ມອບ-ຮັບໜ້າທີ່ເລຂາພັກເມືອງ-ເຈົ້າເມືອງຫ້ວຍຊາຍ

- Bokeo 28 - ມອບ-ຮັບໜ້າທີ່ເລຂາພັກເມືອງ-ເຈົ້າເມືອງຫ້ວຍຊາຍ
- Untitled design - ມອບ-ຮັບໜ້າທີ່ເລຂາພັກເມືອງ-ເຈົ້າເມືອງຫ້ວຍຊາຍ

ພິທີມອບ-ຮັບໜ້າທີ່ ເລຂາ ພັກ ເມືອງ, ເຈົ້າເມືອງ ຫ້ວຍ ຊາຍ ແຂວງບໍ່ແກ້ວລະຫວ່າງ ຜູ້ເກົ່າ ແລະ ຜູ້ໃໝ່ໄດ້ມີຂຶ້ນໃນ ວັນທີ 27 ມີນານີ້ ທີ່ຫ້ອງວ່າ ການປົກຄອງເມືອງຫ້ວຍຊາຍ ໂດຍ ການເຂົ້າຮ່ວມຂອງ ທ່ານ ຄຳພັນ ເຜີຍຍະວົງ ກຳມະການ ສູນ ກາງພັກ, ເລຂາພັກ ແຂວງ, ເຈົ້າແຂວງໆບໍ່ແກ້ວ, ຕາມມະ ຕິຕົກລົງຂອງຄະນະປະຈຳພັກ ແຂວງບໍ່ແກ້ວ ສະບັບເລກທີ 170 ແລະ 171 / ຄປພຂ ລົງ ວັນທີ 7 ມີນາ 2018 ວ່າ ດ້ວຍ ການແຕ່ງຕັ້ງ, ຍົກຍ້າຍພະນັກ ງານໄປຮັບໜ້າທີ່ໃໝ່ຈຳນວນ 2 ສະຫາຍຄື ສະຫາຍ ສິງທອງ ວິລະສຸກ ເລຂາພັກເມືອງ, ເຈົ້າເມືອງຫ້ວຍຊາຍ ຜູ້ເກົ່າ ໄປຮັບໜ້າທີ່ໃໝ່ເປັນຮອງ ປະທານແນວລາວສ້າງຊາດ ແຂວງບໍ່ແກ້ວ ແລະ ສະຫາຍ ຄຳແປງ ໃຈຍະສັກ ຄະນະປະ ຈຳພັກແຂວງ, ຫົວໜ້າຄະນະ ໂຄສະນາອົບຮົມ ແຂວງບໍ່ແກ້ວ ໄປຮັບໜ້າທີ່ໃໝ່ເປັນເລຂາພັກ ເມືອງ, ເຈົ້າເມືອງຫ້ວຍຊາຍ ຄົນໃໝ່.

 

+ ມອບ-ຮັບ ແລະ ເປີດນໍາໃຊ້ສູນຝຶກອົບຮົມພະນັກງານຄຸ້ມຄອງວິທະຍາສາດ ແລະ ເຕັກໂນໂລຊີຂອງລາວ

+ ປ່ຽນຄະນະບໍລິຫານງານ ຄພລ ຊຸດທີ III ຮັບໜ້າທີ່ລະຫວ່າງປີ 2017-2020

- Wave100S AD to Website 2020 0 - ມອບ-ຮັບໜ້າທີ່ເລຂາພັກເມືອງ-ເຈົ້າເມືອງຫ້ວຍຊາຍ

ໂອກາດນີ້, ສະຫາຍ ປະລິນຍາເອກ ຄຳພັນ ເຜີຍ ຍະວົງ ໄດ້ມີຄຳເຫັນສະແດງ ຄວາມຍ້ອງຍໍຊົມເຊີຍ ແລະ ຍົກ ສູງຕໍ່ຜົນງານ, ຜົນສຳເລັດແຫ່ງ ການຊີ້ນຳໆພາຂອງ ສະຫາຍ ສິງທອງ ວິລະສຸກ ຕະຫລອດ ໄລຍະການດຳລົງຕຳແໜ່ງ ເລຂາພັກເມືອງ, ເຈົ້າເມືອງ ຫ້ວຍຊາຍ ເນັ້ນໜັກໃຫ້ທັງ ສອງສະຫາຍ ຈົ່ງຮີບຮ້ອນ ສືບຕໍ່ຈັດກອງປະຊຸມມອບ- ຮັບວຽກງານອັນລະອຽດ ພ້ອມທັງສືບຕໍ່ຈັດຕັ້ງປະຕິບັດ ໜ້າທີ່ການເມືອງອັນໃໝ່ ຂອງ ຕົນໃຫ້ມີຜົນສຳເລັດອັນໃຫຍ່ ຫລວງກວ່າເກົ່າ ຮຽກຮ້ອງໃຫ້ ອົງຄະນະພັກເມືອງ ຈົ່ງພ້ອມ ກັນໃຫ້ການຮ່ວມມືກັບເລຂາ ພັກເມືອງຄົນໃໝ່, ເອົາໃຈໃສ່ ປັບປຸງແບບແຜນວິທີເຮັດວຽກ, ລະບົບການເມືອງຂອງອົງຄະ ນະພັກເມືອງ, ແກ້ໄຂບັນຫາປະ ກົດການຫຍໍ້ທໍ້, ຂໍ້ຄົງຄ້າງຂອງ ພະນັກງານ-ສະມາຊິກພັກ, ເປັນສຳຄັນຕິດພັນກັບວຽກ ງານປ້ອງກັນຊາດ-ປ້ອງກັນ ຄວາມສະຫງົບສົມທົບກັບ ພາກສ່ວນກ່ຽວຂ້ອງລົງສຸກ ຍູ້ສົ່ງເສີມວຽກງານກໍ່ສ້າງ ຮາກຖານການເມືອງ, ພັດ ທະນາຊົນນະບົດ ແລະ ລຶບ ລ້າງຄວາມທຸກຍາກຕິດພັນ ກັບວຽກງານ 3 ສ້າງ, ຍົກ ສູງວຽກງານສ້າງຄວາມ ເຂັ້ມແຂງໃຫ້ສະມາຊິກພັກ, ປັບປຸງອົງການປົກຄອງ ແລະ 5 ໜ່ວຍງານການບໍລິຫານ ແຕ່ຂັ້ນຮາກຖານບ້ານຂຶ້ນມາ, ຊຸກຍູ້ສົ່ງເສີມການຜະລິດເປັນ ສິນຄ້າ ໃຫ້ມີຫລາຍສີສັນ ແລະ ຍືນຍົງ. ພ້ອມນັ້ນໃຫ້ກະ ກຽມຈັດງານເທສະການບຸນ ປີໃໝ່ລາວ ແລະ ກອງປະຊຸມ ໃຫຍ່ອົງຄະນະພັກເມືອງ ຫ້ວຍຊາຍຄັ້ງທີ VII ໃຫ້ໄດ້ ຮັບຜົນສຳເລດຕາມຄາດ ໝາຍເສີມຂະຫຍາຍມູນເຊື້ອ ຄວາມສາມັກຄີເປັນເອກະ ພາບພາຍໃນໃຫ້ມີຄວາມ ໜັກ ແໜ້ນເຂັ້ມແຂງຍິ່ງຂຶ້ນ./.

- Bokeo 28 - ມອບ-ຮັບໜ້າທີ່ເລຂາພັກເມືອງ-ເຈົ້າເມືອງຫ້ວຍຊາຍ

- WhatsApp Image 2020 05 27 at 5 - ມອບ-ຮັບໜ້າທີ່ເລຂາພັກເມືອງ-ເຈົ້າເມືອງຫ້ວຍຊາຍ
- WhatsApp Image 2020 05 27 at 5 - ມອບ-ຮັບໜ້າທີ່ເລຂາພັກເມືອງ-ເຈົ້າເມືອງຫ້ວຍຊາຍ
error: Alert: ເນື້ອຫາຂ່າວມີລິຂະສິດ !!