ລາວ-ສະຫະລັດອາເມລິກາພົບປະຫາລືການພັດທະນາລັດແຫ່ງກົດໝາຍຂອງ ສປປ ລາວ

ລາວ-ສະຫະລັດອາເມລິກາພົບປະຫາລືການພັດທະນາລັດແຫ່ງກົດໝາຍຂອງ ສປປ ລາວ - Photo 1 - ລາວ-ສະຫະລັດອາເມລິກາພົບປະຫາລືການພັດທະນາລັດແຫ່ງກົດໝາຍຂອງ ສປປ ລາວ
ລາວ-ສະຫະລັດອາເມລິກາພົບປະຫາລືການພັດທະນາລັດແຫ່ງກົດໝາຍຂອງ ສປປ ລາວ - Untitled design - ລາວ-ສະຫະລັດອາເມລິກາພົບປະຫາລືການພັດທະນາລັດແຫ່ງກົດໝາຍຂອງ ສປປ ລາວ

ຄະນະຜູ້ແທນຂັ້ນສູງແຫ່ງ ລັດຖະສະພາ ສ.ອາເມລິກາ ໄດ້ມາຢ້ຽມຢາມນະຄອນຫຼວງວຽງຈັນໃນວັນທີ 2-3 ເມສາ 2018 ແລະ ຍັງໄດ້ເຂົ້າພົບປະກັບຜູ້ຕາງໜ້າລັດຖະບານລາວໃນວັນທີ 3 ເມສາ ເພື່ອປຶກສາຫາລືການເພີ່ມທະວີຮ່ວມມືໃນຂົງເຂດປ້ອງກັນຊາດປ້ອງກັນຄວາມສະຫງົບ ແລະ ການບັງຄັບໃຊ້ກົດໝາຍ.

ທ່ານນາງ Jackie Speier ສະມາຊິກລັດຖະສະພາເພດຍິງ ເຊິ່ງເປັນຕົວແທນໃຫ້ແກ່ພັກເດໂມແຄັດຈາກລັດຄາລິຟໍເນັຍ, ລັດຖະສະພາເຂດ 14th. ທ່ານເປັນສະມາຊິກອາວຸໂສ ຂອງກຳມາທິການການທະຫານຂອງລັດຖະສະພາ ສ.ອາເມລິກາ ເຊິ່ງເປັນຜູ້ຮັບຜິດຊອບຫຼັກທາງດ້ານງົບປະມານ ແລະ ເບິ່ງແຍງວຽກງານກະຊວງປ້ອງກັນປະເທດ ຂອງ ສ.ອາເມລິກາ. ໄດ້ເຂົ້າພົບປະທ່ານ ສະເຫຼີມໄຊ ກົມມະສິດ ລັດຖະມົນຕີ ກະຊວງການຕ່າງປະເທດ ເພື່ອຫາລືການເພີ່ມທະວີການຮ່ວມມືແບບກວມລວມລະຫວ່າງສະຫະລັດອາເມລິກາ ແລະ ສປປ ລາວ ເຊິ່ງທ່ານທັງສອງຍັງໄດ້ແລກປ່ຽນຄວາມຄິດຄຳເຫັນກ່ຽວກັບຄວາມໝັ້ນຄົງໃນຂົງເຂດພາກພື້ນ ແລະ ສາກົນ. ນອກຈາກນີ້, ທ່ານຜູ້ແທນ Speier ຍັງໄດ້ຮັບຮູ້ເຖິງຄວາມຄືບໜ້າຂອງການຮ່ວມມືສອງຝ່າຍໃນການສົ່ງເສີມ ແລະ ພັດທະນາ ລັດແຫ່ງກົດໝາຍ, ການຕ້ານການສໍ້ລາດບັງຫຼວງ, ການຮ່ວມມືເພື່ອຊ່ວຍ ສປປ ລາວ ບັນລຸເປົ້າໝາຍການພັດທະນາແບບຍືນຍົງ ເພື່ອຊ່ວຍໃຫ້ຊີວິດຂອງປະຊາຊົນລາວມີຄວາມປອດໄພ ແລະ ເພື່ອຊ່ວຍຫຼຸດຜ່ອນບັນຫາລະເບີດບໍ່ທັນແຕກເຊິ່ງເປັນໜຶ່ງໃນອຸປະສັກຂອງການພັດທະນາແຫ່ງຊາດກ່ອນປີ 2030.

ຈາກນັ້ນຄະນະຜູ້ແທນດັ່ງກ່າວຍັງໄດ້ມີໂອກາດໄດ້ສຳພັດກັບວັດທະນະທຳອັນສຳຄັນຂອງປະຊາຊົນລາວບັນດາເຜົ່າ ເຊິ່ງທ່ານໄດ້ເຂົ້າຢ້ຽມຊົມ ວັດສີສະເກດ, ຮຽນຮູ້ກ່ຽວກັບການຕໍ່າແຜ່ນແພພື້ນເມືອງຂອງ ສປປ ລາວ ແລະ ຮ່ວມໃສ່ບາດທີ່ວັດສີເມືອງ. ກິດຈະກຳດັ່ງກ່າວໄດ້ສະແດງໃຫ້ເຫັນເຖິງຄວາມສຳພັນແໜ້ນແຟ້ນທາງດ້ານສັງຄົມ-ວັດທະນະທຳລະຫວ່າງປະຊາຊົນຂອງທັງສອງປະເທດອີກດ້ວຍ.

ລາວ-ສະຫະລັດອາເມລິກາພົບປະຫາລືການພັດທະນາລັດແຫ່ງກົດໝາຍຂອງ ສປປ ລາວ - Wave100S AD to Website 2020 0 - ລາວ-ສະຫະລັດອາເມລິກາພົບປະຫາລືການພັດທະນາລັດແຫ່ງກົດໝາຍຂອງ ສປປ ລາວ

ທ່ານອຸປະທູດ ໄມໂຄ ຄລາຍ ກ່າວວ່າ: ນີ້ເປັນຄັ້ງທີສາມທີ່ຜູ້ນຳລະດັບສູງຂອງ ສະຫະລັດອາເມລິກາ ໄດ້ມາຢ້ຽມຢາມ ສປປ ລາວ ໃນປີນີ້ ແລະ ໄດ້ສະແດງໃຫ້ເຫັນເຖິງຄວາມມຸ່ງໝັ້ນໃນການສະໜັບສະໜຸນການຮ່ວມມືແບບກວມລວມລະຫວ່າງສະຫະລັດອາເມລິກາ ແລະ ສປປ ລາວ ແລະ ຄວາມໝາຍໝັ້ນໃນການຮັດແໜ້ນສາຍພົວພັນລະຫວ່າງສອງຊາດ.

ລາວ-ສະຫະລັດອາເມລິກາພົບປະຫາລືການພັດທະນາລັດແຫ່ງກົດໝາຍຂອງ ສປປ ລາວ - WhatsApp Image 2020 05 27 at 5 - ລາວ-ສະຫະລັດອາເມລິກາພົບປະຫາລືການພັດທະນາລັດແຫ່ງກົດໝາຍຂອງ ສປປ ລາວ
ລາວ-ສະຫະລັດອາເມລິກາພົບປະຫາລືການພັດທະນາລັດແຫ່ງກົດໝາຍຂອງ ສປປ ລາວ - WhatsApp Image 2020 05 27 at 5 - ລາວ-ສະຫະລັດອາເມລິກາພົບປະຫາລືການພັດທະນາລັດແຫ່ງກົດໝາຍຂອງ ສປປ ລາວ
error: Alert: ເນື້ອຫາຂ່າວມີລິຂະສິດ !!