ກ້າວສູ່ປີໃໝ່ພ້ອມກັນໃສ່ໃຈຕໍ່ຄວາມສັດຊື່

ກ້າວສູ່ປີໃໝ່ພ້ອມກັນໃສ່ໃຈຕໍ່ຄວາມສັດຊື່ - p 3 - ກ້າວສູ່ປີໃໝ່ພ້ອມກັນໃສ່ໃຈຕໍ່ຄວາມສັດຊື່
ກ້າວສູ່ປີໃໝ່ພ້ອມກັນໃສ່ໃຈຕໍ່ຄວາມສັດຊື່ - Untitled design - ກ້າວສູ່ປີໃໝ່ພ້ອມກັນໃສ່ໃຈຕໍ່ຄວາມສັດຊື່

  ໂດຍ: ທິດກ່ຳ

ໃນເທບນິຍາຍຈົນກາຍມາ ເປັນສັດຈະທຳແຫ່ງຄວາມເຊື່ອທີ່ຊາດລາວ, ຄົນລາວເຮົານັບຖືຈົນ ກາຍມາເປັນບຸນປະເພນີປີໃໝ່ລາວນັ້ນ, ກໍແມ່ນວັດກັນດ້ວຍຄວາມ ສັດຊື່ ເປັນຫຍັງ ຈຶ່ງວ່າແນວນັ້ນ? ຍ້ອນວ່າ ພວກເຮົາເຫລົ່າຊາວພຸດ ທັງຫລາຍບູຊານັບຖື ແລະ ປະ ຕິບັດກັນມາກາຍເປັນປະເພນີວັດທະນະທຳຈົນຜອງເທົ່າທຸກວັນນີ້ກໍແມ່ນເນື່ອງມາຈາກການປະ ລອງກັນດ້ວຍຜະຫຍາປັນຍາ ແລະ ວິຊາອາຄົມ ລະຫວ່າງພະ ຍາກະບິນລະພົມກັບທ້າວທຳມະບານກຸມມານ.

 

ກ້າວສູ່ປີໃໝ່ພ້ອມກັນໃສ່ໃຈຕໍ່ຄວາມສັດຊື່ - p 3 - ກ້າວສູ່ປີໃໝ່ພ້ອມກັນໃສ່ໃຈຕໍ່ຄວາມສັດຊື່
(ພາບປະກອບ)

+ ໃຫ້ປີໃໝ່ລາວຮັບປະກັນໄດ້ 5 ຢ່າງ

+ ສະຫລອງປີໃໝ່ບົນຈິດໃຈອານຸລັກຮັກສາປະເພນີວັດທະນະທຳລາວ

ກ້າວສູ່ປີໃໝ່ພ້ອມກັນໃສ່ໃຈຕໍ່ຄວາມສັດຊື່ - Wave100S AD to Website 2020 0 - ກ້າວສູ່ປີໃໝ່ພ້ອມກັນໃສ່ໃຈຕໍ່ຄວາມສັດຊື່

