ສະຫລອງປີໃໝ່ບົນຈິດໃຈອານຸລັກຮັກສາປະເພນີວັດທະນະທຳລາວ

- 511112 - ສະຫລອງປີໃໝ່ບົນຈິດໃຈອານຸລັກຮັກສາປະເພນີວັດທະນະທຳລາວ
- Untitled design - ສະຫລອງປີໃໝ່ບົນຈິດໃຈອານຸລັກຮັກສາປະເພນີວັດທະນະທຳລາວ

ໂດຍ: ກ້ອງສ່ອງ ອິດສະຫລະ

ຕາມຜູ້ຂຽນວ່າ: ການສະ ຫລອງສົ່ງທ້າຍປີເກົ່າ-ຕ້ອນຮັບປີໃໝ່ລາວ ໃຫ້ມີຄວາມໝາຍ ທາງດ້ານປະເພນີວັດທະນະທຳ ແລະ ທັງໃນດ້ານປະຫວັດສາດ ຂອງຊາດລາວເຮົາ, ມັນກໍແມ່ນ ມູນເຊື້ອແຫ່ງຄວາມເປັນມາ ຕັ້ງແຕ່ສະໄໝປະຫວັດສາດ ຂອງເຊື້ອຊາດລາວ ແລະ ເພື່ອ ບໍ່ໃຫ້ປະຮິດເກົ່າຄອງຫລັງ, ຮີດ ບໍ່ໃຫ້ໝອງຄອງບໍ່ໃຫ້ເສົ້າ, ປະ ຕິບັດຕາມຮີດສິບສອງຄອງສິບສີ່, ຮີດຍີ່ຄອງຈຽງ ທີ່ເຄີຍມີມາ, ໝາຍວ່າພໍຕົກມາເຖິງເດືອນ 5 ລາວໃນແຕ່ລະປີຊາວລາວເຮົາ ກໍຈະໄດ້ພາກັນເຮັດບຸນປີໃໝ່, ອັນເປັນປະເພນີວັດທະນະທຳ ອັນດີງາມຂອງຊາດ ປະເພນີ ບຸນປີໃໝ່ແມ່ນມີຕຳນານກ່າວ ຂານກັນມາແຕ່ດຶກດຳບັນແຕ່ ປູສັງກະສາ, ຍ່າສັງກະສີມາ ຫລາຍພັນປີນັບແຕ່ມີເຊື້ອຊາດ ລາວຄົນລາວເກີດມາໃນຜືນພິ ພົບນີ້, ຄວາມໝາຍ ຂອງການ ເຮັດບຸນປີໃໝ່ລາວນັ້ນ ເປັນການ ເສຍເຄາະສະເດາະເຂັນໃນປີ ເກົ່າກ້າວສູ່ປີໃໝ່ໃຫ້ມີແຕ່ ຄວາມສຸກຄວາມຈະເລີນ; ເປັນ ການສ້າງຄວາມດີສາມັກຄີ ຮັກແພງເມດຕາຈິດຕໍ່ເພື່ອນ ມະນຸດດ້ວຍກັນ ຫລື ຖ້າຈະຍົກ ເອົາບັນຫາການພົວພັນສັງຄົມ ມາເວົ້າກໍເລີ່ມແຕ່ບຸກຄົນກັບບຸກ ຄົນ; ກ້າວໄປເຖິງສັງຄົມຄອບ ຄົວ ແລະ ປະເທດຊາດ.

