ຣີລ ມາດຣິດ ຕັ້ງຄ່າຕົວ ເບລ 88 ລ້ານປອນ
ສື່ດັງລະບຸ ຣີລ ມາດຣິດ ຈະບໍ່ຂາຍ ແກເຣທ ເບລ ປີກຈະຫລວດ ໃນລາຄາທີ່ຕໍ່າກວ່າ 88 ລ້ານປອນ ເຖິງວ່ານັກເຕະມີບັນຫາບາດເຈັບລົບກວນຢ່າງຕໍ່ເນື່ອງກໍຕາມ.
ຣີລ ມາດຣິດ ຍອດສະໂມສອນບານເຕະໃນ ລາລີກາ ສະເປນ ຈະບໍ່ປ່ອຍ ແກເຣທ ເບລ ປີກຄວາມໄວສູງຊາວເວລ ອອກຈາກທີມ ຍົກເວັ້ນມີສະໂມສອນໃດພ້ອມຈ່າຍເງິນ 88 ລ້ານປອນ ມາແລກ. ຕາມລາຍງານຈາກ ອາສ ສື່ກິລາຊັ້ນນຳຂອງສະເປນ.
ດາວເຕະທີມຊາດເວລ ອາຍຸ 28 ປີ ມີຂ່າວໄດ້ຮັບຄວາມສົນໃຈຈາກ ແມນເຊັສເຕີ ຢູໄນເຕັດ ລວມທັງຕົ້ນສັງກັດເກົ່າ ທ໊ອດແນມ ຮ໊ອດສະເປີ ເຖິງວ່າ ເບລ ມີບັນຫາບາດເຈັບລົບກວນຢ່າງຕໍ່ເນື່ອງ ແຕ່ຫລ້າສຸດ ອາສ ບະລຸວ່າ ຣີລ ມາດຣິດ ຈະບໍ່ຂາຍ ເບລ ໃນລາຄາຕໍ່າກວ່າ 88 ລ້ານປອນ ເນື່ອງຈາກພວກເຂົາຕ້ອງການສ້າງກຳໄລຫລັງຈາກທີ່ຊື້ ເບລ ມາຈາກ ສະເປີ ໃນຄ່າຕົວ 85 ລ້ານປອນ ໃນປີ 2013.
