ລມຕ ພະລັງານ-ບໍ່ແຮ່ ຍອມຮັບການຊີ້ນໍາ-ນໍາພາຂະແໜງຫລາຍດ້ານຍັງອ່ອນ

ລມຕ ພະລັງານ-ບໍ່ແຮ່ ຍອມຮັບການຊີ້ນໍາ-ນໍາພາຂະແໜງຫລາຍດ້ານຍັງອ່ອນ - khammany - ລມຕ ພະລັງານ-ບໍ່ແຮ່ ຍອມຮັບການຊີ້ນໍາ-ນໍາພາຂະແໜງຫລາຍດ້ານຍັງອ່ອນ
ລມຕ ພະລັງານ-ບໍ່ແຮ່ ຍອມຮັບການຊີ້ນໍາ-ນໍາພາຂະແໜງຫລາຍດ້ານຍັງອ່ອນ - AGL banner - ລມຕ ພະລັງານ-ບໍ່ແຮ່ ຍອມຮັບການຊີ້ນໍາ-ນໍາພາຂະແໜງຫລາຍດ້ານຍັງອ່ອນ

ທ່ານລັດຖະມົນຕີກະຊວງພະລັງງານ ແລະ ບໍ່ແຮ່ ໄດ້ສະຫລຸບຕີລາຄາການເຄື່ອນໄຫວວຽກງານຂອງຂະແໜງການຂອງຕົນໃນໄລຍະໜຶ່ງປີຜ່ານມາວ່າ: ເຖິງວ່າພວກເຮົາ​ໄດ້​ຮັບ​ຜົນສຳ​ເລັດ​ໃນ​ການ​ພັດທະນາ​ອຸດສາຫະກຳ​ພະລັງງານ ແລະ ບໍ່ແຮ່ມາ​ຕໍ່​ເນື່ອງຄື: ມາ​ຮອດ​ປັດຈຸບັນ, ທົ່ວ​ປະ​ເທດມີ​ແຫ​ລ່ງຜະລິດ​ໄຟຟ້າ​ແລ້ວ 53 ​ແຫ່ງ, ລວມມີກຳລັງ​ຕິດຕັ້ງທັງໝົດ 7.082 ເມກາວັດ (MW) ແລະ ສາມາດ​ຜະລິດ​ກະ​ແສ​ໄຟຟ້າ​ໄດ້​ປະມານ 37.028 ລ້ານກິໂລວັດໂມງ (kWh) ຕໍ່ປີ, ນອກນີ້, ​ຍັງ​ມີ​ແຫ​ລ່ງຜະລິດ​​ໄຟຟ້າ​ທີ່ພວມ​ກໍ່ສ້າງ ​ແລະ ກຳລັງ​ຈະ​ລົງມື​ກໍ່ສ້າງອີກ 47 ​ແຫ່ງ, ເຊິ່ງທັງໝົດນີ້ຄາດ​​ວ່າ​ຈະໃຫ້​ສໍາ​ເລັດໃນປີ 2020-2021 ​ໃນ​ນີ້​ປະມານ 85% ແມ່ນ​ສົ່ງ​ອອກ​ໄປ​​​ຕ່າງປະ​ເທດ. ສ່ວນດ້ານບໍ່​ແຮ່ ແມ່ນຢູ່​ໃນ​ຂັ້ນຕອນ​ການ​ກໍ່ສ້າງ ​ແລະ ຂຸດ​ຄົ້ນປຸງ​ແຕ່ງ​ແຮ່​ທາດມີ 77 ບໍລິສັດ 138 ກິດຈະການ, ​ໃນ​ນັ້ນ 26 ບໍລິສັດ 40 ກິດຈະການຢູ່​ໃນ​ໄລຍະ​ຊອກ​ຄົ້ນ ແລະ 64 ບໍລິສັດ 117 ກິດຈະການຢູ່​ໃນ​ໄລຍະ​ສຳ​ຫລວດ ແລະ 77 ກິດຈະການ​ຢູ່ໃນໄລຍະ​ສ້າງ​ບົດ​ວິພາກ​ເສດຖະກິດ​-ເຕັກນິກ, ອີກ 