ເປັນຫວ່ງໂຮງຮຽນພາກເອກະຊົນສວຍໂອກາດພັກຍາວໃນວັນບຸນຕ່າງໆ

ໂດຍ: ທ່ຽງທຳ    

ສະບາຍດີ, ເພື່ອນຜູ້ອ່ານທີ່ ຮັກແພງ, ເມື່ອຈະຮອດງານບຸນ ໃຫຍ່ໃດຂອງຊາດ, ກອງບັນນາ ທິການກໍຈະໄດ້ຮັບໂທລະສັບ ຈາກເພື່ອນຜູ້ອ່ານທີ່ໄດ້ສະແດງ ໂຕເປັນຜູ້ປົກຄອງຂອງນັກ ຮຽນ ຢູ່ໂຮງຮຽນເອກະຊົນບາງແຫ່ງ ສະເໜີມາວ່າ: ຢາກໃຫ້ສື່ມວນ ຊົນສ່ອງແສງໃຫ້ຜູ້ເຮັດວຽກ ງານມະຫາພາກຂອງຂະແໜງ, ສຶກສາຮູ້ແດ່ວ່າ: ໃນແຕ່ລະ ເດືອນ, ແຕ່ລະເທີມ ຮຽນຄອບ ຄົວຜູ້ປົກຄອງນັກຮຽນ ໄດ້ມອບ ຄ່າຮຽນຢ່າງຄົບຖ້ວນ ແລະ ເປັນປົກກະຕິເພື່ອຫວັງໃຫ້ ລູກໃຫ້ຫລານໄດ້ສຶກສາຮ່ຳ ຮຽນເຕັມເມັດເຕັມໜ່ວຍ, ແຕ່ ບໍ່ຮູ້ວ່າດ້ວຍເຫດ ຜົນໃດພໍຮອດ ງານບຸນ ຫລື ເທດສະການ ຕ່າງໆ ແມ່ນທາງໂຮງຮຽນ ຈັດ ພັກຮຽນເປັນອາທິດຂຶ້ນ ໄປໂລດ ເຊັ່ນວ່າ: ວັນຄູກໍພັກຍາວ, ວັນແມ່ ຍິງ, ວັນກຳມະກອນ, ວັນເດັກ ສາກົນກໍພັກຍາວ, ຕະຫລອດ ໄປຮອດບຸນປະເພນີ ດ່ັງບຸນ ທາດຫລວງ, ບຸນເຂົ້າພັນສາ, ອອກພັນສາ, ຕະຫລອດຮອດ ວັນຄຣິດສະມາດ, ປີໃໝ່ ສາກົນ ກໍພັກຍາວນັບເປັນ 5 ມື້ 10 ມື້, ຖ້າແມ່ນບຸນປີໃໝ່ລາວ ເຊິ່ງພັກ ຍາວຢູ່ແລ້ວແຕ່ເພິ່ນກໍຈະບວກ ຕື່ມຢ່າງໜ້າຕົກໃຈໂດຍສະ ເລຍແລ້ວປີໜຶ່ງໆ, ພຽງແຕ່ວັນ ພັກດັ່ງກ່າວ ເຊິ່ງຍັງບໍ່ທັນໄລ່ເຖິງ ວັນພັກພາກຮຽນ, ເທີມຮຽນກໍ ຈະໝົດໄປແລ້ວ ເປັນເດືອນສອງ ເດືອນມັນບໍ່ກຸ້ມຄ່າເສີຍຕໍ່ການ ຈ່າຍຄ່າຮຽນທີ່ມີຈຳນວນຫລາຍ ສູງກວ່າຫລາຍເທົ່າຂອງໂຮງ ຮຽນພາກລັດເຮົາໃນຈຸດນີ້ກໍຂໍ ນຳສະເໜີໃຫ້ພາກສ່ວນກ່ຽວ ຂ້ອງກະຊວງສຶກສາທິການ ແລະ ກິລາກວດກາຄືນຖ້າເປັນ ແນວໃດກໍຕ້ອງມີມາດຕະການ ຄຸ້ມຄອງກວດກາໃຫ້ຖືກຕ້ອງ ເພື່ອຜົນປະໂຫຍດຂອງປະຊາ ຊົນເຮົາ, ໃນຂະນະທີ່ປີໃໝ່ລາວ ນີ້ໄດ້ມີໂຮງຮຽນພາກເອກະຊົນ ຈຳນວນໜຶ່ງໄດ້ປະກາດມາແລ້ວ ວ່າຈະພັກຮຽນແຕ່ວັນທີ 13 ໄປ ຈົນຮອດວັນທີ 22 ເມສາພຸ້ນ, ທັງໆທີ່ລັດຖະບານເຮົາກໍໄດ້ມີ ແຈ້ງການ ແລະ ການກຳນົດລະ ອຽດແລ້ວເຖິງວັນພັກລັດຖະ ການໃນວັນສຳຄັນຕ່າງໆ ຂອງ ຊາດສູງສຸດກໍບໍ່ເກີນ 3 ວັນຖ້າຖືກ ວັນເສົາ, ວັນອາທິດກໍພຽງຈະ ໄດ້ພັກຊົດເຊີຍຕື່ມເທົ່ານັ້ນ.
ເອາລະເວົ້າມາກໍຫລາຍ ຫວັງວ່າພາກສ່ວນກ່ຽວຂ້ອງ ຈະເຫັນໃຈເພື່ອມີການແກ້ໄຂສິ່ງ ບໍ່ສົມເຫດສົມຜົນດັ່ງກ່າວໃຫ້ ໝົດໄປ./.

+ ຫລວງພະບາງກຽມສະຫລອງບຸນປີໃໝ່ລາວຢ່າງຍິ່ງໃຫຍ່ຕ້ອນຮັບປີທ່ອງທ່ຽວລາວ

+ ກ້າວສູ່ປີໃໝ່ພ້ອມກັນໃສ່ໃຈຕໍ່ຄວາມສັດຊື່