ສໍາເລັດການແຂ່ງຂັນເທຄວັນໂດ ທົ່ວປະເທດ 2018

ສໍາເລັດການແຂ່ງຂັນເທຄວັນໂດ ທົ່ວປະເທດ 2018 - 29855459 753132798230629 1653416998 n - ສໍາເລັດການແຂ່ງຂັນເທຄວັນໂດ ທົ່ວປະເທດ 2018
ສໍາເລັດການແຂ່ງຂັນເທຄວັນໂດ ທົ່ວປະເທດ 2018 - Untitled design - ສໍາເລັດການແຂ່ງຂັນເທຄວັນໂດ ທົ່ວປະເທດ 2018

ວັນທີ 1 ເມສານີ້ ທີ່ສະໜາມກິລາໃນຮົ່ມ ບ້ານດົງໂດກ ເມືອງໄຊທານີ ນະຄອນຫລວງວຽງຈັນ ໄດ້ສໍາເລັດການ​ແຂ່ງຂັນ​ກິລາ​ເທ​ຄວັນ​ໂດ ລາຍການ ກຸກ​ກິວ​ອນ ຄັບ 2018 ຫລື ການແຂ່ງຂັນເທຄວັນໂດທົ່ວປະເທດ ເຊິ່ງ​ເປັນ​ການ​ຮ່ວມ​ມື​ລະຫວ່າງ  ສະຫະພັນ​​ເທ​ຄວັນ​ໂດ​ແຫ່ງ​ຊາດລາວ ​ແລະ ສະຫະພັນ​ເທ​ຄວັນ​ໂດ​ ​ເກົາ​ຫລີ ຫລື ກຸກ​ກິວ​ອນ ​ໂດຍມີ​ທ່ານ ບົວ​ລານ ສິລິ​ປັນຍາ ຮອງ​ລັດຖະມົນຕີ​ກະຊວງ​ສຶກສາ​ທິການ​ແລະ ກິລາ (ສສກ), ທ່ານ ອາດ​ສະພັງ​ທອງ ສີ​ພັນ​ດອນ ຮອງ​ລັດຖະມົນຕີ​ກະຊວງ​ການ​ເງິນ ທັງ​ເປັນ​ປະທານ​ສະຫະພັນ​​ເທ​ຄວັນ​ໂດ​ແຫ່ງ​ຊາດ​ລາວ.

ການ​ແຂ່ງຂັນ​ຄັ້ງນີ້ມີ​ການ​ຊິງ​ໄຊ​ກັນ​​ທັງ​ໝົດ 100 ລາຍການ, ​ໃນ​ນັ້ນ ລາຍການຕໍ່ສູ້​ປ້ອງ​ກັນ​ຕົວ​ທີ​ມຍິງ-ຊາຍ ​ ປະກອບ​ມີ ຮຸ່ນ​ອານຸຊົນອາຍຸ 8 ປີ, ​ເຍົາວະ​ຊົນ 10 ປີ, 12 ປີ, 14 ປີ, 16 ປີ, 17 ປີ ​ແລະ ຮຸ່ນທົ່ວ​ໄປ ປະ​ເພດ​​ລະ 5 ລາຍການ ທັງ​ປະ​ເພດ​ຍິງ ​ແລະ ຊາຍ ສ່ວນ​ປະ​ເພດ​ຟ້ອນ​ກໍ​ມີ​ປະ​ເພດ​ດ່ຽວ​, ທີ​ມຄູ່ ​ແລະ ທີ​ມຊຸດທັງຍິງ​-ຊາຍ, ​ໃນ​ນັ້ນ ມີ​ນັກ​ກິລາ​ມາ​ຈາກ 7 ແຂວງຄື: ອຸດົມ​ໄຊ, ຊຽງ​ຂວາງ, ຫຼວງ​ພະ​ບາງ, ບໍລິ​ຄຳ​ໄຊ, ຄຳ​ມ່ວນ, ສະຫວັນ​ນະ​ເຂດ, ຈຳປາ​ສັກ, ນະຄອນຫລວງ​ວຽງ​ຈັນ, ບັນດາ​ກະຊວງ ​ແລະ ບັນດາ​ສະ​ໂມ​ສອນ​ອ້ອມ​ຂ້າງ​ສູນ​ກາງ​ເຂົ້າ​ຮ່ວມທັງ​ໝົດ 500 ກວ່າ​ຄົນ. ສຳລັບນັກ​ກິລາ​ທີ່​ໄດ້​ຮັບ​ຊະນະ​ເລີດ ​ໄດ້​ຮັບຫລຽນ​ຄຳ, ຫລຽນ​ເງິນ, ຫລຽນ​ທອງ ​ແລະ ຂັນຊະນະ​ເລີດ ​ເຊິ່ງ​ເປັນ​ຂັນ​ຄະ​ແນນ​ລວມມອບ​ເປັນ​ລາງ​ວັນ​ກຽດຕິຍົດ​ໃຫ້​ນັກ​ກິລາ​ຕາມ​ລຳດັບຕື່ມ​ອີກ.

ສໍາເລັດການແຂ່ງຂັນເທຄວັນໂດ ທົ່ວປະເທດ 2018 - Wave100S AD to Website 2020 0 - ສໍາເລັດການແຂ່ງຂັນເທຄວັນໂດ ທົ່ວປະເທດ 2018

ຜ່ານ​ການ​ແຂ່ງຂັນ​ຜົນ​ປາກົດ​ວ່າ: ຂັນ​ຊະນະ​ເລີດ ຄະ​ແນນ​ລວມຕົ​ກ​ເປັນ​ຂອງ​ສະ​ໂມ​ສອນ ມາສ​ເຕີ ​ເລ້ ຫລັງ​ຈາກ​ຍາດ 14 ຫລຽນ​ຄຳ, 1 ຫລຽນ​ເງິນ ​ແລະ 3 ຫລຽນ​ທອງ, ອັນ​ດັບ​ທີ 2 ສະ​ໂມ​ສອນ​ລ້ານ​ຊ້າງ ຍາດ​ໄດ້ 13 ຫລຽນ​ຄຳ, 10 ຫລຽນ​ເງິນ ​ແລະ 16 ຫລຽນ​ທອງ, ອັນ​ດັບ​ທີ 3 ແມ່ນ​ແຂວງ​ຈຳປາ​ສັກ ຍາດ​ໄດ້ 9 ຫລຽນ​ຄຳ, 5 ຫລຽນ​ເງິນ ​ແລະ 9 ຫລຽນ​ທອງ, ອັນ​ດັບ​ທີ 4 ສະ​ໂມ​ສອນ​ ກະຊວງ​ປ້ອງ​ກັນ​ປະ​ເທດ ຫລື ກອງທັບ​ຍາດ​ໄດ້ 7 ຫລຽນ​ຄຳ, 6 ຫລຽນ​ເງິນ ​ແລະ 7 ຫລຽນ​ທອງ.

ສໍາເລັດການແຂ່ງຂັນເທຄວັນໂດ ທົ່ວປະເທດ 2018 - WhatsApp Image 2020 05 27 at 5 - ສໍາເລັດການແຂ່ງຂັນເທຄວັນໂດ ທົ່ວປະເທດ 2018
ສໍາເລັດການແຂ່ງຂັນເທຄວັນໂດ ທົ່ວປະເທດ 2018 - WhatsApp Image 2020 05 27 at 5 - ສໍາເລັດການແຂ່ງຂັນເທຄວັນໂດ ທົ່ວປະເທດ 2018
error: Alert: ເນື້ອຫາຂ່າວມີລິຂະສິດ !!