ປີໃໝ່ຫ້າມຂຶ້ນໂຕະຟ້ອນແອະຟ້ອນແອ່ນຕາມຖະໜົນ

- 52222 2 - ປີໃໝ່ຫ້າມຂຶ້ນໂຕະຟ້ອນແອະຟ້ອນແອ່ນຕາມຖະໜົນ
- Untitled design - ປີໃໝ່ຫ້າມຂຶ້ນໂຕະຟ້ອນແອະຟ້ອນແອ່ນຕາມຖະໜົນ

ໂດຍ: ທ່ຽງທຳ

ສະບາຍດີ, ເພື່ອນຜູ້ອ່ານ ທີ່ ຮັກແພງ, ຫລາຍຄົນກໍຈະໄດ້ ອ່ານ ແລ້ວກ່ຽວກັບແຈ້ງການ ຂອງ ຫ້ອງວ່າການສຳນັກງານນາຍົກ ລັດຖະມົນຕີກ່ຽວກັບການ ຫລິ້ນສົງການປີນີ້, ນອກຈາກ ເພິ່ນໄດ້ເນັ້ນໃຫ້ເອົາໃຈໃສ່ຮັກສາ ຄວາມສະຫງົບປອດໄພ, ຄວາມ ເປັນລະບຽບຮຽບຮ້ອຍ, ຮັກສາ ມູນເຊື້ອວັດທະນະທຳ ແລະ ຮີດ ຄອງປະເພນີອັນດີງາມຂອງຊາດ ແລະ ສະຫລອງດ້ວຍຄວາມປະ ຢັດມັດທະຍັດ, ບໍ່ປະພຶດສິ່ງລາ ມົກອານາຈານ ແລະ ເຮັດແນວ ໃດ ໃຫ້ສະເຫລີມສະຫລອງປີໃໝ່ ລາວນີ້ຕິດພັນກັບການສົ່ງເສີມປີ ທ່ອງທ່ຽວລາວ 2018 ໃຫ້ມີບັນ ຍາກາດຟົດຟື້ນ, ສາມາດດຶງດູດ ແລະ ສ້າງສິ່ງປະທັບໃຈໃຫ້ຜູ້ມາ ທ່ຽວມາຊົມເຫັນແລ້ວຢາກກັບ ມາອີກ.

ເພື່ອບັນລຸຄາດໝາຍດ່ັງ ກ່າວ ພວກເຮົາທຸກຄົນຕ້ອງເປັນ ເຈົ້າການ, ໂດຍສະເພາະແມ່ນ ການອານຸລັກຮັກສາຮີດຄອງປະ ເພນີ ແລະ ວັດທະນະທຳອັນດີ ງາມຂອງຊາດເຮົາ, ບໍ່ແມ່ນຈະ ໄປສະຫລອງກັນດ້ວຍຄວາມມືນ ເມົາ, ຟູມເຟືອຍເອົາເຫລົ້າເອົາເບຍ ມາຕັ້ງໂຕະຕັ້ງວົງກັນຂຶ້ນຕາມ ແຄມຖະໜົນຫົນທາງຕ່າງໆ ເມົາ ແລ້ວບໍ່ຈັກວ່າຜູ້ຍິງ-ຜູ້ຊາຍປີນໂຕະ ຂຶ້ນເຕັ້ນເຢາະເຕັ້ນຢ່ອງ, ປິ້ນຂ້ວມ ປີ້ນງາຍຢ່າງໄຮ້ສາລະດັ່ງພວກ ເຮົາເຄີຍເຫັນຢູ່ໃນສົງການຫລາຍ ປີຜ່ານມາ, ໂດຍສະເພາະແມ່ນຢູ່ ກະໂຕນະຄອນຫລວງເຮົາຕາມ ເສັ້ນທາງຫລັກໆຄື: ສາມແສນ ໄທ, ໄຊເສດຖາ, ຈົນເກືອບຈະ ບໍ່ ນຳໃຊ້ເຂົ້າໃນການຈະລາຈອນ ໄດ້, ມູມໃດ, ແຈໃດກໍມີເສບມີງັນ ມີການຊີດນ້ຳຫົດສົງກັນ ຢ່າງທໍ ລະຫົດ, ເບິ່ງແລ້ວມັນບໍ່ແມ່ນວັດ ທະນະທຳເຮົາເລີຍ, ໃຜໆມາເຫັນ ກໍຈົນໄດ້ແກ່ວງຫົວນຳ… ດັ່ງນັ້ນ ໃນປີນີ້ພວກເຮົາຕ້ອງມີການກະ ກຽມແຕ່ຫົວທີເພື່ອບໍ່ໃຫ້ມີການ ປະພືດແບບລາມົກອານາຈານ, ນຸ່ງໜ້ອຍ, ນຸ່ງນ້ອຍ, ນຸ່ງເຂີນ ແລະ ປີນໂຕະປິນຕັ່ງຂຶ້ນມາເຕັນເຢາະ ເຕັ້ນຢ່ອງນັ້ນອີກ. ແຕ່ຢາກໄດ້ ແນວນີ້ເບື້ອງອຳນາດການປົກ ຄອງ ແລະ ກຳລັງເຈົ້າໜ້າທີ່ກ່ຽວ ຂ້ອງຕ້ອງໄດ້ມີຄວາມເຂັ້ມງວດຈັດຕັ້ງປະຕິບັດແຈ້ງການດັ່ງກ່າວ ຂອງສຳນັກງານນາຍົກລັດຖະ ມົນຕີໃຫ້ມີປະສິດທິຜົນຍິ່ງຂຶ້ນ./.

+ ນະຄອນຫລວງຫ້າມປະພຶດລາມົກອານາຈານໃນໂອກາດສະຫລອງປີໃໝ່ລາວ

- Wave100S AD to Website 2020 0 - ປີໃໝ່ຫ້າມຂຶ້ນໂຕະຟ້ອນແອະຟ້ອນແອ່ນຕາມຖະໜົນ

+ ປີໃໝ່ນີ້ນະຄອນຫລວງຈະສູ້ຊົນໃຫ້ເສດຖະກິດຂະຫຍາຍຕົວບໍ່ຫລຸດ 10,5%

 

- WhatsApp Image 2020 05 27 at 5 - ປີໃໝ່ຫ້າມຂຶ້ນໂຕະຟ້ອນແອະຟ້ອນແອ່ນຕາມຖະໜົນ
- WhatsApp Image 2020 05 27 at 5 - ປີໃໝ່ຫ້າມຂຶ້ນໂຕະຟ້ອນແອະຟ້ອນແອ່ນຕາມຖະໜົນ
error: Alert: ເນື້ອຫາຂ່າວມີລິຂະສິດ !!