ນະຄອນຫລວງເລັ່ງຕິດຕັ້ງຈຸດນັ່ງຖ້າ ລົດເມຕາມສາຍທາງຕ່າງໆຕື່ມອີກ 150 ຈຸດ

- 13466051 525211481003565 2642204398397496480 n - ນະຄອນຫລວງເລັ່ງຕິດຕັ້ງຈຸດນັ່ງຖ້າ ລົດເມຕາມສາຍທາງຕ່າງໆຕື່ມອີກ 150 ຈຸດ
- Untitled design - ນະຄອນຫລວງເລັ່ງຕິດຕັ້ງຈຸດນັ່ງຖ້າ ລົດເມຕາມສາຍທາງຕ່າງໆຕື່ມອີກ 150 ຈຸດ

ລົດເມຕາມສາຍທາງຕ່າງໆຕື່ມອີກ 150 ຈຸດ.    ປັດຈຸບັນ, ນະຄອນຫລວງ​ວຽງຈັນກຳລັງ​ເລັ່ງປັບປຸງ​ບ່ອນນັ່ງ​ລໍຖ້າ​ລົດ​ເມ​ຢູ່ຕາມ​ເສັ້ນທາງຕ່າງໆຕື່ມອີກ 150 ຈຸດ, ພາຍຫລັງ​ໄດ້​ລົງມື​ສຳ​ເລັດ​ແລ້ວ​ກວ່າ 60 ຈຸດ​​ເພື່ອ​ເປັນ​ການ​ຮອງ​ຮັບ​ປີ​ທ່ອງ​ທ່ຽວລາວ.

​ໃນ​ໂອກາດ​ເປີດ​ການ​ນຳ​ໃຊ້​ສາລາ​ບ່ອນ​ນັ່ງ​ລໍຖ້າ​ລົດ​ເມ ​ແລະ ງານ​ສະໜັບສະໜູນປີ​ທ່ອງ​ທ່ຽວລາວ​ເມື່ອ​ບໍ່ດົນ​ມານີ້, ທ່ານ ​ແກ້ວ​ພິລາ​ວັນ ອາ​ໄພ​ລາດ ຮອງ​ເຈົ້າ​ຄອງ​ນະຄອນຫລວງ​ວຽງຈັນ ​ໃຫ້​ຮູ້​ວ່າ: ​ໂຄງການ​ກໍ່ສ້າງ​ບ່ອນ​ນັ່ງລໍຖ້າ​ລົດ​ເມ ​ໄດ້​ເລີ່​ມ​ເຮັດ​ການ​ສຳ​ຫລວດ ​ແລະ ດໍາ​ເນີນ​ການກໍ່ສ້າງມາຕັ້ງ​ແຕ່​ຕົ້ນ​ປີ 2017 ​ໂດ​ຍບໍລິສັດ ບລູກຣາດ໌ ດີ​ຊາຍ ກຣຸບ ຈຳກັດ​ຜູ້ດຽວ ​ເປັນ​ຜູ້​ຮັບຜິດ​ຊອບຄ່າ​ໃຊ້​ຈ່າຍ​ທັງໝົດ​ໃນ​ການກໍ່ສ້າງ ​ແລະ ​ເປັນ​ການ​ຊ່ວຍ​ເຫລືອ​ລ້າ​ໃຫ້​ແກ່​ລັດຖະບານ​, ​ໂດຍ​ໂຄງການ​ດັ່ງກ່າວ​ໄດ້​ຖືກ​ຕິດຕາມ ​ແລະ ກວດກາ ຈາ​ກອົງການ​ປົກຄອງ​ນະຄອນຫລວງ​ວຽງຈັນ, ພະ​ແນ​ກ ຍທຂ, ລັດ​ວິ​ສາ​ຫະກິດ​ລົດ​ເມ ​ແລະ ອົງການ JICA ​ເພື່ອແນໃສ່​ສ້າງ​ຄວາມ​ສະດວກ​ໃຫ້​ແກ່​ຜູ້​ໃຊ້​ບໍລິການ​ລົດ​ເມ​ຕາມ​ເສັ້ນທາງ​ຫລວງ​ໄດ້​ມີ​ບ່ອນ​ນັ່ງ​ລໍຖ້າ​ທີ່​ເປັນ​ລະບຽບຮຽບຮ້ອຍ ​ແລະ ສ້າງ​ໂສມໜ້າ​​ໃໝ່​ໃຫ້​ແກ່​ຕົວ​ເມືອງ.

