Samsung ປະກາດ Android Oreo ກຽມອັບເດດກັບທຸກ S8 ແລະ Note 8 ໃນໄວໆນີ້

Android 8.0 Oreo ໄດ້ອອກມາເລົ່າເລື່ອງຂອງ Samsung  ໄດ້ໄລຍະໜຶ່ງແລ້ວ ແຕ່ຜູ້ໃຊ້ Note 8 ແລະ S8 ກັບຍັງຕ້ອງເປັນຝ່າຍລໍຖ້າ ແລະ ໃນທີ່ສຸດທາງ Samsung ໄດ້ປະກາດອອກມາແລ້ວວ່າຈະທໍາການປ່ອຍ Oreo ມາໃຫ້ຊາວ S8 / Note 8 ໄດ້ເລີ່ມໃຊ້ກັນພາຍໃນປະມານ 2-3 ອາທິດຕໍ່ຈາກນີ້.

ທີ່ຈິງແລ້ວທາງ Samsung ໄດ້ປ່ອຍລະບົບປະຕິບັດການ Android Oreo ອອກມາຕັ້ງແຕ່ເດືອນ ກຸມພາທີ່ຜ່ານມາ, ແຕ່ກໍມີບັນຫາຄວາມຜິດພາດກັບ Samsung Galaxy S8 ທີ່ເກີດບັນຫາເຄື່ອງ Reboot ໂຕເອງ ເຮັດໃຫ້ທາງ Samsung ໄດ້ລະງັບການອັບເດດໄປກ່ອນ ຈົນມາເຖິງປັດຈຸບັນນີ້ ໂທລະສັບ Galaxy S8 / Note 8 ຈາກບາງຄ້າຍ, ບາງປະເທດ ໄດ້ຮັບການອັບເດດກ່ອນແລ້ວ.

ລະບົບປະຕິບັດການ Android Oreo ໄດ້ປ່ອຍໃຫ້ໃຊ້ງານເທິງມືຖື Android ໃນຕະຫຼາດມາກວ່າ 6 ເດືອນແລ້ວ, ຈຸດຂາຍຫຼັກໆຂອງ Oreo ນັ້ນກໍຄືການທໍາງານທີ່ໄວຂຶ້ນ ລວມທັງການຈັດການແອັບ ທີ່ບໍ່ໄດ້ໃຊ້ງານໄດ້ຢ່າງມີປະສິດທິພາບ.

ໂດຍທາງ  Samsung ເອງກໍໃຫ້ເຫດຜົນວ່າມີຄວາມຈໍາເປັນທີ່ຈະຕ້ອງກວດສອບທຸກຢ່າງໂດຍລະອຽດ ເພື່ອທີ່ຈະປ້ອງກັນບັນຫາທີ່ຈະເກີດຂຶ້ນຕາມມາ ຊຶ່ງເຮັດໃຫ້ມີຜົນກະທົບດ້ານເວລາຈົນເຮັດໃຫ້ເກີດຄວາມລ້າຊ້າດັ່ງກ່າວຂຶ້ນ.

ແລະ ໃນຂະນະດຽວກັນນີ້ Samsung Galaxy S9 ໂທລະສັບຮຸ່ນຫລ້າສຸດຈາກ Samsung ກໍເປີດຕົວມາພ້ອມກັບລະບົບປະຕິບັດການ Oreo ເປັນທີ່ຮຽບຮ້ອຍແລ້ວ.