ປະທານາທິບໍດີມຽນມາຊຸດໃໝ່ ສາບານຕົວຂຶ້ນຮັບຕຳແໜ່ງ
ທ້າຍອາທິດຜ່ານມາ, ທ່ານ ວິນມິນ ໄດ້ສາບານຕົວຂຶ້ນຮັບຕຳ ແໜ່ງປະທານາທິບໍດີຄົນໃໝ່ ໃນ ພິທີຂອງລັດຖະສະພາມຽນມາ. ຜູ້ທີ່ສາບານຕົວຂຶ້ນຮັບຕຳແໜ່ງໃນມື້ດຽວກັນຍັງມີທ່ານ ມິນສ໌ວີ ຮອງປະທານາທິບໍດີຜູ້ທີ 1 ແລະ ທ່ານ ເຮັນຣີ ວານຕີ ຮອງປະທາ ນາທິບໍດີຜູ້ທີ 2.
ຫຼັງຈາກສາບານຕົວແລ້ວ, ທ່ານ ວິນມິນ ໄດ້ກ່າວປາໄສວ່າ: ສິ່ງທ້າທາຍ ແລະ ຄວາມຫຍຸ້ງ ຍາກທີ່ປະເທດ ແລະ ປະຊາຊົນ ຜະເຊີນໃນປັດຈຸບັນບໍ່ສາມາດ ໄດ້ຮັບການແກ້ໄຂຢ່າງງ່າຍ ດາຍ, ແຕ່ທ່ານຈະພະຍາຍາມສຸດ ຂີດຊຸກຍູ້ການປົກຄອງປະເທດ ຕາມກົດໝາຍ, ຍົກລະດັບຊີວິດ ການເປັນຢູ່ຂອງປະຊາຊົນໃຫ້ສູງ ຂຶ້ນ, ບັນລຸຄວາມປອງດອງຊາດ ແລະ ສັນຕິພາບພາຍໃນປະເທດ.
ທ່ານ ວິນມິນ ປີນີ້ອາຍຸ 66 ປີ, ເຄີຍເປັນປະທານສະພາປະ ຊາຊົນມຽນມາ, ໄດ້ລາອອກ ຈາກຕຳແໜ່ງໃນວັນທີ 21 ມີນາ ຜ່ານມາ. ໃນວັນທີ 23 ມີນາຜ່ານ ມາ, ສະພາດັ່ງກ່າວໄດ້ເລືອກຕັ້ງ ທ່ານ ວິນມິນ ເປັນຮອງປະທາ ນາທິບໍດີ ແລະ ໄດ້ສະເໜີທ່ານເຂົ້າ ຮ່ວມການເລືອກຕັ້ງປະທານາທິບໍດີ. ໃນວັນທີ 28 ມີນາຜ່ານມາ, ທ່ານ ວິນມິນ ໄດ້ຮັບເລືອກຕັ້ງ ເປັນປະທານາທິບໍດີມຽນມາຄົນໃໝ່ຢ່າງສຳເລັດຜົນ.
