ປະຊາຊົນແຂວງຫົວພັນໄດ້ຊົມໃຊ້ໄຟຟ້າກວມ 74,18% ຂອງຈຳນວນບ້ານທັງໝົດ
ແຂວງຫົວພັນ ເຖິງວ່າຈະ ເປັນແຂວງພູດອຍສູງຊັນຂອງ ປະຊາຊົນຢູ່ກະແຈກກະຈາຍ. ພື້ນຖານໂຄງລ່າງ (ເສັ້ນທາງ ຄົມມະນາຄົມ) ກໍຍັງບໍ່ມີຄວາມ ສະດວກ, ແຕ່ລັດວິສາຫະກິດ ໄຟຟ້າລາວ ສາຂາ ແຂວງຫົວ ພັນ ກໍໄດ້ເອົາໃຈໃສ່ຂະຫຍາຍ ຕາຂ່າຍໄຟຟ້າໃຫ້ໄປ ຮອດໄປ ເຖິງປະຊາຊົນ. ປັດຈຸບັນທົ່ວ ແຂວງມີບ້ານໄດ້ຊົມໃຊ້ໄຟຟ້າ ແລ້ວກວມ 77,18% ຂອງຈໍາ ນວນບ້ານທັງໝົດ 723 ບ້ານ ແລະ ປະມານ 74,55% ຂອງ ຈໍານວນຄອບຄົວທັງໝົດ.
+ ປີຜ່ານມາປະຊາຊົນທຸກຍາກຢູ່ແຂວງຄຳມ່ວນ ໄດ້ຊົມໃຊ້ໄຟຟ້າ 3.800 ກວ່າຄອບຄົວ
+ ລມຕ ພະລັງານ-ບໍ່ແຮ່ ຍອມຮັບການຊີ້ນໍາ-ນໍາພາຂະແໜງຫລາຍດ້ານຍັງອ່ອນ
ທ່ານ ບຸນຮຽງ ດວງບຸດ ທອງ ຫົວໜ້າລັດວິສາຫະກິດໄຟ ຟ້າລາວ ສາຂາແຂວງຫົວພັນ ໃຫ້ ສໍາພາດຮູ້ວ່າ: ໃນປີ 2017 ຜ່ານມານີ້, ວິສາຫະກິດໄຟຟ້າ ລາວ ສາຂາແຂວງຫົວພັນ ໄດ້ ບໍລິການ ຕິດຕັ້ງໄຟຟ້າເຂົ້າເຮືອນ ປະຊາຊົນໄດ້ຕື່ມອີກ 418 ຫລັງ ຄາເຮືອນ, ຕົກເປັນມູນຄ່າ 516 ລ້ານກວ່າກີບ. ໃນນີ້, ລັດວິສາຫະ ກິດໄຟຟ້າລາວໄດ້ຊ່ວຍ ເຫລືອລ້າ ປະເພດກົງເຕີ ແລະ ອຸປະກອນຫົວ ເສົາຕົກເປັນມູນຄ່າ 264 ລ້ານກີບ ແລະ ທັງໝົດແມ່ນໄຟຟ້າລາວ ເປັນຜູ້ລົງທຶນກ່ອນ ແລະ ນອກ ນັ້ນ, ລັດວິສາຫະກິດໄຟຟ້າລາວ ຍັງໄດ້ມີນະໂຍບາຍໃຫ້ຄອບຄົວ ທຸກຍາກໃນການຕິດຕັ້ງໄຟຟ້າ ໃນ ຄົວເຮືອນ ແລະ ໃຫ້ຊໍາລະຄືນ ໃຫ້ໄຟຟ້າລາວພຽງ 20.000 ກີບຕໍ່ເດືອນ (ໃນໄລຍະ 35 ເດືອນ) ແລະ ທັງຄ່າກະແສໄຟ ຟ້າປະຈໍາເດືອນທີ່ຕົນເອງໃຊ້, ເພື່ອແນໃສ່ຊຸກຍູ້ໃຫ້ປະຊາຊົນ ຜູ້ດ້ອຍໂອກາດ ໄດ້ຊົມໃຊ້ໄຟຟ້າ ແລະ ມີເງື່ອນໄຂນໍາໃຊ້ເຂົ້າໃນ ການຜະລິດພັດທະນາເສດຖະ ກິດຄອບຄົວດີຂຶ້ນ.
