ທ່ານ ສອນ​ໄຊ ສີ​ພັນ​ດອນ ​ເຄື່ອນ​ໄຫວ​ຢ້ຽມຢາມແຂວງ​ສາລະ​ວັນ

ທ່ານ ສອນ​ໄຊ ສີ​ພັນ​ດອນ ​ເຄື່ອນ​ໄຫວ​ຢ້ຽມຢາມແຂວງ​ສາລະ​ວັນ - 666 - ທ່ານ ສອນ​ໄຊ ສີ​ພັນ​ດອນ ​ເຄື່ອນ​ໄຫວ​ຢ້ຽມຢາມແຂວງ​ສາລະ​ວັນ
ທ່ານ ສອນ​ໄຊ ສີ​ພັນ​ດອນ ​ເຄື່ອນ​ໄຫວ​ຢ້ຽມຢາມແຂວງ​ສາລະ​ວັນ - Untitled design - ທ່ານ ສອນ​ໄຊ ສີ​ພັນ​ດອນ ​ເຄື່ອນ​ໄຫວ​ຢ້ຽມຢາມແຂວງ​ສາລະ​ວັນ

​ໃນ​ວັນ​ທີ 3 ເມສາຜ່ານ​ມາ​ນີ້, ທ່ານ ສອນ​ໄຊ​ ສີ​ພັນ​ດອນ ຮອງ​ນາຍົກລັດຖະມົນຕີ ພ້ອມ​ດ້ວຍ​ຄະນະ, ​ໄດ້ສືບຕໍ່ເຄື່ອນ​ໄຫວ​ຢ້ຽມຢາມ ​ແລະ ​ເຮັດ​ວຽກຢູ່ແຂວງສາລະວັນ​, ເຊິ່ງມີທ່ານ ສີສຸວັນ ວົງຈອມສີ ​ເຈົ້າ​ແຂວງສາລະວັນພ້ອມ​ດ້ວຍ​ຄະນະພັກ-ຄະນະນຳແຂວງ​ໃຫ້ການຕ້ອນຮັບຢ່າງອົບອຸ່ນ.

​​ໃນ​ໂອກາດ​ດັ່ງກ່າວ, ທ່ານຮອງເຈົ້າແຂວງສາລະວັນ ໄດ້ລາຍງານກ່ຽວກັບການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ X ຂອງພັກ ​ແລະ ​ແຜນ​ພັດທະນາ​ເສດຖະກິດ-ສັງຄົມ​ ໃຫ້​ທ່ານ​ຮອງ​ນາຍົກລັດຖະມົນຕີຊາບວ່າ: ໃນໄລຍະ 1 ປີຜ່ານມາ ເຫັນວ່າເສດຖະກິດມີການຂະຫຍາຍຕົວໃນລະດັບ 7,5%, ພົນລະ​ເມືອງ​ຜູ້​ໜຶ່ງ​ມີ​ລາຍ​ຮັບ​ໂດຍຄິດສະເລ່ຍ 9,58 ລ້ານກີບ​ເທົ່າ​ກັບ 1.197 ໂດລາສະຫະລັດຕໍ່ປີ, ດ້ານການລົງທຶນມີມູນຄ່າກວ່າ 1.500 ຕື້ກີບລື່ນແຜນການ 19,12%, ສາມາດເກັບລາຍຮັບເຂົ້າງົບປະມານໄດ້ຕາມແຜນການກວ່າ 149 ຕື້ກີບ, ສະເພາະ 3 ເດືອນຕົ້ນປີ 2018 ສາມາດເກັບລາຍຮັບໄດ້ 28 ຕື້ກວ່າກີບເທົ່າກັບ 20,63% ຂອງ​ແຜນ. ສໍາລັບວຽກງານກໍ່ສ້າງຮາກຖານການເມືອງ ແລະ ແກ້ໄຂຄວາມທຸກຍາກ ແມ່ນໄດ້ສຸມໃສ່ການຈັດຕັ້ງປະຕິບັດວຽກງານ 3 ສ້າງຕິດພັນກັບການສ້າງບ້ານໃຫຍ່ໃຫ້ກາຍເປັນຕົວເມືອງນ້ອຍໃນຊົນນະບົດ ແລະ ການໂຮມເອົາບ້ານນ້ອຍມາເປັນບ້ານໃຫຍ່, ຊຶ່ງໄດ້ເຮັດໃຫ້ບ້ານທຸກຍາກຫລຸດລົງເຫລືອ 64 ບ້ານເທົ່າກັບ 11% ແລະ ຄອບຄົວທຸກຍາກຍັງເຫລືອ 4.200 ກວ່າຄອບຄົວກວມ 5,9%.