ທິດກ່ຳ ຂໍຍົກເອົາບາງຕອນ ໂດຍ ສັງເຂບມາເລົ່າສູ່ກັນຟັງ ວ່າ: ນະທີ່ເມືອງພະລານະສີສະ ໄໝດຶກດຳບັນພັນໆ ປີໄດ້ມີພະຍາ ກະບິນລະພົມເປັນກະສັດປົກ ຄອງ ບ້ານເມືອງ, ທັງເປັນຄົນ ທີ່ມີ ຄວາມສະຫລາດຫລັກແຫລມ, ມີຜະຫຍາບັນຍາ ແລະ ວິຊາອາ ຄົມສາດຕະສິນອັນເປັນທີ່ຍອມ ຮັບ, ຢູ່ມາມື້ໜຶ່ງກໍໄດ້ ມີການທ້າ ປະລອງຜະຫຍາປັນຍາກັນກັບ ທ້າວ ກຳມະບານກຸມມານ ຜູ້ໜຸ່ມ ນ້ອຍດ້ວຍການເອົາຊີວິດເປັນ ເດີມພັນ, ເນື່ອໃນການທ້າ ປະ ລອງກັນດ້ວຍວິຊາປັນຍາ, ຄວາມ ສະຫລາດຫລັກແຫລມນັ້ນພະ ຍາກະບິນລະພົມໄດ້ຖາມເຖິງລາສີສາມຍາມຂອງຄົນເຮົາກັບ ທ້າວ ທຳມະບານກຸມມານວ່າ: ຍາມເຊົ້າ, ຍາມສວາຍ ແລະ ຍາມ ຄ່ຳ ລາສີຂອງຄົນຢູ່ໃສ? ວ່າຊັ່ນ! ເມື່ອຕັ້ງໂຈດແລ້ວກໍນັດໝາຍ ກັນເຈັດມື້ໃຫ້ມາຕອບຖ້າຕອບບໍ່ ໄດ້ຫລືຕອບບໍ່ຕົງກັບບັນຫາ ທ້າວ ທຳມະບານກຸມມານ ຕ້ອງຖືກຕັດ ຄໍ ແຕ່ກົງກັນຂ້າມຖ້າ ທ້າວ ທຳ ມະບານກຸມມານ ຕອບໄດ້ ທາງ ຝ່າຍພະຍາກະບິນລະພົມກໍຕ້ອງໄດ້ຖືກຕັດຄໍ.