ຜູ້​ຮັບຜິດຊອບ​​ໂຄງການດັ່ງກ່າວ ​ໃຫ້​ຮູ້​ວ່າ: ​ໃນ​ປີຜ່ານ​ມາ, ​ໄດ້​ນຳ​ເຂົ້າສາລາ​ບ່ອນ​ນັ່ງ​ລໍຖ້າ​ລົດ​ເມ​ທັງໝົດ 60 ຊຸດ ​ແລະ ປ້າຍຈອດ​ລົດ​ເມ 100 ປ້າຍ, ປັດຈຸບັນ​ໄດ້​ກໍ່ສ້າງ​ສຳ​ເລັດແລ້ວ 60 ຈຸດ​ຕາມ​ເສັ້ນທາງ​ຕະຫລາດ​ເຊົ້າ-ວັດ​ໄຕ, ຕະຫລາດ​ເຊົ້າ-ດົງ​ໂດກ, ຕະຫລາດ​ເຊົ້າ-ທ່າ​ເດື່ອ ​ແລະ ​ເສັ້ນທາງ​ອື່ນໆ, ລວມມູນ​ຄ່າ 4 ຕື້ກວ່າ​ກີບ, ​ໃນ​ປີນີ້ຈະ​ເລັ່ງ​ໃຫ້​ສຳ​ເລັດ​ໃຫ້​ຄົບ​ຕາມ 105 ຈຸດ ​ແລະ ຕິດ​ປ້າຍຈອດ​ລົດ​ເມຕາມ​ຄຳ​ແນະນຳ​ຂອງອົງການ JICA. ພ້ອມ​ດຽວກັນ​ນັ້ນ ​ຍັງ​ໄດ້​ມີ​ການ​ຕິດ​ປ້າຍ​ຄຳ​ຂວັນ​ໂຄສະນາ​ປະຊາສຳພັນປີ​ທ່ອງທ່ຽວລາວ 2018 ຕາມ​ເສັ້ນທາງ ​ແລະ ຈຸດ​ບ່ອນ​ນັ່ງ​ລໍຖ້າ​ລົດ​ເມ​ໃຫ້​ແກ່ມ​ວນຊົນ ​ແລະ ນັກ​ທ່ອງ​ທ່ຽວໄດ້ຮັບຮູ້ເຂົ້າໃຈ

- Wave100S AD to Website 2020 0 - ນະຄອນຫລວງເລັ່ງຕິດຕັ້ງຈຸດນັ່ງຖ້າ ລົດເມຕາມສາຍທາງຕ່າງໆຕື່ມອີກ 150 ຈຸດ
- WhatsApp Image 2020 05 27 at 5 - ນະຄອນຫລວງເລັ່ງຕິດຕັ້ງຈຸດນັ່ງຖ້າ ລົດເມຕາມສາຍທາງຕ່າງໆຕື່ມອີກ 150 ຈຸດ
- WhatsApp Image 2020 05 27 at 5 - ນະຄອນຫລວງເລັ່ງຕິດຕັ້ງຈຸດນັ່ງຖ້າ ລົດເມຕາມສາຍທາງຕ່າງໆຕື່ມອີກ 150 ຈຸດ
error: Alert: ເນື້ອຫາຂ່າວມີລິຂະສິດ !!