 

+ ນະຄອນຫລວງຫ້າມປະພຶດລາມົກອານາຈານໃນໂອກາດສະຫລອງປີໃໝ່ລາວ

+ ຫລວງພະບາງກຽມສະຫລອງບຸນປີໃໝ່ລາວຢ່າງຍິ່ງໃຫຍ່ຕ້ອນຮັບປີທ່ອງທ່ຽວລາວ

ເພາະສະນັ້ນ, ຈຶ່ງເວົ້າໄດ້ ວ່າໃນໂອກາດສະຫລອງສົ່ງ ທ້າຍປີເກົ່າ-ຕ້ອນຮັບປີໃໝ່ຢູ່ ປະເທດລາວ ຈຶ່ງມີຄວາມໝາຍ ໃນດ້ານປະຫວັດສາດ ແລະ ປະ ເພນີວັດທະນະທຳ, ເວົ້າເຖິງ ການເຮັດບຸນປີໃໝ່ກໍມີຫລາກ ຫລາຍກິດຈະກຳທີ່ຕ້ອງໄດ້ ເຮັດເປັນຕົ້ນ: ການເຮັດບຸນກິນ ທານ ແລະ ຫົດສົງພະຢູ່ ວັດວາ ອາຮາມຕ່າງໆ, ການບາສີສູ່ ຂວັນ, ການສົມມາຄາລະວະ ການນຳ, ຜູ້ອາວຸໂສ, ຜູ້ເຖົ້າຜູ້ແກ່, ຜູ້ມີບຸນຄຸນຕໍ່ເຮົາ ຫລື ຜູ້ຫລັກ ຜູ້ໃຫຍ່, ໝູ່ເພື່ອນມິດສະຫາຍ ດ້ວຍກັນ ການຫົດການສົງກັນ ນັ້ນກໍຕ້ອງດ້ວຍນ້ຳອົບນ້ຳຫອມ ຫລື ນ້ຳອັນສະອາດບໍລິສຸດໃນ ຍຸກສະໄໝນີ້, ການສະຫລອງ ບຸນປີໃໝ່ຍິ່ງມີການພັດທະນາ ກ້າວໄປເລື້ອຍໆ; ຖືເປັນວະລະ ຂອງຊາດມີການອະນຸຍາດ ຈາກທາງການຄັກແນ່ ແລະ ຜູ້ ນຳສູງສຸດຂອງປະເທດກໍໄດ້ ອ່ານ ສານອວຍພອນປີໃໝ່ ແລະ ມີການຈັດກິດຈະກຳອື່ນໆ ຢ່າງ ເປັນທາງການທີ່ສອດຄ່ອງກັບສະພາບຕົວຈິງຂອງກົມກອງ ທ້ອງຖິ່ນ ແລະ ຮາກຖານ, ໃນ ສະໄໝກ່ອນເພິ່ນເອົາບຸນປີໃໝ່ ແມ່ນເຈັດມື້ເຈັດຄືນຄົບຕາມ ຈຳນວນລູກຂອງພະຍາກະບິນລະພົມ.

- Wave100S AD to Website 2020 0 - ສະຫລອງປີໃໝ່ບົນຈິດໃຈອານຸລັກຮັກສາປະເພນີວັດທະນະທຳລາວ

ຕົກມາສະໄໝນີ້ ເພິ່ນເອົາ ພຽງ ແຕ່ສາມ ວັນຄືມື້ ສັງຂານ ລ່ວງ, ມື້ເນົາ ແລະ ສັງຂານຂຶ້ນ, ໃນມື້ສັງຂານລ່ວງນັ້ນຖືເປັນ ມື້ເລີ່ມແລກແຮກໝານ, ມື້ເດົາ ດາຕົກແຕ່ງ, ມື້ເອົາພະພຸດທະຮູບ ລົງຫົດສົງ, ທັງເປັນມື້ເລີ່ມຕົ້ນ ສະຫລອງບຸນປີໃໝ່ມີອັນໃດກໍ ຕ້ອງໄດ້ຫ້າງຫາກະກຽມເຮັດ ໃຫ້ມັນຈົບມັນງາມຫລີກເວັ້ນ ເຫດລາງຮ້າຍຕ່າງໆ, ກະທັ້ງຄຳ ເວົ້າຄຳວ່າ ຕໍ່ກັນກໍມີແຕ່ອັນດີ, ມີ ແຕ່ອັນມ່ວນ.

