ສະຫະລັດ ອາເມລິກາ ສົ່ງເສີມໂຄງການອາຫານສຳລັບໂຮງຮຽນຢູ່ແຂວງ ຫຼວງນໍ້າທາ

- US funded school lunches Luang Namtha March2018 - ສະຫະລັດ ອາເມລິກາ ສົ່ງເສີມໂຄງການອາຫານສຳລັບໂຮງຮຽນຢູ່ແຂວງ ຫຼວງນໍ້າທາ
- Untitled design - ສະຫະລັດ ອາເມລິກາ ສົ່ງເສີມໂຄງການອາຫານສຳລັບໂຮງຮຽນຢູ່ແຂວງ ຫຼວງນໍ້າທາ

ໃນວັນ 27-29 ມີນານີ້ ເຈົ້າຫນ້າທີ່ສະຫະລັດອາເມລິກາ ໄດ້ພົບກັບ ທ່ານ ບູນຍີ ແກ້ວຄູນເມືອງ ຮອງເຈົ້າແຂວງ ແຂວງຫຼວງນ້ຳທາເພື່ອສຶກສາເບິ່ງຕົວຈິງວ່າບັນດານັກສຶກສາໃນທ້ອງຖິ່ນ ແລະ ຊາວກະຊິກອນ ຈະໄດ້ຜົນປະໂຫຍດແນວໃດຈາກການຊ່ວຍເຫຼືອຂອງ ລັດຖະບານສະຫະລັດອາເມລິກາຢູ່ພາຍໃນແຂວງ, ໂດຍສະເພາະແມ່ນໂຄງການອາຫານສໍາລັບໂຮງຮຽນຕ່າງໆໃນ 3 ບ້ານ. ເພື່ອຕິດຕາມຕົວຈິງວ່າ ອົງການອາຫານໂລກ ຂອງສະຫະປະຊາຊາດ ທີ່ກຳລັງຈັດຕັ້ງປະຕິບັດໂຄງການດັ່ງກ່າວ, ໂດຍການໄດ້ທຶນຈາກໂຄງການສາກົນດ້ານການສະບຽງອາຫານເພື່ອການສຶກສາ ແລະ ໂພສະນາການແກ່ເດັກ (McGovern-Dole International Food for Education and Child Nutrition Program) ແລະ ໂຄງການ  (the Local and Regional Procurement Program) ຂອງ USDA.  ນີ້ເປັນໂຄງການຊ່ວຍເຫຼືອພົນລະເຮືອນທີ່ໃຫຍ່ສຸດຈາກສະຫະລັດອາເມລິກາໃນ ສປປ ລາວ.

ການສະໜອງອາຫານທີ່ມີຄຸນປະໂຫຍດໃຫ້ແກ່ໂຮງຮຽນໂດຍການນຳໃຊ້ຜົນຜະລິດທາງດ້ານການກະເສດຈາກ ສະຫະລັດອາເມລິກາ ໄດ້ຊ່ວຍປັບປຸງການຮູ້ຫນັງສື ແລະ ຊ່ວຍທາງໂພສະນາການໃຫ້ບັນດານ້ອງນັກຮຽນໃນເຂດຫ່າງໄກສອກຫຼີກ ພ້ອມກັນນັ້ນ ຊາວກະສິກອນຍັງໄດ້ຮັບຜົນປະໂຫຍດຈາກໂຄງການນີ້ ແລະ ພວກເຂົາຍັງໄດ້ປະກອບສ່ວນໂດຍກົງເຂົ້າໃນຜົນສຳເລັດການສຶກສາຂອງນ້ອງນັກສຶກສາໃນຊຸມຊົນຂອງຕົນ. ອາຫານໃນແຕ່ລະມື້ປະກອບມີຜົນຜະລິດດ້ານການກະເສດຈາກໂຄງການ USDA, ຜັກທີ່ປູກເອງຈາກສວນຂອງໂຮງຮຽນ ແລະ ການປະກອບສ່ວນຈາກຊຸມຊົນ. ໂຄງການນີ້ແມ່ນເປັນສ່ວນໜຶ່ງຂອງການລິເລີ່ມໂດຍການເຮັດວຽກຮ່ວມກັນຢ່າງໃກ້ຊິດກັບລະຫວ່າງກະຊວງ​ສຶກສາ​ທິການ ​ແລະ ກິລາ ແລະ ຄູ່ຮ່ວມມືອື່ນໆ ທີ່ຊ່ວຍໃຫ້ນ້ອງນັກຮຽນສາມາດເຂົ້າເຖິງ ນໍ້າສະອາດ, ສຸຂາພິບານ, ສຸຂະອະນາໄມ, ວຽກງານການສຶກສາທາງໂພສະນາການ, ແລະ ບັນດາກິດຈະກຳກ່ຽວກັນການຮູ້ໜັງສື.

ນອກຈາກຫລວງນໍ້າທາແລ້ວ, ທ່ານນາງ Brown ແລະ ທ່ານ ອຸປະທູດ ໄມໂຄ ຄລາຍ ຍັງໄດ້ລົງຢ້ຽມຢາມ ໂຄງການທີ່ໄດ້ຮັບການຊ່ວຍເຫຼືອຈາກ ສະຫະລັດອາເມລິກາຢູ່ ນະຄອນຫຼວງວຽງຈັນ ແລະ ສະຫວັນນະເຂດ. ນັບຕັ້ງແຕ່ 2006, USDA ໄດ້ໃຫ້ການຊ່ວຍເຫຼືອໂດຍຜ່ານໂຄງການ (the McGovern-Dole program) ເພື່ອຮັບປະກັນການສະໜອງອາຫານ ທີ່ມີປະໂຫຍດໃຫ້ແກ່ໂຮງຮຽນ ແລະ ນ້ອງໆນັກຮຽນຈຳນວນ 145,000 ຄົນ ໃນ 30 ເມືອງຂອງ 7 ແຂວງໃນແຕ່ລະປີ.

 

 

- Wave100S AD to Website 2020 0 - ສະຫະລັດ ອາເມລິກາ ສົ່ງເສີມໂຄງການອາຫານສຳລັບໂຮງຮຽນຢູ່ແຂວງ ຫຼວງນໍ້າທາ

 

 

- WhatsApp Image 2020 05 27 at 5 - ສະຫະລັດ ອາເມລິກາ ສົ່ງເສີມໂຄງການອາຫານສຳລັບໂຮງຮຽນຢູ່ແຂວງ ຫຼວງນໍ້າທາ
- WhatsApp Image 2020 05 27 at 5 - ສະຫະລັດ ອາເມລິກາ ສົ່ງເສີມໂຄງການອາຫານສຳລັບໂຮງຮຽນຢູ່ແຂວງ ຫຼວງນໍ້າທາ
error: Alert: ເນື້ອຫາຂ່າວມີລິຂະສິດ !!