ຈາກນັ້ນ, ກໍໃຫ້ ທ້າວ ທຳ ມະບານກຸມມານ ໄປຊອກຫາ ຄຳຕອບຮອດວັນຖ້ວນເຈັດ ຈຶ່ງ ໃຫ້ມາຕອບນັບແຕ່ມື້ນັ້ນມາ, ທ້າວ ທຳມະບານກຸມມານ ກໍໄດ້ ໄປນັ່ງຄິດ, ນັ່ງຫງ່ຳ, ທັງຊອກ ຫາຄຳຕອບຢູ່ໃນຄຳພີດີກາ ບ່ອນ ໃດກໍບໍ່ເຫັນກິ່ນ ຈາກມື້ທີໜຶ່ງ, ທີ ສອງ, ທີສາມ ໄປຈົນຮອດມື້ທີ ຫ້າທີ່ຫົກກໍຍັງຊອກຫາຄຳຕອບບໍ່ໄດ້ ທ້າວ ທຳມະບານກຸມມານ ຄິດໜັກໃຈແນວໃດກູກໍຕ້ອງຖືກຕັດຄໍຕາຍແນ້ໆ. ບັງເອີນໄດ້ຊັດ ເຊພະເນຈອນໄປນອນຢູ່ກ້ອງ ຮົ່ມ ກົກຕານໃຫຍ່ໄດ້ຍິນ ຜົວເມຍ ແຮ້ງເຖົ້າລົມກັນ ເມຍຖາມຜົວ ວ່າ ມື້ອື່ນເຮົາຈະໄປຊອກກິນ ເນື້ອສັດຢູ່ບ່ອນໃດ? ຝ່າຍຜູ້ເປັນ ຜົວແຮ້ງເຖົ້າກໍຫົວເອືອກໆ ແລ້ວ ຕອບເມຍວ່າ: ມື້ອື່ນເຮົາຈະໄປກິນ ຊິ້ນມະນຸດຢ່າງແຊບຊ້ອຍ, ຍ້ອນ ຫຍັງ? ກິນຢູ່ໃສ? ເມຍຖາມຢ້ຳ, ຍ້ອນວ່າພະຍາກະບິນລະພົມກັບ ທ້າວກຳມະບານກຸມມານທ້າປະລອງຜະຫຍາປັນຍາກັນ ຜົວ ຕອບຄຳທ້າປະລອງກັນນັ້ນວ່າ: ແນວໃດ? ເມຍແຮ້ງເຖົ້າຖາມຜົວ ເອີ! ຊິເລົ່າສູ່ຟັງຄືດັ່ງນີ້: ທາງ ພະຍາພະບິນລະພົມໄດ້ຖາມ ທ້າວທຳມະບານກຸມມານວ່າ ລາ ສີຂອງຄົນເຮົາໃນສາມຍາມ ນັ້ນຢູ່ໃສ? ຍາມເຊົ້າມັນກໍຢູ່ທີ່ໃບ ໜ້າ, ສະນັ້ນ, ຄົນເຮົາຕື່ນນອນ ມາຍາມເຊົ້າ ຈຶ່ງພາກັນລ້າງໜ້າ ສວ່າຍໜ້າ, ຍາມສວຍກໍ ຢູ່ທີ່ໜ້າ ອີກ; ສະນັ້ນ, ເມື່ອຍາມສວຍມາ ຄົນເຮົາ ຈຶ່ງເອົານຳລູບໜ້າອົກ, ລ້າງໜ້າອົກ ຫລື ອາບນ້ຳ ໃຫ້ຊຸ່ມ ເຢັນເພື່ອລະບາຍຄວາມຄຽດ ສ່ວນຍາມຄ່ຳນັ້ນກໍແມ່ນຢູ່ທີ່ຕິນ; ສະນັ້ນ, ເມື່ອກາງຄືນມາຄົນເຮົາ ກ່ອນນອນ ຈຶ່ງລ້າງຕີນໃຫ້ສະ ອາດກ່ອນເຂົ້ານອນ ໃນຂະນະທີ່ ໄດ້ຍິນສຽງ ແຮ້ງເຖົ້າລົມກັນຢູ່ ປາຍກົກຕາມ ທ້າວທຳມະບານ ກຸມມານ ກໍເໝືອນຕາຍແລ້ວ ເກີດ ໃໝ່ພໍໄດ້ຍິນປືບ ກໍຮີບຟ້າວກັບ ບ້ານ ໄປຕອບພະຍາກະບິນລະ ພົມ, ຕົກມາຮອດມື້ທີເຈັດ ທ້າວທຳ ມະບານກຸມມານ ກໍຂ້ຽວໄປທູບ ຖວາຍພະຍາກະບິນລະພົມທັນ ທີ: ຄຳຕອບຂອງ ທ້າວ ທຳມະ ບານກຸມມານ ໄດ້ຕົກເປະກັບ ຄຳ ຖາມ ຈຶ່ງເປັນເຫດໃຫ້ພະຍາກະ ບິນລະພົມ ຖືກຕັດຄໍດ້ວຍງ້າວ ມະໄລກັນກ່ອນພະຍາກະບິນ ລະພົມ ຈະຖືກຕັດຄໍຕາມສັນ ຍາກໍໄດ້ຮ້ອງເອົາເມຍ ແລະ ລູກ ທັງເຈັດຄົນມາພ້ອມກັນ ແລະ ສັ່ງວ່າ ຕໍ່ໄປນີ້ພໍ່ຈະຖືກຕັດ ຄໍຕາມ ຄຳສັນຍາ; ເມື່ອພໍ່ຕາຍໄປ ແລ້ວ ໃຫ້ເອົາຫົວໄປໄວ້ທີ່ຖ້ຳພູເຂົາໄກ ລາດທຸກໆປີໃຫ້ພວກລູກທັງ ເຈັດເອົານ້ຳອົບນ້ຳຫອມໄປຫົດ ໄປສົງ, ຖ້າບໍ່ຫົດບໍ່ສົງຈະເກີດ ໄໝ້ໂລກ ຫລື ຖ້າເອົາຫົວຂອງ ພໍ່ຖິ້ມລົງນ້ຳມະຫາສະມຸດນ້ຳກໍ ຈະບົກແຫ້ງ.