35 ກິດຈະການຢູ່​ໃນ​ໄລຍະ​ການ​ກໍ່ສ້າງ​ບໍ່​ແຮ່ ​ແລະ ​ໂຮງງານ​ປຸງ​ແຕ່ງ​ແຮ່​ທາດ ແລະ 103 ກິດຈະການຢູ່​ໃນ​ໄລຍະ​ການ​ຂຸດ​ຄົ້ນ ​ແລະ ປຸງ​ແຕ່ງ​ແຮ່​ທາດ ເຊັ່ນ: ​ແຮ່​ຄຳ, ​​ເງິນ, ​​ທອງ, ​​ນິ​ແກນ, ​​ໂກ​ບານ​, ​ກົ່ວ, ​ຊືນ, ​ສັງກະສີ, ​​ບົກ​ຊິດ, ​​ເຫລັກ, ​​ອັງ​ຕີ​ມອນ, ​​ເຣນຽມ, ​​ບາຣິດ, ຖ່ານ​ຫີນ, ​ເກືອ​ໂປ​ຕາດ, ​​ຟົດ​​ຟາດ, ​ແກ້ວ​ປະ​ເສີດ (​ແກ້ວ​ຊັບ​ຟາຍ, ​ແກ້ວນາງ​ຝານ), ຫີນ​ກາວ, ຫີນ​ປູນ, ດິນ​ໜຽວ, ນ້ຳມັນ ​ແລະ ອາຍ​ແກັສທຳ​ມະ​ຊາດ.

ທ່ານລັດຖະມົນຕີ ໃຫ້ຮູ້ວ່າ: ຄຽງຄູ່ຜົນງານສໍາເລັດດັ່ງກ່າວ, ຂະແໜງການ ພະລັງງານ-ບໍ່ແຮ່ ກໍພົບ​ຄວາມ​ຫຍຸ້ງຍາກຫລາຍດ້ານ, ເຊິ່ງ​ຕົ້ນຕໍແມ່ນມາຈາກການສຶກສາ​ອົບຮົມ​ທາງ​ດ້ານການເມືອງ​ແນວ​ຄິດ​ໃຫ້​ຖັນ​ແຖວ​ພະນັກງານ, ສະມາຊິກ​ພັກ​​ບໍ່​ທັນ​ໜັກ​ແໜ້ນ, ເລິກເຊິ່ງ ​ແລະ ທົ່ວ​ເຖິງ, ການ​ປັບປຸງ​ການຈັດຕັ້ງຢູ່​ບາງ​ບ່ອນ​ມີ​ຄວາມ​ຊັກ​ຊ້າ ​ແລະ ບໍ່​ເດັດຂາດ, ​ເຮັດ​ໃຫ້​ສະມາຊິກພັກ-ພະນັກງານ​ມີ​ແນວ​ຄິດໄຂວເຂວ, ການ​ເຄື່ອນ​ໄຫວ​ວຽກ​ງານ​ກວດກາ​ຢູ່​ພາຍ​ໃນ​ຂະ​ແໜງ​ການ​ຍັງ​ບໍ່​ທັນ​ເຂັ້ມງວດ ແລະ ເມື່ອ​ກວດ​ເຫັນ​ແລ້ວການ​ແກ້​ໄຂກໍ​ຊ້າ ​ແລະ ບໍ່​​ເດັດຂາດ, ການຕິດຕາມກວດກາການ​ເຄື່ອນ​ໄຫວ​ຂອງ​ບັນດາ​ໜ່ວຍ​ພັກ, ຂະ​ແໜງ​ການ, ໜ່ວຍ​ງານ, ບັນດາ​ໂຄງການ ​ແລະ ທ້ອງ​ຖິ່ນ​​ຍັງ​ບໍ່​ໄດ້​ດີ, ມີລັກສະນະ​​ເຮັດ​ແບບ​ລວມໆ, ​ບໍ່​ມີ​ຈຸດ​ສຸມລະອຽດ, ຈຶ່ງພາ​ໃຫ້ການ​ກຳ​ສະພາບ​ຢູ່​ຮາກ​ຖານ​ບໍ່​ລະອຽດ, ຮອບດ້ານ ​ແລະ ປະສິດທິ​ຜົນ​ບໍ່​ສູງ​, ​ເຊິ່ງທັງໝົດ​ນີ້ແມ່ນ​ອຸປະສັກຕົ້ນຕໍ​ຂອງການຊີ້ນໍາ-​ນຳພາ​ການ​ພັດທະນາ​ໃນຂະແໜງພວກເຮົາ ແລະ ສົ່ງຜົນສະທ້ອນຕາມມາກໍຄື​ເກີດ​ມີ​ສະພາບ​​ພັດທະນາ​ແຫ​ລ່ງຜະລິດ​ໄຟຟ້າ​ບໍ່​ດຸ່ນດ່ຽງ​ກັບ​ການ​ພັດທະນາ​ສາຍ​ສົ່ງ ​ແລະ ຕະຫລາດ​ຮອງ​ຮັບ, ​ມີ​ສະພາບ​ໄຟ​ເຫລືອ​ບໍ່ພໍ​ໃນ​ບາງ​ຊ່ວງ ​ແລະ ສະພາບ​​ດ້ານ​ການ​ເງິນ​ມີ​ຄວາມ​ຫຍຸ້ງຍາກ ແລະ ຕະຫລາດ​ຈຳໜ່າຍ​ກະ​ແສ​ໄຟຟ້າ​ມີຂໍ້​ຈຳກັດ​ຫລາຍ​ດ້ານ ແລະ ບັນຫາອື່ນໆອີກ.

ລມຕ ພະລັງານ-ບໍ່ແຮ່ ຍອມຮັບການຊີ້ນໍາ-ນໍາພາຂະແໜງຫລາຍດ້ານຍັງອ່ອນ - Wave100S AD to Website 2020 0 - ລມຕ ພະລັງານ-ບໍ່ແຮ່ ຍອມຮັບການຊີ້ນໍາ-ນໍາພາຂະແໜງຫລາຍດ້ານຍັງອ່ອນ
ລມຕ ພະລັງານ-ບໍ່ແຮ່ ຍອມຮັບການຊີ້ນໍາ-ນໍາພາຂະແໜງຫລາຍດ້ານຍັງອ່ອນ - WhatsApp Image 2020 05 27 at 5 - ລມຕ ພະລັງານ-ບໍ່ແຮ່ ຍອມຮັບການຊີ້ນໍາ-ນໍາພາຂະແໜງຫລາຍດ້ານຍັງອ່ອນ
ລມຕ ພະລັງານ-ບໍ່ແຮ່ ຍອມຮັບການຊີ້ນໍາ-ນໍາພາຂະແໜງຫລາຍດ້ານຍັງອ່ອນ - WhatsApp Image 2020 05 27 at 5 - ລມຕ ພະລັງານ-ບໍ່ແຮ່ ຍອມຮັບການຊີ້ນໍາ-ນໍາພາຂະແໜງຫລາຍດ້ານຍັງອ່ອນ
ລມຕ ພະລັງານ-ບໍ່ແຮ່ ຍອມຮັບການຊີ້ນໍາ-ນໍາພາຂະແໜງຫລາຍດ້ານຍັງອ່ອນ - WhatsApp Image 2020 05 27 at 5 - ລມຕ ພະລັງານ-ບໍ່ແຮ່ ຍອມຮັບການຊີ້ນໍາ-ນໍາພາຂະແໜງຫລາຍດ້ານຍັງອ່ອນ
ລມຕ ພະລັງານ-ບໍ່ແຮ່ ຍອມຮັບການຊີ້ນໍາ-ນໍາພາຂະແໜງຫລາຍດ້ານຍັງອ່ອນ - WhatsApp Image 2020 05 27 at 5 - ລມຕ ພະລັງານ-ບໍ່ແຮ່ ຍອມຮັບການຊີ້ນໍາ-ນໍາພາຂະແໜງຫລາຍດ້ານຍັງອ່ອນ
error: Alert: Content is protected !!