ງານແຂ່ງຂັນສີມືແຮງງານແຫ່ງຊາດ ຄັ້ງທີ III ຈະ​ຈັດ​ຂຶ້ນໃນວັນທີ 30 ມີນານີ້

- Labour Competion - ງານແຂ່ງຂັນສີມືແຮງງານແຫ່ງຊາດ ຄັ້ງທີ III ຈະ​ຈັດ​ຂຶ້ນໃນວັນທີ 30 ມີນານີ້
- Untitled design - ງານແຂ່ງຂັນສີມືແຮງງານແຫ່ງຊາດ ຄັ້ງທີ III ຈະ​ຈັດ​ຂຶ້ນໃນວັນທີ 30 ມີນານີ້

 ຂະ​ແໜງ​ການ​ກ່ຽວຂ້ອງ​ລາຍ​ງານ​ວ່າ: ການແຂ່ງຂັນສີມືແຮງງານແຫ່ງຊາດ ຄັ້ງທີ III ຈະຈັດຂຶ້ນຢ່າງເປັນທາງການ ໃນວັນທີ 30 ມີນາ ຫາ 6 ເມສາ 2018 ນີ້ ໂດຍຈະມີຜູ້ເຂົ້າຮ່ວມແຂ່ງຂັນ ທັງພາກລັດ ແລະ ເອກະຊົນ ຈຳນວນ 64 ຄົນ ທີ່ມາຈາກ 14 ພາກສ່ວນ, ໃນນັ້ນ ຈະແຂ່ງຂັນຢູ່ 7 ຈຸດ​ໃນ 7 ສາຂາວິຊາຊ່າງຄື: ສາຂາວິຊາຊ່າງຕັດຫຍິບເຄື່ອງນຸ່ງ, ວິຊາຊ່າງກໍ່, ຊ່າງປຸງແຕ່ງອາຫານ, ຊ່າງຕິດຕັ້ງໄຟຟ້າໃນອາຄານ, ຊ່າງໄມ້ເຄື່ອງເຮືອນ, ຊ່າງເຕັກໂນໂລຊີ ອອກແບບກຣາຟິກ ແລະ ຊ່າງຈອດໂລຫະ​ເປັນຕົ້ນ.

ທ່ານ ບຸນຄົງ ຫລ້າສຸກັນ ຮອງລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ທັງເປັນປະທານຄະນະກຳມະການຈັດຕັ້ງການແຂ່ງຂັນສີມືແຮງງານແຫ່ງຊາດ ຄັ້ງທີ III ແລະ ກະກຽມເຂົ້າຮ່ວມການແຂ່ງຂັນສີມືແຮງງານອາຊຽນ ຄັ້ງທີ XII ໄດ້ຖະແຫລງຕໍ່ສື່ມວນຊົນ ໃນວັນທີ 28 ມີນານີ້ວ່າ:  ການແຂ່ງຂັນສີມືແຮງງານແຫ່ງຊາດຄັ້ງນີ້ ​ແມ່ນແນໃສ່ສົ່ງເສີມການຝຶກວິຊາຊີບ ແລະ ພັດທະນາສີມືແຮງງານໃຫ້ກຳລັງແຮງງານລາວມີທັກສະ ແລະ ມີລະດັບສີມືທີ່ໄດ້ມາດຕະຖານ ເພື່ອຕອບສະໜອງຄວາມຕ້ອງການຂອງຕະຫລາດແຮງງານທັງພາຍໃນ ແລະ ຕ່າງປະເທດ, ທັງສາມາດປະກອບອາຊີບດ້ວຍຕົນເອງ ເພື່ອສ້າງວຽກເຮັດງານທຳທີ່ໝັ້ນຄົງ ແລະ ມີລາຍໄດ້ເພີ່ມຂຶ້ນ, ທັງເປັນການປະກອບສ່ວນເຂົ້າໃນການພັດທະນາເສດຖະກິດ-ສັງຄົມແຫ່ງຊາດໃຫ້ຂະຫຍາຍຕົວຢ່າງຕໍ່ເນື່ອງ ແລະ ມີຄວາມໜັກແໜ້ນເຂັ້ມແຂງຍິ່ງໆຂຶ້ນ. ພ້ອມດຽວກັນນີ້, ຍັງເປັນການຄັດເລືອກເອົານັກແຂ່ງຂັນທີ່ມີສີມືແຮງງານໜຸ່ມນ້ອຍ ເຂົ້າເປັນທີມຊາດຂອງລາວ ເຂົ້າຮ່ວມການແຂ່ງຂັນສີມືແຮງງານອາຊຽນ ຄັ້ງທີ XII ທີ່ຈະຈັດຂຶ້ນໃນທ້າຍເດືອນສິງຫາຫາຕົ້ນເດືອນກັນຍາ 2018 ທີ່ປະເທດໄທເປັນເຈົ້າພາບ.

ທ່ານ ບຸນຄົງ ຫລ້າສຸກັນ ໃຫ້ຮູ້ຕື່ມວ່າ: ການຈັດການແຂ່ງຂັນຄັ້ງນີ້ ຍັງເປັນການປະເມີນມາດຕະຖານຂອງນັກແຂ່ງຂັນ, ບັນດາຄູຝຶກ ລວມທັງຫລັກສູດການຝຶກວິຊາຊີບ ແລະ ພັດທະນາສີມືແຮງງານ ໂດຍການໝູນໃຊ້ຫົວບົດທົດສອບແຂ່ງຂັນລະດັບອາຊຽນມາປັບປຸງສູ່ສະພາບຄວາມເປັນຈິງຂອງປະເທດເຮົາ ແລະ ຍັງເປັນຫົວບົດທົດສອບການແຂ່ງຂັນສີມືແຮງງານລະດັບຊາດ ເພື່ອສືບຕໍ່ປັບປຸງ ແລະ ພັດທະນາຫລັກສູດການຝຶກອົບຮົມ ແລະ ການພັດທະນາສີມືແຮງງານຢູ່ປະເທດເຮົາໃຫ້ສອດຄ່ອງກັບການປ່ຽນແປງທາງດ້ານເຕັກໂນໂລຊີໃນແຕ່ລະໄລຍະຕາມຄວາມຕ້ອງການຂອງຕະຫລາດແຮງງານພາຍໃນ ແລະ ຕ່າງປະເທດ.

- Wave100S AD to Website 2020 0 - ງານແຂ່ງຂັນສີມືແຮງງານແຫ່ງຊາດ ຄັ້ງທີ III ຈະ​ຈັດ​ຂຶ້ນໃນວັນທີ 30 ມີນານີ້

 

- WhatsApp Image 2020 05 27 at 5 - ງານແຂ່ງຂັນສີມືແຮງງານແຫ່ງຊາດ ຄັ້ງທີ III ຈະ​ຈັດ​ຂຶ້ນໃນວັນທີ 30 ມີນານີ້
- WhatsApp Image 2020 05 27 at 5 - ງານແຂ່ງຂັນສີມືແຮງງານແຫ່ງຊາດ ຄັ້ງທີ III ຈະ​ຈັດ​ຂຶ້ນໃນວັນທີ 30 ມີນານີ້
error: Alert: ເນື້ອຫາຂ່າວມີລິຂະສິດ !!