19 ວິທີເສີມພະລັງສະໝອງໃຫ້ເດັກນ້ອຍອາຍຸ 0-3 ປີ

ຕໍ່ໄປນີ້ຄືຕົວຢ່າງຂອງກິດຈະກໍາງ່າຍໆ ທີ່ພໍ່ແມ່ສາມາດລົງມືເຮັດເພື່ອສົ່ງເສີມພັດທະນາການ ແລະ ການຈະເລີນເຕີບໂຕຂອງສະໝອງລູກໄດ້ດ້ວຍ 20 ວິທີດັ່ງນີ້:

1. ເບິ່ງແຍງເລື່ອງອາຫານການກິນ: ໃຫ້ເປັນໄປຕາມທໍາມະຊາດຂອງໄວ, ເດັກຄວນໄດ້ຮັບສານອາຫານແນວໃດ ຄວນເພີ່ມສານອາຫານຫຍັງແດ່, ແຕ່ສິ່ງທີ່ຢາກຈະຢໍ້າກ່ຽວກັບເລື່ອງອາຫານກໍຄື: ຢ່າໃຫ້ລູກກິນຫວານ.
2. ເວລາອາຫານຂອງລູກຢ່າໃຫ້ເປັນເວລາແຫ່ງຄວາມທຸກ ຫຼື ເປັນການບັງຂັບຂູ່ເຂັນ ເພາະຈະເຮັດໃຫ້ເຂົາປະຕິເສດອາຫານ ຊຶ່ງຈະມີຜົນເສຍຕໍ່ພັດທະນາການຂອງສະໝອງ ຕ້ອງເຮັດໃຫ້ລູກຮູ້ສຶກວ່າເວລາອາຫານຄືເວລາແຫ່ງຄວາມສຸກ.
3. ເວົ້າລົມຫຼິ້ນກັບລູກ
4. ຫຼິ້ນກັບລູກດຸໆ
5. ຝຶກອ່ານໃຈລູກ ແລະ ຕອບສະໜອງສິ່ງຕ້ອງການຂອງລູກໃຫ້ຖືກ
6. ໃຊ້ໜັງສືພາບ (ຊວນລູກເບິ່ງໜັງສືພາບ ເພາະນອກຈາກຈະຊ່ວຍກະຕຸ້ນສາຍຕາ ແລະ ການເບິ່ງແລ້ວ ຍັງຊ່ວຍໃຫ້ເຂົາໄດ້ຮຽນຮູ້ພາສາ, ຮຽນຮູ້ສິ່ງຮອບຕົວຜ່ານໜັງສືພາບໄດ້ອີກ)
7. ການເລົ່ານິທານໃຫ້ລູກຟັງ
8. ຮ້ອງເພງກ່ອມລູກ
9. ຊອກຂອງຫຼິ້ນທີ່ຊ່ວຍພັດທະນາກ້າມຊີ້ນໃຫ້ລູກ
10. ການໂອບກອດ, ສໍາຜັດ, ລູບຜົມ ແລະ ຫອມແກ້ມລູກ
11. ເວລາລູກໄຫ້ ຕອບສະໜອງໃຫ້ໄວ: ເພາະເດັກນ້ອຍທຸກຄົນຕ້ອງການຄວາມປອດໄພ, ເມື່ອເຂົາຮູ້ສຶກວ່າຕົນເອງປອດໄພ, ສະໝອງຂອງລູກກໍຈະພັດທະນາໄດ້ຢ່າງສົມບູນ ໃນສະພາວະທີ່ບໍ່ປອດໄພ ສະໝອງຈະພັດທະນາສະເພາະສ່ວນທີ່ກ່ຽວຂ້ອງກັນການໜີໄພເທົ່ານັ້ນ
12. ການນວດຕົນໃຫ້ລູກເວລາລູກບໍ່ສະບາຍ, ລູກມີອາການຄຽດ ແລະ ເວລາໃຈ
13. ສ້າງສິ່ງແວດລ້ອມທາງພາຍນອກທີ່ປອດໄພ ເພື່ອໃຫ້ລູກໄດ້ສໍາຫຼວດສິ່ງຕ່າງຮອບຕົວຢ່າງມີອິດສະຫຼະ
14. ທໍາຄວາມເຂົ້າໃຈພື້ນອາລົມ ເພາະເດັກນ້ອຍແຕ່ລະຄົນບໍ່ຄືກັນ ບາງຄົນຂີ້ໂມໂຫ, ບາງຄົນຂີ້ອາຍ, ບາງຄົນກ້າສະແດງອອກ, ຍອມຮັບຄວາມເປັນຕົວເຂົາແລ້ວຄ່ອຍໆພາເຂົາພັດທະນາຕົນເອງໄປສູ່ສິ່ງທີ່ທຸກຄົນຍອມຮັບ, ການຝຶກ ແລະ ບັງຄັບໃຫ້ເປັນໄປຕາມທີ່ເຮົາຕ້ອງການທັນທີ ຈະເຮັດໃຫ້ເດັກຂາດຄວາມໝັ້ນໃຈ ແລະ ບໍ່ສາມາດທີ່ຈະຮຽນຮູ້ສິ່ງທີ່ເຮົາຢາກໃຫ້ເປັນ
15. ຈັບຖືກ ຢ່າ ຈັບຜິດ: ເພາະມະນຸດພັດທະນາໄດ້ດີຈາກຈຸດແຂງ ໃຫ້ລາງວັນໃນສິ່ງທີ່ເຂົາເຮັດໄດ້ ແລະ ເຮົາຍາກໃຫ້ເຮັດ ແລະ ຕ້ອງບໍ່ໃສ່ໃຈກັບສິ່ງທີ່ເຂົາຍັງເຮັດບໍ່ໄດ້
16. ເປັນຕົ້ນແບບໃນການສະແດງຄວາມເຫັນອົກເຫັນໃຈຜູ້ອື່ນໃຫ້ລູກໄດ້ເຫັນ
17. ໃຫ້ລູກໄດ້ຫຼິ້ນຢ່າງມີອິດສະຫຼະ
18. ເຮັດຕົວໃຫ້ມີຄວາມສຸກກັບກິດຈະກໍາຂອງລູກ
19. ເຮັດທຸກຢ່າງທີ່ວ່າມາທັງໝົດດ້ວຍຄວາມຮັກ ແລະ ຄວາມເຂົ້າໃຈໃນຕົວລູກ ຢ່າເອົາລູກໄປທຽບກັບຄົນນັ້ນຄົນນີ້ ເພາະເຂົາກໍຄືເຂົາ ບໍ່ມີທາງທີ່ຈະຄືຄົນອື່ນໄປທັງໝົດ