​ໂອກາດນີ້, ທ່ານ ສອນ​ໄຊ ສີພັນດອນ ກໍ​ໄດ້​ສະແດງຄວາມຍ້ອງຍໍຊົມເຊີຍຕໍ່ຜົນສຳເລັດທີ່ຄະນະພັກ-ອຳນາດການປົກຄອງ ​ແລະ ປະຊາຊົນແຂວງສາລະວັນ ຍາດມາໄດ້ໃນໄລຍະຜ່ານມາ ​ແລະ ພ້ອມນີ້, ທ່ານໄດ້ເນັ້ນໃຫ້ເອົາໃຈໃສ່ບາງບັນຫາຄື: ການສຸມໃສ່ຈັດຕັ້ງປະຕິບັດຄາດໝາຍສູ້ຊົນຂອງແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ XIII ໃນໄລຍະ 2 ປີກວ່າທີ່ຍັງເຫລືອໃຫ້ປາກົດຜົນເປັນຈິງ, ເອົາໃຈໃສ່ຄຸ້ມຄອງນຳໃຊ້ລະບົບອິນເຕີເນັດໃຫ້ເກີດປະໂຫຍດສູງສຸດ, ໂດຍສະເພາະນຳໃຊ້ເຂົ້າໃນການເກັບລາຍຮັບ, ການຄ້າ, ການບໍລິການ ແລະ ການລົງທຶນ, ເອົາໃຈໃສ່ເກັບກຳຂໍ້ມູນ ແລະ ຄຸ້ມຄອງທີ່ດິນ ເພື່ອເປັນຖານຂໍ້ມູນໃຫ້ແກ່ການພັດທະນາໃນຕໍ່ໜ້າ, ທັງເປັນການແກ້ໄຂບັນຫາການຈັບຈອງທີ່ດິນແບບຊະຊາຍ ​ແລະ ນຳໃຊ້​ໃຫ້ຍືນຍົງ, ປະຕິບັດນະໂຍບາຍການເພີ່ມພື້ນທີ່ປົກຫຸ້ມຂອງປ່າໃຫ້ໄດ້ 70% ໃນປີ 2020, ສົມທົບກັບກະຊວງ ແລະ ຂະແໜງການທີ່ກ່ຽວຂ້ອງ​ເອົາ​ໃຈ​ໃສ່ຄຸ້ມຄອງກວດກາການຈັດຕັ້ງປະຕິບັດຂອງບັນດາໂຄງການລົງທຶນພາຍໃນແຂວງ ຢ່າງເປັນລະບົບປົກກະຕິ, ມີແຜນການ ແລະ ມີລະບົບການລາຍງານທີ່ລະອຽດຊັດເຈນ, ເພີ່ມທະວີການຈັດຕັ້ງປະຕິບັດບັນດານິຕິກຳ ແລະ ລະບຽບກົດໝາຍທີ່ວາງອອກໃນແຕ່ລະໄລຍະຢ່າງເຄັ່ງຂັດ, ກວດກາຄືນການຈັດຕັ້ງປະຕິບັດວຽກງານຕ້ານການຄ້າມະນຸດ ແລະ ການໃຊ້ແຮງງານທີ່ບໍ່ຖືກຕ້ອງ, ຄົ້ນຄວ້າລະອຽດຕໍ່ກັບວຽກງານອະໄພຍະໂທດ ໂດຍການສົມທົບກັບພາກສ່ວນທີ່ກ່ຽວຂ້ອງ, ດ້ານວຽກງານທ່ອງທ່ຽວ ແມ່ນໃຫ້ເບິ່ງຄືນຕໍ່ກັບນັກທ່ອງທ່ຽວຂອງບັນດາປະເທດອ້ອມຂ້າງທີ່ເຫັນວ່າຍັງມີຈຳນວຍຫລາຍ ແລະ ມີເງື່ອນໄຂສະດວກໃນການມາທ່ອງທ່ຽວລາວ, ສຸມໃສ່ພັດທະນາການບໍລິການ ແລະ ປັບປຸງແຫລ່ງທ່ອງທ່ຽວໃຫ້ມີຫລາຍສີສັນໃໝ່, ໄດ້ມາດຕະຖານ ແລະ ມີຫລາຍກິດຈະກຳທີ່ສາມາດດຶງດູດນັກທ່ອງທ່ຽວໃຫ້ນັບມື້ຫລາຍຂຶ້ນ. ນອກນັ້ນໃຫ້ເອົາໃຈໃສ່ເຂົ້າໃນການປັບປຸງກົງຈັກການຈັດຕັ້ງ, ສຸມໃສ່ການຈັດຕັ້ງເປົ້າໝາຍການພັດທະນາແບບຍືນຍົງ (SDGs), ວຽກງານບົດບາດຍິງ-ຊາຍ, ການກໍ່ສ້າງຮາກຖານການເມືອງ ແລະ ແກ້ໄຂຄວາມທຸກຍາກຂອງປະຊາຊົນ ຕາມແນວທາງນະໂຍບາຍຂອງພັກ ແລະ ລັດຖະບານໃຫ້ປາກົດຜົນເປັນຈິງ.