ສ່ວນມື້ເນົານັ້ນເປັນມື້ສະຫລອງບຸນສິນກິນທານຕາມ ວັດວາອາຮາມ, ຕາມບ້ານ ຕາມ ເຮືອນ, ມື້ມ່ວນມື້ຊື່ນ, ມື້ຕ້ອນ ຮັບຂັບສູ່ແຂກຄົນທີ່ມາທ່ອງ ທ່ຽວຢ້ຽມຢາມ, ມື້ນີ້ຖືເປັນວັນ ມຸງຄຸນດີເລີດ ປະເສີດສີ, ສຳລັບ ມື້ສັງຂານຂຶ້ນນັ້ນເປັນມື້ສຸດ ທ້າຍຂອງປີໃໝ່, ເປັນມື້ສົ່ງທ້າຍ ປີເກົ່າກ້າວສູ່ປີໃໝ່ໂດຍຄິດໄລ່ ຕາມພຸດທະສັກກະຫລາດ ຫລື ກົດເກນຂອງສາດສະໜາພຸດ, ມື້ ສັງຂານຂຶ້ນນີ້ເປັນມື້ຊຳລະສະ ສາງອັນເກົ່າທີ່ບໍ່ດີນັບທັງ ແນວ ຄິດ ແລະ ການກະທຳອັນບໍ່ດີ ໃຫ້ ໜີໄປໃນປີເກົ່າ, ຮອດມື້ປີໃໝ່ ຕໍ່ມາກໍຂໍໃຫ້ມີແຕ່ໂຊກແຕ່ໄຊຕະຫລອດທັງຄອບຄົວ, ຊີວິດ ແລະ ການງານ.

ເຖິງຢ່າງໃດກໍດີ, ສິ່ງທີ່ຜູ້ ຂຽນ ໄດ້ເອົາມາເລົ່າສູ່ກັນຟັງນີ້ ແມ່ນສ່ວນໜຶ່ງຂອງການສະ ຫລອງສົ່ງທ້າຍປີເກົ່າ 2560 ຕ້ອນຮັບປີໃໝ່ 2561 ເຊິ່ງລ້ວນ ແລ້ວແຕ່ເປັນສິ່ງທີ່ພົວພັນເຖິງ ວິຖີຊີວິດຂອງເຊື້ອຊາດລາວ, ຄົນລາວມາແຕ່ດຶກດຳບັນກາຍ ເປັນຕຳນານ ແລະ ເປັນປະເພນີ ວັດທະນະທຳອັນສຳຄັນ ແລະ ຍອດຍິ່ງຂອງຊາດເຮົາໄດ້ສືບ ຕໍ່ກັນມາຜອງເທົ່າເຊັ່ນລູກເຊັ່ນ ຫລານ.

ການສະຫລອງມ່ວນຊື່ນ ສົ່ງທ້າຍປີເກົ່າຕ້ອນຮັບປີໃໝ່ ປີ ນີ້ຈົ່ງເປັນປີມ່ວນຊື່ນ, ປອດ ໄພ ແລະ ອະນຸລັກຮັກສາປະເພ ນີວັດທະນະທຳລາວໃຫ້ຢູ່ຄຽງ ຄູ່ກັບຄົນລາວກາຍເປັນມໍລະດົກຕົກທອດຂອງຊາດ, ປະຊາຊົນ ລາວ ແລະ ຕໍ່ໄປກໍອາດເປັນມໍ ລະດົກຂອງໂລກໃນອະນາຄົດ ກໍເປັນໄດ້./.

- 511112 - ສະຫລອງປີໃໝ່ບົນຈິດໃຈອານຸລັກຮັກສາປະເພນີວັດທະນະທຳລາວ
(ພາບປະກອບ)
- WhatsApp Image 2020 05 27 at 5 - ສະຫລອງປີໃໝ່ບົນຈິດໃຈອານຸລັກຮັກສາປະເພນີວັດທະນະທຳລາວ
- WhatsApp Image 2020 05 27 at 5 - ສະຫລອງປີໃໝ່ບົນຈິດໃຈອານຸລັກຮັກສາປະເພນີວັດທະນະທຳລາວ
error: Alert: ເນື້ອຫາຂ່າວມີລິຂະສິດ !!