ກຳປູເຈຍເຊີນຕ່າງປະເທດ ເຂົ້າຮ່ວມສັງເກດການເລືອກຕັ້ງ
ກຳປູເຈຍເຊີນຜູ້ສັງເກດການຕ່າງປະເທດເຂົ້າຮ່ວມສັງເກດການການເລືອກຕັ້ງທົ່ວໄປໃນເດືອນກໍລະກົດຈະເຖິງນີ້ ຕາມທີ່ກົດໝາຍກຳນົດ ໂດຍມີທ່າອ່ຽງວ່ານາຍົກລັດຖະມົນຕີ ຮຸນແຊນ ຈະຊະນະການເລືອກຕັ້ງ ຫລັງຈາກຍຸບພັກຝ່າຍຄ້ານ.
ຄະນະກຳມະການການເລືອກຕັ້ງແຫ່ງຊາດລະບຸວ່າ: ຄະນະຜູ້ສັງເກດການຕ່າງປະເທດຈະຕ້ອງສົ່ງລາຍງານເປັນລາຍລັກອັກສອນ, ສ່ວນຜູ້ອຳນວຍການຄະນະເບິ່ງແຍງການເລືອກຕັ້ງໃນກຳປູເຈຍ ລະບຸວ່າ: ຄະນະຜູ້ສັງເກດການຕ່າງປະເທດຄວນຄິດກ່ອນທີ່ຈະຕອບຮັບຄຳເຊີນດັ່ງກ່າວ.
ນາຍົກລັດຖະມົນຕີ ຮຸນແຊນ ແລະ ບັນດາຜູ້ສະໜັບສະໜູນກຳລັງຮ່ວມກັນກວາດລ້າງບັນດານັກວິຈານລັດຖະບານ ລວມທັງສະມາຊິກພັກກູ້ຊາດກຳປູເຈຍ ຫລື CNRP ພັກຝ່າຍຄ້ານທີ່ບັນດາສະມາຊິກກ່າວວ່າເປັນຄວາມພະຍາຍາມທີ່ຈະຄອງອຳນາດການບໍລິຫານປະເທດຕໍ່ຂອງນາຍົກລັດຖະມົນຕີ ຮຸນແຊນ ຫລັງຈາກຢູ່ໃນຕຳແໜ່ງມາແລ້ວ 33 ປີ.
