4 ຂໍ້ຫ້າມໃນການຫລຸດນ້ຳໜັກໃຫ້ໄດ້ຜົນ
April 3, 2018 - 1:36 PM
- ກິນອາຫານບໍ່ຄົບປະເພດ : ບໍ່ວ່າຈະເປັນໄຂ່ຕົ້ມ, ຍຳສະຫລັດ, ແກງຕ່າງໆ, ເຂົ້າໜົມປັງໂຮຫວີດ ຫລື ຈຳພວກໝາກໄມ້ ແມ່ນຢູ່ວ່າມັນຊ່ວຍໃຫ້ທ່ານຫລຸດຄວາມຕຸ້ຍໄດ້, ແຕ່ຈະຕ້ອງກິນອີກຈັກຖ້ວຍ ຈຶ່ງຈະພຽງພໍຕໍ່ຄວາມຕ້ອງການຂອງຮ່າງກາຍ ເພາະກິນບໍ່ດົນກໍຫິວອີກ ເຮັດໃຫ້ຢາກກິນນັ້ນກິນນີ້ຕາມມາ ຫາກກິນແບບນີ້ເປັນປະຈຳທຸກມື້ກໍອາດເຮັດໃຫ້ເປັນພະ ຍາດຂາດສານອາຫານໄດ້ຄືກັນ ເພາະຄົນເຮົາຕ້ອງການສານອາຫານຫລາກຫລາຍປະເພດທີ່ຈຳເປັນກັບຮ່າງກາຍ ຖ້າທ່ານເລືອກກິນສະເພາະບາງອາຫານແບບນີ້ ຮ່າງກາຍຈະໄດ້ຄຸນຄ່າຂອງສານອາຫານຄົບຖ້ວນໄດ້ແນວໃດ ?
- ລ້າງສານພິດ ຫລື ດີທັອກ: ແມ່ນການລ້າງເອົາສານພິດສະສົມອອກຈາກຮ່າງກາຍ ແຕ່ຫາກຫວັງໃຊ້ວິທີນີ້ເພື່ອຫລຸດນຳ້ໜັກ ແລະ ເຮັດໃຫ້ໜ້າທ້ອງແປ ທຸກເທື່ອທີ່ຮູ້ສຶກວ່າຕຸ້ຍ ຫລື ທ້ອງໃຫຍ່ຂຶ້ນກໍບໍ່ຄວນຈະເຮັດ ເພາະບໍ່ມີຜົນທາງວິທະຍາສາດໃດທີ່ວິເຄາະຢັ້ງຢືນອອກມາວ່າມັນດີແທ້ ຫລື ເຫັນຜົນໃນໄລຍະຍາວ ຍິ່ງເມື່ອທ່ານກິນແລ້ວຖ່າຍອອກມາເລີຍ ນັ້ນບໍ່ພຽງແຕ່ຈະເຮັດໃຫ້ທ່ານກັບມາຫິວອີກເທື່ອໜຶ່ງ ແຕ່ຮ່າງກາຍຂອງທ່ານຍັງບໍ່ໄດ້ດູດຊຶມສານອາຫານເອົາໄປໃຊ້ປະໂຫຍດຢ່າງເຕັມທີ່ ທາງທີ່ດີຂໍແນະນຳວ່າປ່ອຍໃຫ້ມັນເປັນໄປຕາມຂະບວນການເຮັດວຽກຂອງຮ່າງກາຍຈະດີກ່ວາ ຫລື ອາດຈະຄວບຄຸມອາຫານໃຫ້ໜ້ອຍລົງ ຫລື ເນັ້ນການອອກກຳລັງກາຍແທນ.
- ໃຊ້ຢາ : ທ່ານໃດມັກໃຊ້ໂຕຊ່ວຍທີ່ເຮັດໃຫ້ນຳ້ໜັກຫລຸດລົງແບບໄວວາ ແລະ ປະຈຸບັນນີ້ກໍມີຢາໃຫ້ເລືອກໃຊ້ຫລາຍຊະນິດ ແລະ ຫລາຍຍີ່ຫໍ້ ແຕ່ທ່ານຮູ້ຫລືບໍ່ວ່າຢາເຫລົ່ານັ້ນບໍ່ມີຍີ່ຫໍ້ໃດເລີຍທີ່ຈະກິນເຂົ້າໄປແລ້ວບໍ່ສົ່ງຜົນຮ້າຍຕໍ່ຮ່າງກາຍ ຫລື ຜົນຂ້າງຄຽງ ບາງຄົນອາດມີຮູບຮ່າງອວບຂຶ້ນ, ໃຈສັ່ນ, ຮ່ວມກັບອາການໜ້າມືດເປັນວິນ, ວິນຫົວປວດຮາກຕາມມາ ທາງທີ່ ດີຫັນມາກິນອາຫານທີ່ມີປະໂຫຍດ ແລະ ມີກາກໄຍທີ່ຊ່ວຍໃນເລື່ອງການຂັບຖ່າຍຫລາຍໆຈະດີກ່ວາ.
- ອົດອາຫານ : ການອົດອາຫານເປັນໜຶ່ງວິທີທີ່ຈະຊ່ວຍຫລຸດນຳ້ໜັກໄດ້ໄວ ແລະ ກຳຈັດໜ້າທ້ອງໄປໄດ້ໄວ ແຕ່ຄວາມຈິງນອກຈາກມັນຈະບໍ່ເກີດປະໂຫຍດແລ້ວ ມັນຍັງເຮັດໃຫ້ທ່ານກາຍເປັນພະຍາດຂາດສານອາຫານ ຕະຫລອດຈົນລະບົບການເຜົາຜານພະລັງງານໃນຮ່າງກາຍເຮັດວຽກຜິດປົກກະຕິ ເພາະເມື່ອໃດທີ່ທ່ານເຊົາອົດອາຫານ ແລະ ຫັນມາກິນເປັນປົກກະຕິ ມັນກໍຈະສົ່ງຜົນໃຫ້ລະບົບເຜົາຜານປັ່່ນປ່ວນຈົນເກີດຜົນຕໍ່ຮູບຮ່າງ ແລ້ວກັບມາອວບໄດ້ອີກ. ສະນັ້ນ ແທນທີ່ທ່ານຈະອົດ ອາຫານໃຫ້ປ່ຽນມາເປັນການຄຸມອາຫານ, ກິນໜ້ອຍລົງ ແລະ ກິນແຕ່ອາຫານທີ່ມີປະໂຫຍດແທນຈະດີກ່ວາ.
