ເຈັບຫົວເປັນປະຈຳຕ້ອງລະວັງເລື່ອງການກິນ

ທ່ານໃດມີພະຍາດປະຈຳໂຕ ເຊັ່ນ : ເຈັບຫົວຊຳ້ເຮື້ອ ຈຳເປັນຕ້ອງລະວັງການໃຊ້ຊີວິດປະຈຳວັນຫລາຍກ່ວາຄົນທົ່ວໄປ ໂດຍສະເພາະອາຫານ ຫາກບໍ່ລະວັງອາດເຮັດໃຫ້ຮ່າງກາຍໄດ້ຮັບສານໄທຣາມີນ ແລະ ໄນໄຕຣ ເຮັດໃຫ້ລະບົບປະສາດ ແລະ ຫລອດເລືອດຫົດໂຕທັນທີ ຈຶ່ງເຮັດໃຫ້ເຈັບຫົວຂຶ້ນມາກະທັນຫັນ. ດັ່ງນັ້ນຈຶ່ງຄວນລະວັງ 5 ອາຫານຕໍ່ໄປນີ້ :

1. ໄສ້ກອກຫວານ ແລະ ຊີ້ນຫລອດ : ເພາະສີແດງໆຂອງອາຫານທັງສອງຊະນິດນີ້ມີສານບາງຢ່າງ ເຊິ່ງເຮັດໃຫ້ເຈັບຫົວທັນທີ.
2. ຊັອກໂກແລັດ : ຄົນເຈັບຫົວຊຳ້ເຮື້ອກິນຊັອກໂກແລັດແລ້ວຈະເຈັບຫົວຂຶ້ນມາທັນທີ, ແຕ່ກໍສາມາດກິນຊັອກໂກແລັດຂາວໄດ້ ເພາະມີນົມເປັນສ່ວນປະສົມຫລາຍກ່ວາ.
3. ແອສປາແທມ ຫລື ສານໃຫ້ຄວາມຫວານແທນນຳ້ຕານ : ມີຜົນການສຳຫລວດຫລາຍກ່ວາຄົນທີ່ເຈັບຫົວຊຳ້ເຮື້ອ ມັກຈະເຈັບຕື່ມເມື່ອກິນສານຊະນິດນີ້ເຂົ້າໄປ.
4. ເຫລົ້າແວັງແດງ : ມີໄທຣາມີນ ແລະ ໄນໄຕຣຫລາຍ ດັ່ງນັ້ນຫລີກເວັ້ນຈະດີກ່ວາ.
5. ລູກຊີ້ນ : ກໍມີສານເຮັດໃຫ້ເຈັບຫົວໄດ້ຄືກັນ, ແຕ່ບໍ່ແມ່ນທຸກຍີ່ຫໍ້ທີ່ໃສ່ສານບໍແຣັກທີ່ເຮັດໃຫ້ລູກຊີ້ນເດັ້ງຂຶ້ນ ນອກຈາກຈະເຮັດໃຫ້ເຈັບຫົວແລ້ວ ຍັງເປັນສານກໍ່ພະຍາດມະເຮັງນຳອີກ.

ຫາກທ່ານໃດມັກມີອາການເຈັບຫົວເປັນປະຈຳ ໂດຍບໍ່ຮູ້ສາເຫດ ແລະ ບໍ່ຮູ້ວ່າຕົນເອງມີພະຍາດປະຈຳໂຕຄືເຈັບຫົວຊຳ້ເຮື້ອ ກໍຄວນໄປພົບທ່ານໝໍເພື່ອຮັບການປິ່ນປົວ ພ້ອມທັງຫລີກເວັ້ນອາຫານທີ່ເປັນສາເຫດເຮັດໃຫ້ອາການເຈັບຫົວນັ້ນຮຸນແຮງຂຶ້ນກ່ວາເກົ່າຕື່ມອີກ.