ພ້ອມນີ້, ຍັງໄດ້ເອົາໃຈໃສ່ ຄຸ້ມຄອງບໍາລຸງຮັກສາສ້ອມ ແປງ ສາຍສົ່ງ, ຕາຂ່າຍແຮງກາງ, ແຮງຕໍ່າ, ໝໍ້ແປງ ແລະ ໝໍ້ ນັບໄຟ ຈໍານວນ40.416 ໜ່ວຍ.
ສໍາລັບປີ 2018 ລັດວິສາ ຫະກິດໄຟຟ້າລາວສາຂາ ແຂວງ ຫົວພັນໄດ້ສົມທົບກັບພະແນກ ພະລັງງານ ແລະ ບໍ່ແຮ່ແຂວງ ຊຸກຍູ້ບັນດາໂຄງການພັດທະນາ ພະລັງງານໄຟຟ້າທີ່ພວມດໍາ ເນີນຢູ່ປັດຈຸບັນຈຳນວນ 5 ໂຄງ ການສູ້ຊົນເອົາໄຟຟ້າເຂົ້າເຮືອນ ປະຊາຊົນໃຫ້ບັນລຸ 84,94% ຂອງຈໍານວນ ບ້ານ ທັງໝົດ ແລະ 83,49% ຂອງຄອບຄົວໃນ ທົ່ວແຂວງ. ປັດຈຸບັນແຂວງ ຫົວພັນມີ ແຫລ່ງຜະລິດໄຟຟ້າ ທີ່ພວມດໍາເນີນການກໍ່ສ້າງຄື: ເຂື່ອນໄຟຟ້ານໍ້າເປິນ 2 ມີກໍາ ລັງຕິດຕັ້ງ 25 ເມກາວັດຄາດ ວ່າທ້າຍປີ 2018 ນີ້ ຈະສໍາ ເລັດ; ເຂື່ອນໄຟຟ້ານໍ້າສິມມີ ກໍາລັງຕິດຕັ້ງ 9 ເມກາວັດຈະ ເປີດນໍາໃຊ້ທ້າຍປີນີ້; ສ່ວນ ເຂື່ອນໄຟຟ້ານໍ້າຮາວມີກໍາລັງ ຕິດຕັ້ງ 15 ເມກາວັດ, ເຂື່ອນໄຟ ຟ້ານໍ້າຊໍາ 3 ກໍາລັງຕິດຕັ້ງ 156 ເມກາວັດ ແລະ ໂຮງໄຟຟ້າ ຄວາມຮ້ອນມີກຳລັງການຕິດ ຕັ້ງທັງໝົດ 600 ເມກາວັດ. ນອກຈາກນີ້, ລັດວິສາຫະກິດ ໄຟຟ້າລາວ ສາຂາແຂວງຫົວ ພັນກໍພວມເລັ່ງກໍ່ສ້າງສາຍສົ່ງ ແລະ ສະຖານີໄຟຟ້າ 230 ກິໂລ ໂວນຢູ່ຊໍາໃຕ້, ສະຖານີໄຟຟ້າ 500 ກິໂລໂວນ ຢູ່ສະເຫລີ້ຍ, ໂຄງການກໍ່ສ້າງສາຍສົ່ງ ແລະ ສະຖານີໄຟຟ້າ 115 ກິ ໂລໂວນ ທີ່ບ້ານກໍຮິ້ງ, ເມືອງຮ້ຽມ ແລະ ໂຄງການກໍ່ສ້າງສາຍສົ່ງ ແລະ ສະຖານີໄຟ ຟ້າ 115 ກິໂລໂວນ ຊໍາເໜືອ-ຊຽງຄໍ້ກໍຈະໃຫ້ສໍາ ເລັດລົງໂດຍໄວ.
