ເປີດສັບປະດາ ວຽງຈັນສະອາດ 1-7 ເມສາ

- Big cleaning - ເປີດສັບປະດາ ວຽງຈັນສະອາດ 1-7 ເມສາ
- Untitled design - ເປີດສັບປະດາ ວຽງຈັນສະອາດ 1-7 ເມສາ

ແຫລ່ງຂ່າວ ຂປລ ໃຫ້ຮູ້ວ່າ: ເມືອງສີໂຄດຕະບອງຮ່ວມກັບກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ເປີດສັບປະດາວຽງຈັນສະອາດ 1-7 ເມສາ 2018, ໂດຍມີທ່ານ ສິນລະວົງ ຄຸດໄພທູນ ເຈົ້າຄອງນະຄອນຫລວງວຽງຈັນ, ທ່ານ ສົມມາດ ພົນເສນາ ລັດຖະມົນຕີກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ແລະ ພາກສ່ວນກ່ຽວຂ້ອງເຂົ້າຮ່ວມ. ເພື່ອແນໃສ່ປຸກລະດົມກຳລັງແຮງຂອງສັງຄົມໃຫ້ເປັນເຈົ້າການຮ່ວມກັນໃນການຮັກສາຄວາມສະອາດຂອງຕົວເມືອງ, ໂດຍເລີ່ມຈາກບຸກຄົນ, ຄອບຄົວ ແລະ ການຈັດຕັ້ງທຸກພາກສ່ວນ.

ໃນໂອກາດນີ້, ທ່ານ ແກ້ວພິລາວັນ ອາໄພລາດ ຮອງເຈົ້າຄອງນະຄອນຫລວງວຽງຈັນ ໃຫ້ຮູ້ວ່າ: ອົງການປົກຄອງນະຄອນຫລວງວຽງຈັນ ໄດ້ກຳນົດເອົາສັບປະດາທີ 1 ຂອງຕົ້ນເດືອນເມສານັບແຕ່ວັນທີ 1-7 ເປັນສັບປະດາສະອາດ ຢ່າງເປັນເອກະພາບກັນທົ່ວນະຄອນຫລວງວຽງຈັນ ຫລື ເອີ້ນວ່າ ສັບປະດາວຽງຈັນສະອາດ, ດ້ວຍການເປັນເຈົ້າການຂອງທ່ານ 7 ວັນ ໃນການເຮັດອະນາໄມຮັກສາຄວາມສະອາດ ໃນຂອບເຂດບ້ານ, ເຮືອນ ແລະ ສຳນັກງານອົງການຂອງຕົນເປັນສິ່ງຈຳເປັນທີ່ຈະຕ້ອງໄດ້ປະຕິບັດ, ຖ້າຫາກທຸກຄົນ, ຄອບຄົວ ຕັດສິນໃຈເປັນເຈົ້າການ ແລະ ຮ່ວມແຮງຮ່ວມໃຈກັນ ຈະເຮັດໃຫ້ບ້ານເຮືອນ, ຖະໜົນຫົນທາງຢູ່ໃນນະຄອນຫລວງວຽງຈັນ ມີຄວາມສະອາດຈົບງາມ ແລະ ເປັນສິ່ງດຶງດູດໃຫ້ນັກທ່ອງທ່ຽວເຂົ້າມາທ່ຽວຊົມ ແລະ ໄດ້ເຫັນວິທີການດຳລົງຊີວິດ ທີ່ອະນຸລັກຮັກສາສິ່ງແວດລ້ອມ ຄວາມສະອາດສວຍງາມຂອງຊາວນະ ຄອນຫລວງວຽງຈັນ.

- Wave100S AD to Website 2020 0 - ເປີດສັບປະດາ ວຽງຈັນສະອາດ 1-7 ເມສາ

ທ່ານ ນາງ ພູວຽງ ແກ້ວວົງວິຈິດ ເຈົ້າເມືອງສີໂຄດຕະບອງ ໃຫ້ຮູ້ວ່າ: ສະເພາະເມືອງສີໂຄດ ຕະບອງ ແມ່ນມີຄວາມພ້ອມທີ່ຈະເປັນເຈົ້າການຮ່ວມກັນ ໃນການຮັກສາຄວາມສະອາດ, ຄວາມສວຍງາມ ເປັນຕົ້ນ ແມ່ນການຮັກສາອະນາໄມ ຖະໜົນຫົນທາງບໍ່ໃຫ້ມີຂີ້ເຫຍື້ອ, ຂີ້ຝຸ່ນ, ບໍ່ໃຫ້ມີຫຍ້າຮົກເຮື້ອ, ຮ່ອງລະບາຍນ້ຳ ບໍ່ໃຫ້ມີສິ່ງອຸດຕັນ. ສຳລັບປີ 2018 ນີ້ ແມ່ນໄດ້ເລັ່ງໃສ່ການຮັກສາອະນາໄມຕາມເສັ້ນທາງສາຍຫລັກຕ່າງໆພາຍໃນເມືອງ ເປັນຕົ້ນ ເສັ້ນທາງສຸພານຸວົງ, ຖະໜົນໜອງບົວທອງ-ໜອງບຶກ, ຖະໜົນແຄມຂອງນັບແຕ່ສາມແຍກ ປາກປາສັກ-ເຂດບ້ານອາກາດ: ຖະໜົນສີທອງ, ຖະໜົນ 13 ເໜືອ, ຖະໜົນ A 12 ຊາຍແດນບ້ານສີ ໄຄ-ຊາຍແດນເມືອງສັງທອງ. ນອກຈາກນີ້, ບັນດາເສັ້ນທາງຮ່ອມ, ທາງຊອຍຕ່າງໆພາຍໃນເມືອງ ກໍຈະໄດ້ ຮັກສາຄວາມສະອາດເຊັ່ນດຽວກັນ.

- WhatsApp Image 2020 05 27 at 5 - ເປີດສັບປະດາ ວຽງຈັນສະອາດ 1-7 ເມສາ
- WhatsApp Image 2020 05 27 at 5 - ເປີດສັບປະດາ ວຽງຈັນສະອາດ 1-7 ເມສາ
error: Alert: ເນື້ອຫາຂ່າວມີລິຂະສິດ !!