ຍ້ອນຫົວຂອງພໍ່ເປັນຫົວ ວິເສດ, ເຕັມໄປດ້ວຍຄາຖາ ວິຊາ ອາຄົມ, ມີແຕ່ເວດມົນກົນຄາຖາ, ທັງເປັນຫົວຂອງພະລາຊາ ຕັ້ງ ແຕ່ນັ້ນມາລູກທັງເຈັດແຕ່ລະປີກໍ ເອົານ້ຳອົບນ້ຳຫອມໄປຫົດສົງ, ເມື່ອຫົດສົງຫົວພໍ່ແລ້ວ, ລູກກໍ ຫົດກັນເອງ, ຫົດທັງແມ່ຍາດ ຕີພີ່ນ້ອງ, ໝົດບ້ານໝົດເມືອງ, ທັງນາຍທັງແຫລ້ງ, ທັງພະສົງ ອົງຄະເຈົ້າກໍຫົດກັນຢ່າງເບີກ ບານ ແລະ ມ່ວນຊື່ນ ຈົນກາຍເປັນ ຮີດຄອງປະເພນີສືບຕໍ່ເລົ່າກັນ ມາຜອງທຸກວັນນີ້ ສ່ວນທຳມະ ບານກຸມມານ ກໍເກືອບຕາຍບຸນ ແຕ່ມີແຮ້ງເຖົ້າຜົວເມຍສອງຕົວ ຊ່ວຍຖ້າບໍ່ດັ່ງນັ້ນກໍມີຫວັງຖືກຕັດ ຄໍໃຫ້ແຮ້ງກິນລ້າໆ.

ຕົກມາສະໄໝນີ້, ບ້ານເມືອງ ແລະ ສັງຄົມເຮົາມີຄວາມຈະເລີນ ຮຸ່ງເຮືອງມີທັງອັນດີ ແລະ ອັນ ຮ້າຍສາລະພັດຢ່າງ ທິດກ່ຳ ຢາກ ໃຫ້ພາກັນປະຕິບັດຄືເທບນິຍາຍ ເລື່ອງນີ້ ໝາຍວ່າຜູ້ໃດຄ້າ ຂາຍຢາ ມ້າ, ຢາເມົາ, ສໍ້ລາດບັງຫລວງ, ບໍ່ສັດບໍ່ຊື່ເສຍພັນທະອາກອນ, ເກັບລາຍຮັບ ບໍ່ໄດ້ຕາມຄາດ ໝາຍ, ຜູ້ໄປຫາເລາະຈັບຈອ່ງ ເອົາດິນດອນຕອນຫຍ້າ, ນັບ ທັງພວກຫັນຊັບເປັນທຶນແບບບໍ່ ຖືກຕ້ອງກໍແມ່ນພາກັນຖືກຕັດ ຄໍ, ຢ້ານວ່າດັບໄປຫລາຍສົບ, ເງິນຄຳປະຖິ້ມໄວ້ຕາມຖະໜົນ ຫົນທາງຄືຊິບໍ່ມີຜູ້ເອົາ, ໄປທາງ ໃດ ເຫັນແຕ່ຄົນສັດຊື່ຢູ່ເຕັມບ້ານ ເຕັມເມືອງ, ອັນນີ້ຊິຊາຫຍັງຢູ່ ເຮືອນດີໆ ກໍມີຜູ້ໄປປຸ້ນຈີ້ເອົາ, ດິນ ດອນຕອນຫຍ້າຂອງເຮົາເອງ ແທ້ໆໝູ່ກໍຍັງມາຫລັກມາໂລບ, ມາຍາດ, ມາຊິງເອົາສຸດທ້າຍກໍ ພາກັນໄປຢູ່ບ້ານດົງອີ່ໂຊມັນໂລດປຸກປານຢາບ້ານຫອມ./.

ກ້າວສູ່ປີໃໝ່ພ້ອມກັນໃສ່ໃຈຕໍ່ຄວາມສັດຊື່ - WhatsApp Image 2020 05 27 at 5 - ກ້າວສູ່ປີໃໝ່ພ້ອມກັນໃສ່ໃຈຕໍ່ຄວາມສັດຊື່
ກ້າວສູ່ປີໃໝ່ພ້ອມກັນໃສ່ໃຈຕໍ່ຄວາມສັດຊື່ - WhatsApp Image 2020 05 27 at 5 - ກ້າວສູ່ປີໃໝ່ພ້ອມກັນໃສ່ໃຈຕໍ່ຄວາມສັດຊື່
error: Alert: ເນື້ອຫາຂ່າວມີລິຂະສິດ !!