ສະໂມສອນ ກອງທັບ ເອັຟຊີ ຄວ້າແຊ້ມການແຂ່ງຂັນ ບານເຕະ 4 ເສົ້າ Vientiane Friendly Cup 2018

- 26904018 1457414114388311 7544777689257968005 n - ສະໂມສອນ ກອງທັບ ເອັຟຊີ ຄວ້າແຊ້ມການແຂ່ງຂັນ ບານເຕະ 4 ເສົ້າ Vientiane Friendly Cup 2018
- Untitled design - ສະໂມສອນ ກອງທັບ ເອັຟຊີ ຄວ້າແຊ້ມການແຂ່ງຂັນ ບານເຕະ 4 ເສົ້າ Vientiane Friendly Cup 2018

ເມື່ອ​ວັນ​ທີ 28 ມີ​ນາຜ່ານ​ມາ ​ຢູ່​ສະ​ຫ​ນາມ​ກິ​ລາ​ເຈົ້າ​ອາ​ນຸ​ວົງ ໄດ້​ມິ​ພິ​ທີ​ປິດການ​ແຂ່ງ​ຂັນ​ບານ​ເຕະ 4 ເສົ້າ Vientiane Friendly Cup 2018 ເຂົ້າ​ຮ່ວມ​ພິ​ທີ​ປິດ ແລະ ມອບ​ລາງວັນ​ໂດຍ​ທ່ານ ກະ​ເສມ ອິນ​ທະ​ລາ ຮອງ​ເລຂາທິການ​ຄະນະ​ກຳມະການ​ໂອ​ແລມປິກ​ແຫ່ງ​ຊາດ​ລາວ, ທ່ານ ສຸ​ພາ​ພອນ ປະ​ທານ​ບໍ​ລິ​ສັດ Infinity, ທ່ານ ວຽງ​ສະ​ຫວັນ ແສງ​ຈັນ ປະ​ທານ​ສະ​ຫະ​ພັນ​ບານ​ເຕະ​ນະ​ຄອນ​ຫລວງ, ນາງ ພິ​ຈີ​ກາ ບຸນກວ້າງ ປະ​ທານສະ​ໂມ​ສອນ ນະ​ຄອນ​ຫລວງ ຢູ​ໄນ​ເຕັດ ແລະ ທ່ານ ຈາ​ຕຸ​ລົນ ສິ​ລິ​ສັກ ຈ​າກ ພະ​ແນ​ກກິ​ລາມວ​ນ​ຊົນ ນະ​ຄອນ​ຫລວງ.

ການ​ແຂ່ງ​ຂັນ​ບານ​ເຕະ 4 ເສົ້າ Vientiane Friendly Cup 2018​ ມີ 4 ທີມ​ເຂົ້າ​ຮ່ວມ​ປະ​ກອບ​ມີ: ນະ​ຄອນ​ຫລວງ ຢູ​ໄນ​ເຕັດ (ເຈົ້າ​ພາບ), ກອງ​ທັບ​ ເອັ​ຟ​ຊີ, ມ​ຊ ເອັ​ຟ​ຊີ ແລະ ປກ​ສ ເອັ​ຟ​ຊີ ເພື່ອ​ເປັນ​ການ​ສະ​ເຫລີມ​ສະ​ຫລອງວັນ​ແມ່​ຍິງ​ສ​າ​ກົນ ເຊິ່ງ​ຮູບ​ແບບ​ແຂ່ງ​ຂັນ​ແມ່ນ​ແຂ່ງ​ຂັນ​ພົບ​ກັນ​ຫມົດ, ຜ່ານ​ການ​ແຂ່ງ​ຂັນ​ຜົນ​ປາ​ກົດ​ວ່າ ສະ​ໂມ​ສອນ ກອງ​ທັບ ເອັ​ຟ​ຊີ ສາ​ມາດ​ຄວ້າ​ແຊ້ມການ​ແຂ່ງ​ຂັນ​ບານ​ເຕະ 4 ເສົ້າ Vientiane Friendly Cup 2018 ດ້ວຍ​ການ ຊະ​ນະ 3 ນັດ ລວດ ​ມີ 9 ຄະ​ແນນ, ອັນ​ດັບ 2 ນະ​ຄອນ​ຫລວງ ຢູ​ໄນ​ເຕັດ ຊະ​ນະ 2 ເສຍ 1 ມີ 6 ຄະ​ແນນ, ອັນ​ດັບ 3 ມ​ຊ ຊະ​ນະ 1 ເສຍ​ 2 ມີ 3 ຄະ​ແນນ ແລະ ອັນ​ດັບ ສຸດ​ທ້າຍ ປກ​ສ ມີ 0 ຄະ​ແນນ.

ສຳ​ລັບ​ລາງ​ວັນ​ຊະ​ນະ​ເລີດ ແມ່ນ​ໄດ້​ຮັບ​ຂັນ​ລາ​ງວັນ​ຊະ​ນະ​ເລີດ​ພ້ອມ​ອຸ​ປະ​ກອນ ມູນ​ຄ່າ 10 ລ້ານ​ກີບ, ຮອງ​ຊະ​ນະ​ເລີດ ໄດ້​ຮັບ​ອຸ​ປະ​ກອນ​ມູນ​ຄ່າ 7 ລ້ານ​ກີບ, ອັນ​ດັບ 3 ໄດ້​ຮ​ັບ​ອຸ​ປະ​ກອນ​ມູນ​ຄ່າ 1 ລ້ານກີບ. ນອກ​ຈາກ​ນັ້ນ ຍັງ​ມີ​ລາງວັນ​ພິ​ເສດ ຜູ້​ຮັກ​ສາ​ປະ​ຕູ​ດີ​ເດັ່ນ​ຕົກ​ເປັນ​ຂອງ ທ້າວ ແກ້ວ​ອຸ​ດອນ ສຸ​ວັນ​ນະ​ສັງ​ໂສ ຈາກສະ​ໂມ​ສອນ ກອງ​ທັບ ເອັ​ຟ​ຊີ, ນັກ​ເຕະ​ຍິງ​ປະ​ຕູ​ສູງ​ສຸດ ທ້າວ ຕີ​ ສີ​ຫາ​ລາດ ຈາກສະ​ໂມ​ສອນ ກອງ​ທັບ ເອັ​ຟ​ຊີ ແລະ ຄູ​ຝຶກດີ​ເດັ່ນ ທ່ານ ໄກ​ສອນ ໄຊ​ຍະ​ວົງ ຈາກສະ​ໂມ​ສອນ ກອງ​ທັບ ເອັ​ຟ​ຊ​ີ.

- Wave100S AD to Website 2020 0 - ສະໂມສອນ ກອງທັບ ເອັຟຊີ ຄວ້າແຊ້ມການແຂ່ງຂັນ ບານເຕະ 4 ເສົ້າ Vientiane Friendly Cup 2018
- WhatsApp Image 2020 05 27 at 5 - ສະໂມສອນ ກອງທັບ ເອັຟຊີ ຄວ້າແຊ້ມການແຂ່ງຂັນ ບານເຕະ 4 ເສົ້າ Vientiane Friendly Cup 2018
- WhatsApp Image 2020 05 27 at 5 - ສະໂມສອນ ກອງທັບ ເອັຟຊີ ຄວ້າແຊ້ມການແຂ່ງຂັນ ບານເຕະ 4 ເສົ້າ Vientiane Friendly Cup 2018
error: Alert: ເນື້ອຫາຂ່າວມີລິຂະສິດ !!