ສະພາຕໍ່າມາເລເຊຍຜ່ານຮ່າງ ກົດໝາຍຕໍ່ຕ້ານຂ່າວປອມ

ກອງ​ປະຊຸມ​ສະພາ​ຜູ້​ແທນ​ລາຊະ​ດອນຂອງ​ມາ​ເລ​ເຊຍ​ຮັບຮອງ​ຮ່າງ​ກົດໝາຍ “ຕໍ່ຕ້ານ​ຂ່າວ​ປອມ” ​ໂດຍ​ຜູ້​ໃດ​ກໍ​ຕາມ​ທີ່​ເຜີຍ​ແຜ່​ຂໍ້​ມູນ​ດັ່ງກ່າວ​ອາດ​ຕ້ອງ​ຮັບ​ໂທດ​ຈຳ​ຄຸກ​ເຖິງ 6 ປີ ພ້ອມ​ປັບ​ໄໝ​ 500.000 ຣິງກິດ.

Media groups: Journalists now live under threat of Anti-Fake News lawhttps://t.co/3FBzpPr32R pic.twitter.com/p9icj9lVyg

— The Star (@staronline) April 2, 2018

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ກົວ​ລາ​ລຳ​ເປີ ປະ​ເທດ​ມາ​ເລ​ເຊຍ ​ໃນ​ວັນ​ທີ 3 ​ເມສາ​ວ່າ: ສະພາ​ຜູ້​ແທນ​ລາຊະ​ດອນ​ຂອງ​ມາ​ເລ​ເຊຍ​ມີ​ມະຕິ​ສຽງ​ສ່ວນ​ຫລາຍ​ໃນ​ກອງ​ປະຊຸມ 123 ສຽງ ຕໍ່ 64 ສຽງ ຮັບຮອງ​ຮ່າງ​ກົດໝາຍ “ຕໍ່ຕ້ານ​ຂ່າວ​ປອມ 2018” ​ໂດຍ​ບຸກຄົນ​ໃດ​ກໍ​ຕາມ​ເຜີຍ​ແຜ່​ສິ່ງ​ທີ່​ເອີ້ນ​ວ່າ “ຂ່າວ​ປອມ” ອາດ​ຕ້ອງ​ຮັບ​ໂທດ​ຈຳ​ຄຸກ​ເປັນ​ເວລາ​ສູງ​ສຸດ 6 ປີ ຫລື ປັບ​ໄໝ 500.000 ຣິງກິດ, ​ແຕ່​ບົດ​ລົງ​ໂທດ​ຈຳ​ຄຸກ​ໄດ້​ຮັບ​ການ​ປັບ​ຫລຸດ​ລົງ​ຈາກ​ຮ່າງ​ກົດໝາຍ ​ເຊິ່ງສະ​ເໜີ​ເທື່ອ​ທຳ​ອິດ​ໄວ້​ສູງ​ສຸດ​ເຖິງ 10 ປີ.

Malaysia has proposed an "Anti-Fake News Bill" to parliament, which puts offenders in prison for up to 10 years https://t.co/2aQJofLEb7 #tictocnews pic.twitter.com/F2xc6E6msi

— Bloomberg Originals (@bbgoriginals) April 1, 2018

ທັງ​ນີ້, ບົດ​ບັນຍັດ​ຂອງ​ກົດໝາຍ​ສະບັບ​ນີ້​ໃຫ້​ຄຳ​ຈຳກັດ​ຄວາມ​ຂອງ “ຂ່າວ​ປອມ” ວ່າ​ໝາຍ​ເຖິງ​ຂໍ້​ມູນ​ໃດ​ກໍ​ຕາມ​ທີ່​ບໍ່​ວ່າ​ຈະ​ເປັນ​ຕົວ​ອັກສອນ, ຮູບ​ຖ່າຍ, ພາບ​ເຄື່ອນ​ໄຫວ ຫລື ຄລິບ​ສຽງ ​ເຊິ່ງ​ໄດ້​ຮັບ​ການ​ພິສູດ​ແລ້ວ​ວ່າ​ບໍ່​ມີ​ມູນ​ຄວາມ​ຈິງ ​ເຖິງ​ວ່າ​ຄວາມ​ຄາດ​ເຄື່ອນ​ພຽງ​​ເລັກ​ໜ້ອຍ​ຖື​ເປັນ​ຂ່າວ​ປອມ​ທັງ​ໝົດ.