ຍີ່ປຸ່ນໃຫ້ທຶນຊ່ວຍເຫລືອຂະແໜງກະສິກຳຢູ່ແຂວງສະຫວັນນະເຂດ ພາຍໃຕ້ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ
ເມື່ອທ້າຍອາທິດຜ່ານມາ, ສະຖານທູດຍີ່ປຸ່ນ ປະຈໍາລາວ, ໄດ້ຈັດພິທີລົງນາມການຊ່ວຍ ເຫຼືອລ້າໃນຂະແໜງກະສິກໍາ ພາຍໃຕ້ໂຄງການເສີມສ້າງ ຄວາມໝັ້ນຄົງຂອງມະນຸດຂັ້ນ ຮາກຖານ (GGPs) ທີ່ ແຂວງ ສະຫວັນນະເຂດ ລວມມູນຄ່າ 116.460 ໂດລາສະຫະລັດ, ໂດຍການລົງນາມລະຫວ່າງ ທ່ານ ທາເຄຊິ ຮິຄິຮາຣະ ເອກ ອັກຄະລາຊະທູດຍີ່ຢຸ່ນປະ ຈໍາລາວ ແລະ ທ່ານ ສອນຄໍາ ແສງວິໄລ ຮອງຫົວໜ້າຫ້ອງ ການກະສິກໍາ ແລະ ປ່າໄມ້ ເມືອງ ທ່າປາງທອງ ແຂວງ ສະຫວັນນະເຂດ ແລະ ມີພາກ ສ່ວນກ່ຽວ ຂ້ອງເຂົ້າຮ່ວມ ຢ່າງ ພ້ອມພຽງ.
ໂຄງການນີ້ຈະສ້າງລະບົບ ຊົນລະປະທານ ທີ່ຄຸ້ມນາພັນ ຊີ,ເມືອງທ່າປາງທອງ ແຂວງ ສະຫວັນນະເຂດ, ເຊິ່ງຈະ ຊ່ວຍໃຫ້ປະຊາຊົນປູກເຂົ້າ ໄດ້ ສອງລະດູ, ອັນຈະເຮັດໃຫ້ຊີ ວິດການເປັນຢູ່ຂອງປະຊາ ຊົນໃນຂົງເຂດດັ່ງກ່າວດີຂຶ້ນ.
+ ລາວ-ຍີ່ປຸ່ນຮ່ວມມືວຽກງານຄົ້ນຄວ້າເສດຖະກິດ
+ ຍີ່ປຸ່ນສືບຕໍ່ຊ່ວຍກໍ່ສ້າງໂຮງຮຽນໃຫ້ 7 ແຂວງໃນລາວ
ທ່ານທູດ ຮິຄິຮາຣະ ກ່າວວ່າ: ສິ່ງສໍາຄັນທີ່ສຸດ ຂອງໂຄງການນີ້ແມ່ນຈະສາມາດສ້າງຄວາມສຸກໃຫ້ແກ່ ຜູ້ຄົນພາຍໃນຊຸມຊົມຂັ້ນຮາກ ຖານ, ເຊິ່ງເປັນເອກະລັກພິ ເສດຂອງໂຄງການ GGPs ແລະ ປະເທດຍີ່ປຸ່ນໄດ້ໃຫ້ ການຊ່ວຍເຫຼືອຂະແໜງ ການກະສິກໍາທັງໝົດ36 ໂຄງການໂດຍເລີ່ມມາແຕ່ ປີ 1989 ແລະ ໃນນັ້ນປະ ກອບມີການສ້າງລະບົບຊົນ ລະປະທານ 20 ໂຄງການ.
