ໃຫ້ປີໃໝ່ລາວຮັບປະກັນໄດ້ 5 ຢ່າງ

ໂດຍ: ທ່ຽງທຳ 

ເພື່ອນຜູ້ອ່ານທີ່ຮັກແພງ, ໃນ ຜ່ານມາກໍມີຫລາຍຄຳສັ່ງແນະນຳ ແລະ ຂໍ້ຫ້າມຕ່າງໆ ຂອງເບື້ອງ ລັດມາຫລາຍແລ້ວແຕ່ເຖິງຢ່າງ ໃດຜູ້ເຮັດວຽກງານສື່ ກໍຂໍເນັ້ນຕື່ມ ເພື່ອເຮັດແນວໃດໃຫ້ການສະ ເຫລີມສະຫລອງສົງການປີນີ້ມີ ຄວາມເບີກບານມ່ວນຊື່ນ, ມີ ຄວາມສະຫງົບປອດໄພ, ຮັບປະ ກັນໄດ້ຮີດຄອງປະເພນີ ແລະ ວັດ ທະນະທຳອັນດີງາມຂອງຊາດ, ຮູ້ປະຢັດມັດທະຍັດ ແລະ ໃຫ້ຕິດ ພັນກັບການສົ່ງເສີມທ່ອງທ່ຽວ ລາວໃຫ້ມີບັນຍາກາດຟົດຟື້ນ, ນັ້ນ ແມ່ນຄວາມມຸ້ງມາດປາຖະໜາ ຂອງທົ່ວປວງຊົນລາວທັງຊາດ.

ແຕ່ຢາກໄດ້ແນວນັ້ນກໍບໍ່ແມ່ນ ເລື່ອງງ່າຍປານໃດໃນເມື່ອສະ ພາບອຸປະຕິເຫດຍັງເກີດຂຶ້ນ ຫລາຍ, ຍ້ອນຄົນເຮົາສ່ວນໜຶ່ງຍັງ ຂາດຄວາມເປັນເຈົ້າການເຄົ່າລົບ ນັບຖືລະບຽບຈະລາຈອນ ແລະ ເບື້ອງໜຶ່ງກໍຍ້ອນຄວາມບໍ່ເຂັ້ມ ງວດຂັ້ນຂອງຜູ້ເຮັດໜ້າທີ່ຄວບ ຄຸມລະບຽບການດັ່ງກ່າວ ແລະ ໃນເບື້ອງປະຢັດມັດທະຢັດກໍຍັງ ເຮັດໄດ້ໜ້ອຍ, ສະພາບຫລິ້ນກິນ ຟຸມເຟືອຍເຮຮາປາຕີຍັງມີແຜ່ ຫລາຍ ໃນບຸນໃນງານຕ່າງໆ, ກິນບໍ່ຢຸດດື່ມບໍ່ເຊົາມີທໍໃດກິນໝົດ ດື່ມໝົດອັນນີ້ກໍເປັນສ່ວນຕົ້ນຕໍກໍ່ ໃຫ້ເກີດຄວາມບໍ່ສະຫງົບປອດ ໄພ, ເມົາແລ້ວຂັບເກີດອຸປະຕິເຫດ ຫລື ບາງກໍລະນີກໍເກີດອາລະວາດ ຕີກັນ, ຜົວເສຍເມຍຮ້າງເກີດມີຂຶ້ນ ຫລາຍຍ້ອນນ້ຳຕາຜີເຜດ, ສ່ວນ ໜຶ່ງວັດທະນະທຳກໍຈະຕ້ອງໄດ້ ອອກແຮງເຮັດວຽກງານສຶກສາ ອົບຮົມປຸກລະດົມສັງຄົມໃນການ ປະພືດປາກເວົ້ານຸ່ງຖື ໃຫ້ສຸພາບ ເປັນລະບຽບຮຽບຮ້ອຍໃນການ ເຂົ້າວັດສົງພະສົງເຈົ້າຫລີກເວັ້ນ ການນຸ່ງນ້ອຍນຸ່ງໜ້ອຍທີ່ບໍ່ແມ່ນ ວັດທະນະທຳເຮົາ ແລະ ອື່ນໆ ໃຫ້ ເຂົ້າສູ່ຄວາມເປັນລະບຽບຮຽບ ຮ້ອຍພ້ອມນັ້ນທຸກຄົນກໍຕ້ອງເປັນ ເຈົ້າການທີ່ດີໃນການຕ້ອນຮັບ ຂັບສູ່ແຂກບ້ານແຂກເມືອງຜູ້ ມາທ່ຽວໃຫ້ມີຄວາມຈັບອົກ ຈັບໃຈ, ໄປທາງໃດກໍໃຫ້ເພິ່ນ ຍ້ອງເມື່ອມາທ່ຽວລາວ, ເຫັນວັດ ທະນະທຳອັນງົດງາມມາແລ້ວ ຢາກມາອີກ,ໂດຍສະເພາະແມ່ນ ໄລຍະສະຫລອງສົງການນີ້ ເຊິ່ງ ໃຜກໍຢາກມາທ່ຽວລາວ, ຢາກມາ ເຫັນມາສຳພັດກັບປະເທດລາວ, ປະເທດແຫ່ງອາລິຍະທຳ ແລະ ຄວາມຍິ້ມແຍ້ມແຈ່ມໃສ, ເອື້ອຍ ເຟື້ອຍເພື່ອແຜ່ຂອງປະຊາຊົນ ລາວເຮົາ./.

+ ສະຫລອງປີໃໝ່ບົນຈິດໃຈອານຸລັກຮັກສາປະເພນີວັດທະນະທຳລາວ

+ ປີໃໝ່ຫ້າມຂຶ້ນໂຕະຟ້ອນແອະຟ້ອນແອ່ນຕາມຖະໜົນ