ຄຳມ່ວນ-ນະຄອນພະນົມ ຈັດງານຕະຫລາດນັດ ສາຍສຳພັນລາວ-ໄທ

- khammuan thai exhibition - ຄຳມ່ວນ-ນະຄອນພະນົມ ຈັດງານຕະຫລາດນັດ ສາຍສຳພັນລາວ-ໄທ
- Untitled design - ຄຳມ່ວນ-ນະຄອນພະນົມ ຈັດງານຕະຫລາດນັດ ສາຍສຳພັນລາວ-ໄທ

ແຂວງຄຳມ່ວນ ແລະ ຈັງຫວັດນະຄອນພະນົມ ລາຊະ​ອານາຈັກ​ໄທ ໄດ້ຮ່ວມກັນຈັດງານວາງສະແດງ ແລະ ຈຳໜ່າຍສິນຄ້າ (ກຸ່ມSANUK ແລະ ປະກວດລຳມະຫາໄຊ ປະຈຳປີ 2018) ເຊິ່ງເປັນກິດຈະກຳໜຶ່ງທີ່ສຳຄັນ ແລະ ເພື່ອເປີດໂອກາດໃຫ້ທຸກພາກສ່ວນວິສາຫະກິດຂະໜາດນ້ອຍ ແລະ ກາງ, ກຸ່ມຜູ້ຜະລິດສິນຄ້າໂອດ໋ອບ-ໂອທ໋ອບຂອງ ສປປ ລາວ ​ແລະ ໄທ ຕະຫລອດຮອດປະຊາຊົນແຂວງຄໍາມ່ວນ ແລະ ແຂວງໃກ້ຄຽງໄດ້ນຳເອົາຜະລິດຕະພັນຂອງຕົນ ເອງມາສະແດງເພື່ອໂຄສະນາປະຊາສຳພັນ ແລະ ຂາຍເປັນສິນຄ້າ, ເປັນໂອກາດພົບປະແລກປ່ຽນບົດຮຽນເຊິ່ງກັນ ແລະ ກັນ ແລະ ເພື່ອກະຕຸກຊຸກຍູ້ໃຫ້ວຽກງານການຄ້າ, ການລົງທຶນ, ການທ່ອງທ່ຽວ ແລະ ການສົ່ງເສີມແລກປ່ຽນ ວັດທະນະທຳ, ທັງສາມາດເຊື່ອມໂຍງກັບບັນດາປະເທດຕ່າງໆໃນອະນຸພາກພື້ນ (AEC) ກໍຄືສາກົນໃຫ້ນັບມື້ນັບກວ້າງຂວາງ.

ງານວາງສະແດງ ແລະ ຈຳໜ່າຍສິນຄ້າດັ່ງກ່າວໄດ້ກຳນົດເປັນເວ ລາ 5 ວັນ ເລີ່ມແຕ່ວັນທີ 27-31 ມີນາ 2018 ຢູ່ຕະຫລາດຄຳມ່ວນ ເມືອງທ່າແຂກ ເຊິ່ງຈະມີການປະກວດລຳມະຫາໄຊ ອັນ​ເປັນ​ເອກະລັກ​ຂອງແຂວງຄຳມ່ວນ, ການສະແດງສິລະປະ ແລະ ວັດທະນະທຳຂອງສອງປະເທດ ລາວ-ໄທ, ມີກຸ່ມຜູ້ປະກອບກິດຈະການຂະໜາດນ້ອຍ ແລະ ຂະໜາດກາງ SMG  ແລະ ກຸ່ມສິນຄ້າໂອດ໋ອບ ບັນດາແຂວງຕ່າງໆຈາກ ສປປ ລາວ ແລະ ລາຊະອານາຈັກໄທ ຈຳນວນ 40 ຮ້ານ, ​ໃນ​ນັ້ນມີປະເພດສິນຄ້າເຄື່ອງຫັດຖະກຳ-ຈັກສານ, ເຄື່ອງຜ້າຝ້າຍໄຫມລາວ, ຢາສະໝຸນໄພ, ​ເຄື່ອງປຸງແຕ່ງ, ເຄື່ອງເຟີນີເຈີໄມ້ຕົບແຕ່ງພາຍໃນຄົວເຮືອນ ແລະ ອື່ນໆ ລວມມູນຄ່າຫລາຍ​ຮ້ອຍ​ລ້ານ​ກີບ.

ເປັນກຽດເຂົ້າຮ່ວມເປີດງານດັ່ງກ່າວມີທ່ານ ໂອໄດ ສຸດາພອນ ເຈົ້າແຂວງຄຳມ່ວນ , ທ່ານ ປະທີບ ສິດທິກຸນ ຮອງຜູ້ວ່າຣາຊະການຈັງຫວັດນະຄອນພະນົມ ແລະ ພາກສ່ວນທີ່ກ່ຽວຂ້ອງທັງ 2 ປະເທດເຂົ້າຮ່ວມ​ເປັນ​ຈຳນວນ​ຫລາຍ.

- Wave100S AD to Website 2020 0 - ຄຳມ່ວນ-ນະຄອນພະນົມ ຈັດງານຕະຫລາດນັດ ສາຍສຳພັນລາວ-ໄທ
- WhatsApp Image 2020 05 27 at 5 - ຄຳມ່ວນ-ນະຄອນພະນົມ ຈັດງານຕະຫລາດນັດ ສາຍສຳພັນລາວ-ໄທ
- WhatsApp Image 2020 05 27 at 5 - ຄຳມ່ວນ-ນະຄອນພະນົມ ຈັດງານຕະຫລາດນັດ ສາຍສຳພັນລາວ-ໄທ
error: Alert: ເນື້ອຫາຂ່າວມີລິຂະສິດ !!