ມະຫາກຳກິລາແຫ່ງຊາດຄັ້ງທີ XI ມີຄວາມພ້ອມແລ້ວ

ມະຫາກຳກິລາແຫ່ງຊາດຄັ້ງທີ xi ມີຄວາມພ້ອມແລ້ວ - IMG 2946 - ມະຫາກຳກິລາແຫ່ງຊາດຄັ້ງທີ XI ມີຄວາມພ້ອມແລ້ວ
ມະຫາກຳກິລາແຫ່ງຊາດຄັ້ງທີ xi ມີຄວາມພ້ອມແລ້ວ - Untitled design - ມະຫາກຳກິລາແຫ່ງຊາດຄັ້ງທີ XI ມີຄວາມພ້ອມແລ້ວ

ກອງປະຊຸມວິສາມັນຂອງຄະນະຮັບຜິດຊອບລະດັບຊາດ ຈັດມະຫາກຳກິລາແຫ່ງຊາດຄັ້ງທີ XI ທີ່ແຂວງຊຽງຂວາງເປັນເຈົ້າພາບ ​ໄດ້​ຈັດ​ຂຶ້ນໃນວັນທີ 2 ເມສານີ້ ພາຍໃຕ້ການເປັນປະທານຮ່ວມຂອງທ່ານ ບຸນຕົ້ນ ຈັນທະພອນ ຮັກສາການເລຂາພັກແຂວງ, ເຈົ້າແຂວງຊຽງຂວາງ ແລະ ທ່ານນາງ ແສງເດືອນ ຫລ້າຈັນທະບູນ ລັດຖະມົນຕີກະຊວງສຶກສາທິການ ແລະ ກິລາ, ມີບັນດາອະນຸກຳມະການຕ່າງໆໃນການຈັດງານມະຫາກຳກິລາເຂົ້າຮ່ວມ. ປະທານກອງປະຊຸມ ໄດ້ເນັ້ນວ່າ: ການຈັດມະຫາກຳກິລາແຫ່ງຊາດຄັ້ງນີ້ ຕ້ອງເນັ້ນປະຢັດແຕ່ມີຄຸນນະພາບສູງ, ສ້າງຄວາມສາມັກຄີ, ໂຄສະນາຮີດຄອງປະເພນີ, ວັດທະນະທຳອັນດີງາມຂອງຊາດ ໂດຍສະເພາະແມ່ນວັດທະນະທຳຊາວຊຽງຂວາງ ຄວາມດຸໝັ່ນຂະຫຍັນພຽນ, ມູນເຊື້ອອັນພິລະອາດຫານຂອງແຂວງວິລະຊົນໃຫ້ບັນດາແຂວງ ແລະ ຊາວໂລກໄດ້ຮັບຮູ້.

ພ້ອມນີ້, ກອງປະຊຸມຍັງໄດ້ຮັບຟັງການລາຍງານຄວາມຄືບໜ້າການກະກຽມຄວາມພ້ອມດ້ານຕ່າງໆ ໃຫ້ແກ່ມະຫາກຳກິລາແຫ່ງຊາດຄັ້ງນີ້ສຳເລັດຫລາຍດ້ານ ເປັນຕົ້ນດ້ານພື້ນຖານໂຄງລ່າງ ສະໜາມເປີດ-ປິດສຳເລັດແລ້ວ 75%, ສະເພາະສະໜາມ-ສະໂມສອນທີ່ພາກເອກະຊົນລົງທຶນນັ້ນມີ 7 ແຫ່ງຄື: ສະໜາມໂບລິ້ງ ສຳເລັດແລ້ວ 100%, ສະໜາມກ໊ອບສຳເລັດ 95%, ສະໜາມກິລາບານສົ່ງ ສຳ​ເລັດ 75%, ສະໜາມເປຕັງ 34%, ສະໜາມຍິງປືນ 45%, ສະໂມສອນກິລາສະນຸກເກີ 42% ແລະ ສະໜາມມວຍລາວກຳລັງກໍ່ສ້າງ ​ແລະ ສະໜາມທີ່ສະເໜີສ້າງໃໝ່ ມີ​ເດີ່ນບານບ້ວງ, ເຕັນນິດ, ລະບົບໄຟຟ້າ-ນ້ຳປະປາ, ໄຟເຍືອງທາງເຂົ້າຫາສະໜາມກິລາເປີດ-ປິດ, ການບູລະນະສ້ອມແປງບັນດາສະໂມສອນຂອງພະແນກການ, ກົມກອງ ແລະ ສະຖານທີ່ຕ່າງໆຈຳນວນ 11 ແຫ່ງ, ການກໍ່ສ້າງເສັ້ນທາງເພື່ອເຊື່ອມຈອດເຂົ້າສູ່ສະໜາມເປີດ-ປິດ ມີຄວາມຍາວ 8,6 ກິໂລແມັດ ກໍ່ສ້າງສຳເລັດແລ້ວ 45%, ກໍ່ສ້າງຂົວຂ້າມນ້ຳ ໂຄ້ເຂົ້າຫາສະໜາມເປີດ-ປິດສຳເລັດແລ້ວ 39,2%.

ມະຫາກຳກິລາແຫ່ງຊາດຄັ້ງທີ xi ມີຄວາມພ້ອມແລ້ວ - Wave100S AD to Website 2020 0 - ມະຫາກຳກິລາແຫ່ງຊາດຄັ້ງທີ XI ມີຄວາມພ້ອມແລ້ວ
ມະຫາກຳກິລາແຫ່ງຊາດຄັ້ງທີ xi ມີຄວາມພ້ອມແລ້ວ - WhatsApp Image 2020 05 27 at 5 - ມະຫາກຳກິລາແຫ່ງຊາດຄັ້ງທີ XI ມີຄວາມພ້ອມແລ້ວ
ມະຫາກຳກິລາແຫ່ງຊາດຄັ້ງທີ xi ມີຄວາມພ້ອມແລ້ວ - WhatsApp Image 2020 05 27 at 5 - ມະຫາກຳກິລາແຫ່ງຊາດຄັ້ງທີ XI ມີຄວາມພ້ອມແລ້ວ
error: Alert: ເນື້ອຫາຂ່າວມີລິຂະສິດ !!