​ທິດ​ທາງ​ການ​ພົວພັນ​ລະຫວ່າງ​ສອງ​ເກົາຫລີ​ທີ່​ດີ​ຂຶ້ນຫລາຍ​ນັບ​ແຕ່​ຕົ້ນປີ​ນີ້ ​ໂດຍ​ສະ​ເພາະ​ໃນ​​ໄລຍະ​ຂອງ​ການ​ແຂ່ງຂັນ​ໂອ​ແລັມປິກ​ລະດູ​ໜາວ ຢູ່​ເມືອງ​ພາຍ​ອງຊັງຂອງ ສ.​ເກົາຫລີ ​ເປັນ​ເຈົ້າພາບ ​ໃນ​ເດືອນ​ກຸມພາ​ຜ່ານ​ມາ ​ແລະ ຫວັງ​ເປັນ​ຢ່າງ​ຍິ່ງ​ວ່າການ​ພົບ​ປະ​ຫາລື​ລະຫວ່າງ​ຜູ້ນຳ​ຂອງ​ທັງ​ສອງ​ປະ​ເທດ ຈະ​ເປັນ​ການ​ປູ​ທາງ​ສູ່ “ການ​ເຕີມ​ເຕັມ​ຄວາມ​ຫວັງ ​ແລະ ຄວາມ​ປາຖະໜາ” ຂອງ​ທັງ​ສອງ​ຝ່າຍ. ຂະນະ​ທີ່​ທ່ານ ​ໂຊ​ ມາ​ຢອງ​ຢອນ ກ່າວ​ວ່າ: ກອງ​ປະຊຸມ​ລະຫວ່າງ​ຜູ້ນຳ ສ.​ເກົາຫລີ ​​ແລະ ຜູ້ນຳ ສປປ ​ເກົາຫລີ ​ໃນ​ຄັ້ງນີ້ ຈະ​ເປັນ​ການ​ຫາລື​ທີ່ “ປະສົບ​ຜົນສຳ​ເລັດ” ຕໍ່​ເນື່ອງ​ຈາກ​ສະຖານະ​ການ​ປັດຈຸບັນ ​ເຊິ່ງ​ເປັນ​ຜົນ​ຈາກ​ການ​ຕັດສິນ​ໃຈ​ໂດຍ​ລັດຖະບານ​ທັງ​ສອງ​ປະ​ເທດ ​ໂດຍ​ກອງ​ປະຊຸມ​ຄັ້ງນີ້​ຈະ​ເປັນຄັ້ງທີ 3 ຕໍ່​ຈາກ​ການ​ພົບ​ປະ​ຫາລື​ລະຫວ່າງ​ທ່ານ ກິມ ຈອງ​ອິນ ກັບ​ປະທານາທິບໍດີ ກິມ ​ແດ​ຈຸ​ງ ​ໃນ​ປີ 2003 ​ແລະ ປະທານາທິບໍດີ ​ໂນ ມູຮາ​ຢອນ ​ໃນ​ປີ 2007.

- WhatsApp Image 2020 05 27 at 5 - ສອງເກົາຫລີພົບປະຫາລືກຽມ ຄວາມພ້ອມກອງປະຊຸມລະດັບຜູ້ນຳ
error: Alert: Content is protected !!