ບໍລິສັດເທີນ-ຫີນບູນ ສະເຫລີມສະຫລອງວັນເປີດການຜະລິດພະລັງງານໄຟຟ້າຄົບຮອບ 20 ປີ

- thpc gallery 0060 - ບໍລິສັດເທີນ-ຫີນບູນ ສະເຫລີມສະຫລອງວັນເປີດການຜະລິດພະລັງງານໄຟຟ້າຄົບຮອບ 20 ປີ
- Untitled design - ບໍລິສັດເທີນ-ຫີນບູນ ສະເຫລີມສະຫລອງວັນເປີດການຜະລິດພະລັງງານໄຟຟ້າຄົບຮອບ 20 ປີ

ລັດຖະບານ ສປປ ລາວ ແລະ ບໍລິສັດເທີນ-ຫີນບູນ ພາວເວີ ຈໍາກັດ (THPC) ໄດ້ຮ່ວມກັນສະເຫລີມສະຫລອງວັນເປີດການຜະລິດພະລັງງານໄຟຟ້າຂອງເຂື່ອນນໍ້າເທີນຫີນບູນຂຶ້ນໃນວັນທີ 31 ມີນາຜ່ານມານີ້, ທີ່ນະຄອນຫລວງວຽງຈັນດ້ວຍບັນຍາກາດຟົດຟື້ນ.

ເຂື່ອນເທີນ-ຫີນບູນ ໄດ້ເລີ່ມການຂາຍກະແສໄຟຟ້າໃນວັນທີ 31 ມີນາ 1998 ແລະ ກໍນັບຕັ້ງແຕ່ນັ້ນມາກໍສາມາດຜະລິດໄຟຟ້າໄດ້ຫລາຍກວ່າ 36.000 ເມກາວັດ, ຊຶ່ງເປັນຈໍານວນໄຟຟ້າທີ່ຫລາຍກວ່າໝູ່ໃນປະເທດ.

ທ່ານ ບຸນທອງ ຈິດມະນີ ຮອງນາຍົກລັດຖະມົນຕີ ໄດ້ກ່າວໃນພິທີອັນຊົງກຽດດັ່ງກ່າວວ່າ: ບໍລິສັດເທີນ-ຫີນບູນ ເປັນບໍລິສັດທີ່ມີຜົນສໍາເລັດສູງໃນລາວ ແລະ ໄດ້ປະກອບສ່ວນສໍາຄັນໃຫ້ແກ່ການພັດທະນາເສດຖະກິດ-ສັງຄົມຂອງລາວຕະຫລອດ.

THPC ຖືຮຸ້ນໂດຍບໍລິສັດຜະລິດໄຟຟ້າລາວ ມະຫາຊົນຈໍານວນ 60% ແລະ ມີພະນັກງານທີ່ເປັນຄົນລາວກວມ 98% ໃນໄລຍະ 20 ປີຜ່ານມາ, ບໍລິສັດໄດ້ປະກອບສ່ວນຫລາຍກວ່າ 500 ລ້ານໂດລາສະຫະລັດໃຫ້ແກ່ລັດຖະບານ ແລະ ຈະເພີ່ມຂຶ້ນໃນປີໜ້າຍ້ອນການຂະຫຍາຍກໍາລັງການຜະລິດມີປະສິດທິພາບຫລາຍຂຶ້ນກວ່າເມື່ອກ່ອນ.

- Wave100S AD to Website 2020 0 - ບໍລິສັດເທີນ-ຫີນບູນ ສະເຫລີມສະຫລອງວັນເປີດການຜະລິດພະລັງງານໄຟຟ້າຄົບຮອບ 20 ປີ

ທ່ານ ຄາມະນີ ອິນທິລາດ ລັດຖະມົນຕີກະຊວງພະລັງງານ ແລະ ບໍ່ແຮ່ ໄດ້ກ່າວວ່າ: ບໍລິສັດເທີນ-ຫີນບູນ ໄດ້ມີບົດບາດສໍາຄັນໃນການເຕີບໃຫຍ່ຂະຫຍາຍຕົວຂອງເສດຖະກິດລາວຕັ້ງແຕ່ປີ 1998 ເປັນຕົ້ນມາ ແລະ ມັນໄດ້ຊ່ວຍເພີ່ມລວມຍອດຜະລິດຕະພັນພາຍໃນປະເທດ (GDP) ຂອງ ສປປ ລາວຂຶ້ນເປັນ 7% ແບະ ໃນ 6 ປີຕໍ່ມາໂຄງການເທີນ-ຫີນບູນ ຈະກາຍເປັນຜູ້ສ້າງລາຍຮັບເງິນຕາຕ່າງປະເທດໃຫຍ່ທີ່ສຸດຂອງປະເທດ ແລະ ຈະປະກອບສ່ວນສໍາຄັນຍິ່ງເຂົ້າໃນການພັດທະນາເສດຖະກິດ-ສັງຄົມລາວເຕີບໃຫຍ່ຂະຫຍາຍຕົວ.

- WhatsApp Image 2020 05 27 at 5 - ບໍລິສັດເທີນ-ຫີນບູນ ສະເຫລີມສະຫລອງວັນເປີດການຜະລິດພະລັງງານໄຟຟ້າຄົບຮອບ 20 ປີ
- WhatsApp Image 2020 05 27 at 5 - ບໍລິສັດເທີນ-ຫີນບູນ ສະເຫລີມສະຫລອງວັນເປີດການຜະລິດພະລັງງານໄຟຟ້າຄົບຮອບ 20 ປີ
error: Alert: ເນື້ອຫາຂ່າວມີລິຂະສິດ !!