ງານສະເຫລີມສະຫລອງວັນໄມ້ໂລກ 2018 ເປີດຢ່າງເປັນທາງການແລ້ວ

- exhibition - ງານສະເຫລີມສະຫລອງວັນໄມ້ໂລກ 2018 ເປີດຢ່າງເປັນທາງການແລ້ວ
- Untitled design - ງານສະເຫລີມສະຫລອງວັນໄມ້ໂລກ 2018 ເປີດຢ່າງເປັນທາງການແລ້ວ

ງານສະເຫລີມສະຫລອງວັນໄມ້ໂລກເປີດຂື້ນຢ່າງເປັນທາງການແລ້ວຢູ່ທີ່ນະຄອນຫລວງວຽງຈັນ, ພາຍໃຕ້ການເປັນປະທານຂອງທ່ານ ພັນຄຳ ວິພາວັນ ຮອງປະທານປະເທດແຫ່ງ ສປປ ລາວ, ພ້ອມດ້ວຍທ່ານຮອງປະທານສະພາແຫ່ງຊາດ, ປະທານສະມາຄົມວັດທະນະທຳໄມ້ສາກົນ, ບັນດາທ່ານລັດຖະມົນຕີ, ຮອງລັດຖະມົນຕີ, ບັນດາທ່ານທູດທູຕານຸທູດ ແລະ ແຂກພາຍໃນ ແລະ ຕ່າງປະເທດ 21 ປະເທດຈາກ 5 ທະວີບເຂົ້າຮ່ວມຢ່າງຫລວງຫລາຍ. ທ່ານ ລຽນ ທິແກ້ວ ລັດຖະມົນຕີກະຊວງກະສິກຳ ແລະ ປ່າໄມ້ແຫ່ງ ສປປ ລາວ ກ່າວວ່າ: ການຈັດງານຄັ້ງນີ້ມີຈຸດປະສົງຕົ້ນຕໍຄື: ຍົກໃຫ້ເຫັນຄວາມສຳຄັນຂອງໄມ້ທີ່ເປັນຊີວະວັດຖຸຫນຶ່ງທີ່ສາມາດທົດແທນຄືນທີ່ຟື້ນຟູຄືນໄດ້ໂດຍທຳມະຊາດ ແລະ ມີບົດບາດສຳຄັນຕໍ່ການປົກປັກຮັກສາສິ່ງແວດລ້ອມ, ທັງເປັນການປູກຈິດສຳນຶກໃຫ້ເຫັນໄດ້ບົດບາດສຳຄັນຂອງໄມ້ຢູ່ໃນໂລກຕິດພັນກັບການຄຸ້ມຄອງປົກປັກຮັກສາປ່າໄມ້, ການອະນຸລັກຊີວະນາໆພັນ ແລະ ປ່າໄມ້ໃຫ້ມີຄວາມຍືນຍົງ. ການຈັດງານສະເຫລີມສະຫລອງຄັ້ງນີ້ແມ່ນຈະໄດ້ຈັດຂຶ້ນນັບແຕ່ 29 ຫາ 31 ມີນາ 2018 ນີ້, ທີ່ສູນການຄ້າລາວໄອເຕັກ, ນະຄອນຫລວງວຽງຈັນ, ໂດຍການເປັນເຈົ້າພາບຮ່ວມລະຫວ່າງລັດຖະບານລາວກັບມູນນິທິວັນໄມ້ໂລກ ເນື້ອໃນສຳຄັນໃນງານສະຫລອງວັນໄມ້ໂລກນີ້ຈະມີການສະແດງສິລະປະວັນນະຄະດີຂອງລາວ ແລະ ສາກົນ, ສະແດງແກະສະຫລັກແລະ ສ່ຽນໄມ້ຂອງບັນດາຊ່າງໄມ້ຈາກປະເທດຕ່າງໆ, ງານປູກຕົ້ນໄມ້ທີ່ລະນຶກ100 ຕົ້ນ,ງານສະແດງສິນລະປະດົນຕີທີ່ເຮັດດ້ວຍໄມ້ຈາກ 5 ທະວີບ, ງານປູກຈິດສຳນຶກໃຫ້ນ້ອງນ້ອຍເຍົາວະຊົນໃຫ້ຮູ້ຈັກຄວາມຫມາຍຄວາມສຳຄັນຂອງໄມ້.

- Wave100S AD to Website 2020 0 - ງານສະເຫລີມສະຫລອງວັນໄມ້ໂລກ 2018 ເປີດຢ່າງເປັນທາງການແລ້ວ
- WhatsApp Image 2020 05 27 at 5 - ງານສະເຫລີມສະຫລອງວັນໄມ້ໂລກ 2018 ເປີດຢ່າງເປັນທາງການແລ້ວ
- WhatsApp Image 2020 05 27 at 5 - ງານສະເຫລີມສະຫລອງວັນໄມ້ໂລກ 2018 ເປີດຢ່າງເປັນທາງການແລ້ວ
error: Alert: ເນື້ອຫາຂ່າວມີລິຂະສິດ !!