ທ່ານ ສອນ​ໄຊ ສີ​ພັນ​ດອນ ​ເຄື່ອນ​ໄຫວ​ຢ້ຽມຢາມແຂວງ​ສາລະ​ວັນ - Wave100S AD to Website 2020 0 - ທ່ານ ສອນ​ໄຊ ສີ​ພັນ​ດອນ ​ເຄື່ອນ​ໄຫວ​ຢ້ຽມຢາມແຂວງ​ສາລະ​ວັນ

ຈາກນັ້ນ, ທ່ານ ສອນ​ໄຊ ສີພັນດອນ ​ແລະ ຄະນະ ກໍໄດ້ເດີນທາງໄປຕິດຕາມ ແລະ ຢ້ຽມຊົມຈຸດທີ່ຈະກໍ່ສ້າງໂຄງການຊົນລະກະເສດຫ້ວຍນ້ຳໃສ ທີ່ເມືອງສາລະວັນ ​ຫ່າງຈາກເທສະບານແຂວງໄປຕາມເສັ້ນທາງເລກ 20 ປະມານ 13 ກິໂລແມັດ, ເຊິ່ງເປັນໂຄງການທີ່ຮັບໃຊ້ໃຫ້ແກ່ການຜະລິດກະສິກຳຂອງປະຊາຊົນ ຈາກການສຶກສາຄວາມເປັນໄປໄດ້ຂອງໂຄງການເຫັນວ່າມັນໄດ້ກວມເອົາທັງໝົດ 42 ບ້ານ, ໃນນັ້ນມີ 3 ບ້ານຕ້ອງໄດ້ຍົກຍ້າຍອອກຈາກເຂດໂຄງການ, ຊົນລະກະເສດແຫ່ງນີ້​ເປັນອ່າງນ້ຳປະເພດເຂື່ອນຫີນ ແລະ ເບຕົງ ມີບໍລິມາດນ້ຳເຖິງ 123 ລ້ານແມັດກ້ອນ ແລະ ສາມາດຮັບປະກັນການສະໜອງນ້ຳໃຫ້ແກ່ເນື້ອທີ່ທຳການຜະລິດໄດ້ 2 ລະດູ. ນອກນີ້, ທ່ານຮອງນາຍົກລັດຖະມົນຕີ ພ້ອມຄະນະ ຍັງໄດ້ໄປຢ້ຽມຊົມແຫລ່ງທ່ອງທ່ຽວແບບອະນຸລັກຖ້ຳພູຜາສຸກ, ເຊິ່ງເປັນແຫລ່ງທ່ອງທ່ຽວທີ່ຫາກໍໄດ້ຄົ້ນພົບ, ບຸກເບີກ ແລະ ປັບປຸງຂຶ້ນມາໃໝ່ ຫ່າງຈາກເທສະບານແຂວງປະມານ 30 ກິໂລແມັດ ​ເຊິ່ງທາງແຂວງໄດ້ເນັ້ນໃຫ້ປົກປັກຮັກສາສິ່ງແວດລ້ອມໄວ້ໃຫ້ຫລາຍທີ່ສຸດ ເພື່ອໃຫ້ກາຍເປັນແຫລ່ງທ່ອງທ່ຽວທຳມະຊາດແບບອານຸລັກ ແລະ ມີຄວາມຍືນຍົງ.

ທ່ານ ສອນ​ໄຊ ສີ​ພັນ​ດອນ ​ເຄື່ອນ​ໄຫວ​ຢ້ຽມຢາມແຂວງ​ສາລະ​ວັນ - WhatsApp Image 2020 05 27 at 5 - ທ່ານ ສອນ​ໄຊ ສີ​ພັນ​ດອນ ​ເຄື່ອນ​ໄຫວ​ຢ້ຽມຢາມແຂວງ​ສາລະ​ວັນ
ທ່ານ ສອນ​ໄຊ ສີ​ພັນ​ດອນ ​ເຄື່ອນ​ໄຫວ​ຢ້ຽມຢາມແຂວງ​ສາລະ​ວັນ - WhatsApp Image 2020 05 27 at 5 - ທ່ານ ສອນ​ໄຊ ສີ​ພັນ​ດອນ ​ເຄື່ອນ​ໄຫວ​ຢ້ຽມຢາມແຂວງ​ສາລະ​ວັນ
error: Alert: ເນື້ອຫາຂ່າວມີລິຂະສິດ !!